؛؛؛؛؛؛؛ يبه فقدتك ؛؛؛؛؛؛؛

السلام عليكم ورحمة الله وبركاته
هذي كلمات كتبتها البارحه هي طويلة شوي
لكن اخترت لكم منها كم بيت مافيها خصوصيه
واتمنى تنال اعجابكن فراشاتي
مجروح قلبي ..صابته عدة طعون
وماظن الايام تشفي طعوني
يبه ..يبه ..وينك أناديك مغبون
ويرجع صدى صوتي ولا جاوبوني
يبه فقدتك طفلتن تجهل شلون
سهم المنايا.. شالتك عن عيوني
وكبرت اسأل ..ليه ربعي ينادون
.. يبه وانا من دونهم ؟؟ حيروني!!
وعرفت ان كلن له بدنيته لون
وانا ترى بدنياي خابت ظنوني
يالله ..يارحمن ..ياخالق الكون
بدل حياتي.. وخلها غير لوني