هم مزايا وعيوب نظام الاندرويد !
السلام عليكم ورحمة الله وبركاتة
موضوع انهارده هيكون عن ايه اهم مزايا وعيوب نظام الاندرويد الى كلنا شغالين بيه والمزايا الى جعلت نظام الاندرويد احسن نظام فى العالم فى الفتره الاخيره
-المزايا او Advantages
1- تعدد المهام
نظام الاندرويد بيقدر يخليك تشغل كذا تطبيق او كذا برنامج فى وقت واحد وان التطبيقات تفضل مفتوحه طول اليوم على الموبيل وده الى بيتيح انك تقدر تعمل كذا حاجه فى نفس الوقت.
2-سهوله التواصل الاجتماعى ووصول الرسائل الالكترونيه
نظام الاندرويد فى الموبيل وحتى احنى كمستخدمين لاحظنا ده اما يجيلك رساله بتظهرلك فى شريط البار الى فوق ومبتحرش الا لما تعمل كلير او تقراها وكمان كذلك الرسايل والمكالمات .. وده فضل نظام الاندرويد عند
معظم رجال الاعمال لانه مبيديش فرصه انه يفوتلك حاجه جاتلك او اتقالتلك على النت.
3-الجوجل بلاي او الاندرويد ماركت
يعتبر من افضل الماركت الى اتعملت فى جميع الانظمه لانه بيتيح ليك الاف التطبيقات الى تقدر تنزلها ببلاش ومنها التطبيقات الترفيهيه والمهمه. والتافهه والماركت ده الى خلى مستخدمين الاندرويد فى جميع اعمار
السن وكمان الاندرويد بيديك حريه استخدام ماركت اخر زى Amazon , Black Marker وكذا ماركت تانى وده بيديك تطبيقات بعدد غير محدود بحيث ان المستخدم ميلش من استخدام تطبيقات الاندرويد .
4-تعدد هواتف الاندرويد وتعدد الشركات
نظام الاندرويد غير الانظمه الاخرى الى نزلت زى ال iOS لل iPhone النظام ده اتعمل بس لى الاى فون وده قيدك انك تشترى بس الاي فون بس نظام الاندرويد مديك حرية الاختيار فى كل حاجه وحتى كمان الشركات الى انت
بتحب تستخدمها زى HTC , Samsung , Sony , Acer , Huawei والعديد من الشركات لان نظام الاندرويد مش مقتصر على شركه واحده زى ال iOS وده كمان الى نجحه لان انت مش مقيد بسعر معين ولا شكل معين ولا شركه معينه
.
5-الروم
زهقت من شكل موبيلك ؟ او النظام بتاعه ؟ الاندرويد بيتيح ليك حرية انك تنزل روم لى الموبيل بتاعك وتغير شكل موبيلك وممكن تستخدم رومات بطريقه مختلفه يعنى مثلا حابب تنزل روم لى انظمه الاندرويد المختلفه او
حابب تنزل روم لى شركه موبيل اخرى غير الى معاك ده كله بيتيحه ليك الاندرويد .
6-Widget
من اهم الحجات فى نظام الاندرويد وهيا الوديجت , لانها مش بس بتدى شكل جميل لى الموبيل لا ديه بتخليك توصل لى الحجات اسرع وبتتحط فى خلفيه الشاشة العاديه وده بيمكنك اسرع انك توصل لى الابلكيشن او الموقع
الى عايزه بسهوله جدا .
7-الترفيه
الاندرويد مخلاش حاجه اهتم بى كل حاجه حتى الترفيه وده بان فى ال Wallpapers الى بتتحرك وكمان ظهر فى الجوجل سيرش بار الى هوه من اسرع الحجات الى ممكن تستخدمها لى الوصول ل المعلومه عن طريق الصوت او
الكتابه وكمان ظهر الترفيه بشكل اكبر ف ال Launchers الى عن طريقها تقدر تغير شكل موبيلك بأكمله .
8-السرعه
نظام الاندرويد والشركات اهتمو واجمعوا ان مهما كان ثمن الموبيل بس اهتمو ب سرعة الموبيل وتلاحظو ان %90 من اجهزه الاندرويد بتكون سريعه الاستخدام وسريعه تنفيذ الطلبات والأوامر الى انت بتطلبها .
9-تعدد المتصفح
بينزل مع جهاز الاندرويد متصفح واحد بس الاندرويد بيتيح ليك وده بان فى الجوجل بلاى انه بيديك اكتر من متصفح كأنك بتتعامل مع جهاز كمبيوتر وتقدر تستخدم كذا متصفح مش محكوم بـ واحد بس .
---------------------------------------------------------
عيوب نظام الاندرويد او Disadvantage
1-اهمية الاتصال ب النت
الاندرويد تقريبا بيتيح ل المستخدم كل حاجه بس للاسف كلها بتحتاج نت يعنى موبيل الاندرويد من غير نت زيه زى اى موبيل عادى لان %70 من امكانيات السمارت فون بتعتمد على النت.
2-البطارية
من المشاكل الشائعه وعيوب الاندرويد ان البطاريه بتفضى بسرعه غير طبيعيه اول ما بتستخدم الجوجل بلاي او تستخدم برامج التصفح فى المواقع ولاكن الحقيقه البطاريه بيضفلها ميزه لان اما تشغل اغانى تقريبا مش
بيسحب من بطاريه الجهاز الا كل فين وفين والبطاريه بتشتغل كويس مع المكالمات الصوتيه يعنى مش بتسحب كتير بس فى الاغلب هتستخدم حاجه غير المكالمات والاغانى هتلاقى البطاريه بتخلص بسرعه رهيبه .
3-الذاكره الداخليه
اتظلم فئه وكانت اهم فئه فى نظام الاندرويد وهيه فئه الى تحت ال Samsung Galaxy S معظمهم موبيلات الذاكره الداخليه بتاعتهم مبتتعداش ال 200 ميجا بايت وده كان من اهم عيوب نظام الاندرويد والى خلى ناس كتير
تشترى موبيلات جديده وخلى ناس اكتر تلجأ لى الروت وتوسيع الذاكره الداخليه
4-التطبيقات الغير متاحه
الاندرويد عمل الألاف من التطبيقات بس المشكله ان فيه كتير جدا جدا من التطبيقات مبتشتغلش فى بلاد وبتختلف من بلد واخرى وديه كانت حاجه بجد سيئه جدا
5- شلل الجهاز عند ملء الذاكره الداخليه
كلنا لاحظنا الحكايه ديه ان جهاز بيكون بطيئ جداااا اما الذاكره الداخليه تتملى وكأنك شغال بموبيل صينى لانه بيكون بطيئ وسئ
---------------------------
يارب يكون الموضوع عجبكم
مع تحيات Mo'men.S
المصدر: Android World | اندرويد ورلد - من قسم: المنتدي العام
