عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مدخل :
الزمَن لُوحة شًرف
علًقت الايام فيْها اشَباهْنا
واْنزوت عنًا بطرًف
علًمتنا كيف نفصًخ طيبنا
ونلبَس الدنيا مَرضْ
علًمتنا كيف يظهَر شيبنا
ونقًرب لَبعض : لـ غَرضْ ..!!
ياهي هالدنيا دنيَه ومخجُله
شْف خطُوط جَباهنا
بتُموت مْن ضْحك : القَرفْ !!
/
مادخلت اكتب موضوعي هنا وانا ابي ازيد همومكم
ولاعشان ان عندي اسلوب في الكتابه واحب اكتب
لاكن يابنات انا ابيكم تعرفون وش كثر في اقااارب
بس عقارب وش كثر في ناس بس الإنسانيه ماتمت لهم
بأي صله بتكلم معاكم بالعامي عشان اكون قريبه منكم أكثر
يابنات انا
شهدت احداث القصه حدث بــحدث كنت عارفه النهايه وكنت خايفه منها
كنت ابكي لأن اساسها ماكان صح ,,
يمكن لاقريتوا تحسبوني ابالغ وانا والله العظيم مابكتب الا اللي شفته وصار
يوم كنت بثاني ثنوي اختي اللي اكبر مني كانت برابع كليه كانوا يتقدمون لها كثير
ونسمع من الناس بس ان فلان خطب اختي ورفضه ابوي واحنا مانعرف ليش
كان يقول دراستها المهم اختي مااهتمت لاكن الطامه الكبــرى ان الناس بداو يقولون
ان ابوها يقول مخطوبه لولد عمها هي انصدمت بالذات ان ولد عمي هذا اصغر منها يمكن بــ 6 شهور
كانت تبكي ليل نهار وانا اهديها واقول لها لا يمكن يكذبون الناس
لاتصدقين بنسأل ابوي ونشوف
قالت : لا اكيد من جد كلامهم مابيطلعون كلام من عندهم
اليوم الثاني جاء عمي عندنا
( يابنات عمي هذااااا منافق مااحبه تحسين يحب الفلوس اناني
مايدخل مجلس ويطلع الا وفيه احد زعلان سبحان الله وجهه مايفرح
أشياء كثيره لو اقولها لكم بس خلوني اتكلم اكثر وبتعرفون عنه
جاء من يوم دخل البيت قلبي بدااا يدق حسيت بقلبي يوجعني
دخلناه المجلس وابوي ماكان فيه قال وامي تسمعه من عند الباب
خلي بنتك تروح تحلل بكره بنملك الأسبوع الجاي
أنا هنا بدت دمووعي تنزل بدون مااحس ياالله بيجبرونها من جد تتزوج واحد ماتبيه
أختي كانت نايمه رحمتها وش هالخبر اللي بتصحى تتبشر فيه
قالت امي خير انشاء الله وخرج
دقت امي على ابوي قالت له اللي صار
قال: ايه هو خطبها مني من اول وانا وافقت
( يابنات ابوي كان كأن على عينه غشاوه كان
يحسب ان هالشي بمصلحة اختي لو تشوفونه قبل ست سنين
وتشوفونه الحين وشلون الندم عاصر قلبه على اختي )
المهم صحت اختي وبعد يمكن ساعه قالت لها امي اللي صار
هي من الصدمه مااستوعبت ولا قالت شي راحت الغرفه وانا مارح اقدر اكتب ولااوصف
شعورها بذيك اللحظه لأنه لو جمعت حروف الدنيا كلها مارح ينكتب
بكيت بكت امي ماقدرنا نسوي شي
رجع ابوي واختي تبكي
سألها : ليش ماتبغينه
قالت: اولا اصغر مني وثاني شي اعتبره زي اخوي
عمري ماتخيلته يكون زوجي
قال: تكفـــين يابنتي تدرين عمك وش يقول؟
قالت : ايش
قال: يقول بنتك ماتبغى ولدي فبالها واحد اكيد
وانتم بناتي مااحد قد سمع عنكم شي مربيكم احسن تربيه
والكل يشهد بهالشئ لاتخلين عمك على آخر الزمن يوطي راسي .
ابتسمت واظنها ابتسامه قهر ماغيرها : قالت خلاص موافقه .
اليوم الثاني راحت حللت جا اخوي الكبير قال :
لاتوافقين دام ماتبينه انا بكلمه واقوله
هو رجال ويقدر يرفض
المضحك المبكي يابنات انه حتى هو كان مجبور على أختي
شفتوا كيــف القهر!!!!!!!
كلمه اخوي قال اختي ماتبيك
انت رجال تقدر ترفض بس هي بنت
قال : لا مارح اقول
بعد فتره عرفنا انه حتى هو يوم عرف انه ابوه كلم ابوي خذ عفشه وطلع من البيت
ياللــــه
شوفوا التعاسه كيف !!!!
جات الملكه وملكت اختي ولكم انكم تتخيلون القهر داخلها
حاولت تتعايش مع الواقع ……..
كانت الأمور مستتبه نوعا ما الين تزوجت
بعد فتره من زواجها ارسلت لي بآخرالليل :
( عيون أحس نفسي ضااايعه ماكأني تزوجت )
وقتها حسيت نفسي ماادري شلون أواسيها رفعت يديني
دعيت لها من قلبـــي وارسلت لها :
لاضاق هالكون بعيونك..تذكرني!!
وإن ضقت ما غير(ذا القلب) يوسع لك..
أغليك وأقدرك لأنك تقدرني..!
مابيك تحزن وأنا عيني تطالع لك..
نزل همومك على قلبي وسهرني..
وأبشر (بقلب) حنون ودوم يسمع لك
هي بعد ماتخرجت على طول توظفت لأن تخصصها كان مطلوب
وعمي كان يبيها تعطيه الفلوس هو ماخذها اساسا عشان الراتب
انا اقولكم احنا عندنا عماره لكل واحد ما اعمامي دور فيها
الدور الأرضي لأختي هي ساكته فيه هي وزوجها
يعلم الله شكثر غربلوها
كانت بتستجن من حركاتهم
اتذكر يوم كانت حامل بــ 6 شهور كانت عندنا مره فوق ببيتنا
كنا بنسوي شي وقالت يالله ننزل ناخذ اغراض من بيتي ونطلع
قلت يالله نزلت انا وياها
يوم فتحنا الباب الا لمبات بيتها مفتوحه
استغربنا زوجها مسافر كان
دخلت الغرفه وانا دخلت المطبخ اشرب ماي
قسم بالله يابنات معفووس قشر البصل مالي المطبخ
انا هنا انفجعت قلت لها تعالي بسرعه
يوم جات قالت : وش ذا من سوا كذا
قلت مااعرف انتي عطيتي مفتاحك حد قالت لا
بس امه عندها مفتاح
قلت اتصلي واسالي حد دخل منهم هنا
رحنا غرفتها ودقت على بيت عمي فوق
ردت زوجة عمي ام زوجها
قالت : بس بغيت اسأل حد دخل بيتي ؟؟
قالت : اييه انا دخلت ليش تمنعيني ادخل بيت ولدي ؟؟؟؟؟
اختي هنا استجنت قالت : لا ماامنعك بس المفروض تقولين لي قبل تدخلين
قالت : مو على كيفك بيت ولدي وطرررراخ قفلت السماعه بوجه اختي
اختي قعدت تبكي :
قالت تخيلي ياعيون حتى في الصباح يوم اروح الدوام
احيان تنزل بيتي تاخذ اللي تبي وتطلع
احيان اجي ادور اشياء ماالاقيها يوم اطلع بيتهم الاقيها
تدخل غرفة نومي وفيها خصوصياتي وش اسوي فيهم ياااربي
قلت لها خلاص خلنا نطلع ونقول لأبوي يكلمهم يحترمون نفسهم شوي
ولو اني اشك ان عندهم ذرة احترام
رتبنا بيتها وطلعنا بس وصلنا فوووق وكان ابوي جالس بالصاله
دخلنا اختي راحت غرفتي مقهوره والصيحه فيها
دق الجرس يوم فتحت الا زوجة عمي ام زوجها
: قالت:
يالله ياااااااارب يعلق هــ الجنين بين اضلاع اختك
قسم بالله دارت فيني الارض وش هــ الدعوووه حراااام
طيب تكره اختي وهي ماسوت لها شي تنبلع لاكن تدعي هالدعوه
مااستحملت قلت لها :
خافي ربك هــ الجنين قبل يكون جنين اختي هو لولدك
قالت : تمنعني ادخل بيت ولدي
قلت : مامنعتك لاكن من الذووق تستأذنين وماتدخلين تعفسينه زي ماشفناه وتطلعين عيب
ردت الباب بوجهي وطلعت
انا ماقدرت استحمل قعدت على رجولي يااااناس وش هالناس
وبديت ابكي وابوي سمع كل شي حسيت الدم اللي بعروقه كله طلع بوجهه
خذ شماغه وطلع ماتكلم ولابكلمه
..كلم عمي وقاله انا بغير كوالين مفتاح البيت مو حاله هذي
البنت مهما كان لها خصوصياتها …
انتهت الصيفيه ورجعنا حنا مكه عشان الدوامات
وزوج اختي جاء تعيينه في الشرقيه واختي ماتقدر تروح معاه عشان دوامها
المهم ذيــك السنه عانت معاناه احنا مو قريبين منها واهل زوجها ماخلوها في حالها
اذوووها حتى مايسألونها وش تبي ووش تحتاج !!
حتى انبوبة الغاز يوم يعبونها لها يطلبونها فلوسها ..
شفتوا كيــف
معاناه وغربه تجيب القرف !!
مره من المرات سافروا هنا عندنا ومع اختي طبعا وزوجها
بس دخلنا شنطة اختي غرفتي وهم اغراضهم بالمجلس
انشغلنا نجهز اغراض القهوه وتذكرت جوالي في غرفتي
كنت موصيه اخوي يجيب لي اغراض وقال ارسليها لي برساله
دخلت غرفتي عشان ارسل له والا زوجة عمي انصددمت يوم شفتها تفتح شنطة اختي
وتفتح علبة لبانها وتاخذ منها
قلت لها : وش تسوين ؟؟؟؟؟؟؟؟؟؟؟؟؟؟؟
ماردت علي قفلت العلبه ورمتها كذا ع الملابس
ولاحتى كلفت نفسها ترجعها نفس ماكانت وخرجت
صح انهم دفعوا مهر لااااااااكن ماتوصل انها متى ماتبغى تفتح شنطة اختي
وتاخذ اللي تبي وش نهاااية هذي الأدميه ظاالمه بكل ماتعنيه هالكلمه ..
/
في ليله من الليالي ارسلت لي أختي :
( تعباااانه ياااعيون أحس ان يومي قرب
بوصيــــك ..!!)
خفت عليها من قلب :
دقيت مااردت
أرسلت لها :
( دخيلك لاااتقول الآه لاتبكي
وتناديني
عليك الله وأمان الله
دخيلك لا تبكيني
أنا عونك يهالدنيا
محد يكسر مجاديفي )
لاااتوصيني انتي بخير
تكفين لاتقولين كذا بتولدين
وبتصيرين بخير ان شاء الله لايهمونك
صلي وادعي ربك الله بياخذ حقك منهم
لاتخااافين كلنا معاك
ردت :
( عيوون يمكن اموت قريب قلبي قسم بالله
بدت تخف نبضاته انا من جد تعبانه
بس قولي لهم بعد مااموت لاأشوفهم بعد موتي
جاثين ع ركبهم لأنه في موتي حيت بهم بسمة انتصار
وماأوصيك على اللي في بطني ..خذوه عندكم لاتخلونه عندهم خلوني أموت وانا مرتااحه)
آآآآآآه قلبي بدا يوجعني عليها مااحد حاس فيها
عرفت شكثر الدنيا بكبرها ماعادت توسعها ……………..!!!!
الين هنااا وأوقف فينــــي الغصــه كن الأحداث اللي كتبتها
صارت البارح يمكن ارجع واكمل لكم ويمكن ادفن باقي الأحداث
بــ تراب الذكريااات…..”
سامحوني طولت عليكم ..أحبكم يالفراشااات
*(لاأسمح ولاأحلل بنقل مواضيعي )
مخرج:
مابقى لك شي عندي لاجل افكر بك واداري
لانك اصلا صرت عندي ماتساوي اي شي
اما باخر عمري مثلك جاي بيزعزع وقاري ؟!
انت من صدقك تَكلم ؟!
والله ماباقي الا هي
الزمن والحكي وانت وكل من يطعن سماري
يوم بتموتون لكن ..
يبقى رب الناس حي
😆 🙄
