عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم .
السلآم عليكم ورحمة الله وبركآاآته .
صلّوا عالحبيب .. اللهم صلّ وسلم وبآاآرك عليه
أخبآاآرك حبيبتي ؟ عسآك طيبه ..!
إذا كنتي من جد تحفظي ودآئم تنسينه أو ما يرسخ في بآاآلك .. ! لآ تخافين إن شاء الله الحل هنا < طبعا الكلام هذآ سبق وكتبته في حلقتي .. لكن حبيت أعيده هنا عالعاام بس حتى تستفيدو منه .
كيف ترسخين الحفظ في بآآلك ..1) أول شئ خلي عزيمتك مرره نآآر . وتكوني من جد نااويه تحفظي وبأي طريقة كاانت .. !
لآنو إذا توفرت العزيمة رح تنفتح لك بآآآب كبير .. ورح تتيسر لك إن شاء الله .
2)روحي لمكآن هاادئ جدا . ويفضل مكاان إنتي تحبيه . وما تخلي فيها أي شئ ممكن يكدرك . مثلآ إنتي تكرهي المكاان يكون حوسه . نظفي المكاان قبل ما تجلسي فيه .. ! أو مثلا إنتي عامله تسريحه تضآيقك عدليها بإلي يعجبك .. ! ولما تحسي نفسك إرتحتي تماما .. ! حاولي ما تشغلين بآآلك بأي شئ { لآتفكري بآي شئ ممكن ] .. ! وبكذآ إنتي تهيآتي نفسيآآ .. ! وتقدري تحفظي وترتسخ بإذن الله في بآلك .
3) توكلي على الله . وإحسني الظن بالله . فالله سبحاانه وتعالى نعم الوكيل ونعم المعين . ! واستعيني بــ { اللهم لآ سهلا إلا ما جعلته سهلا وأنت تجعل الحزن إن شئت سهلآ ] . وأيضآ { لآ إله إلا أنت سبحآنك إنت كنت من الظآلمين ] . ويآآآرب يسرها علي وسهلها وزي كذآ . 😆 🙂
4) خلاص إبدآي بالحفظ . وطريقة الحفظ أكثر من مليوون وسيله وطريقة .. ! وآنا رح أعرض لكم أفضل الطرق من تجربتي ومن تجربة غيري .. !
أ) طبعا هآذي الطريقة يستخدمها أفضل رجل في قووة الذآكرة في العااالم كله . < أناسمعته بنفسي لما علم العالم سر قوة حفظة 
طبعا الرجل يحفظ في أجزااء من الثآنيه بشكل عجيـــب .. !<< يآليت لو أعرف اسمه حتى أجيب لكم فيديوهات له .. وتشووفو سبحاان الله كيف قدر يستغل عقله صح . 😳
وطريقته هي يبدآ يقرن كل حاجه ببعضها ..؟ بآي طريقه ممكنه حتى لو كاانت مش عقلانيه للبعض .؟ خلوني أديكم مثآل بسيط . دحين أنا أبغى أحفظ الآرقآم هاذي من دون ما آنسااها وبنفس ترتيبها . 12650 .. ! وإذا حبيت أعمل نفس طريقته وأقرن بينهم فرح أقول . الوااحد مستوي بعدين تجي ثنين وتنكسر على يسآرها في إتجااه فتحه الواحد ثم تجي السته وتنكسر يمين وتعمل دوآآر لها ثم تجي الخمسه وتفك الدوآآر ثم تصير دويرة كااامله وإلي هي الصفر .. ! وبالفعل سبق وجربتها بأكثر من مرره وولا عمري شفت طريقه أفضل من هاذي بالحفظ .. ! 
ما أدري آحسها ما وصلت لكم .. خلوني أديكم مثآل تااني . أبي أنا دحين أحفظ الحيواانات التااليه بالترتيب . { صقر . ـأرنب . حصآن . زرآفة . حوت ] . طيب إذا عملت بنفس الطريقه وحبيت أقرنها فخلوني أقرنها على شكل قصه ..؟
ورح أقول . كان الصقر يطير ولقى له أرنب بالطريق وصآآده وشآلة معاه وبطريقة لقى حصآآن يتسآبق مع زرآآفة والزراافة سبقت الحصآآن وظل الصقر يطير لما حد وصل للبحر ولقى هنااك حوت أزرق يتمشى مع أولاده ..! ووصل الصقر لبيته وأكل عشآآء هنيآ .. ! { صح القصه نوعا ما مش منطقيه . لكن بكذآ تحفظين } .
وكمآن في أكثر من طريقة بعد للقرن بين المعلوماات مع بعض .. وممكن زي ما قلت لكم . { تعملينها على شكل قصة , أو تشوفين وجه التشآبه بينها , أو حتى وجه الاختلآف , أو تعملين لها حااجه خيآليه حيــل . ! مثلا تقولي السته طااارت ورااحت للخمسه وتزوجت بالوااحد يعني زي كذآ .. وفي أكثر كمآن لكن هاذي إلي دحين تحضرني .
ب) طيب إذا ما كاان عندك خيآآل وااسع <<هههه عاد أنا خيآآلي وااسع بزيآآآآده 
فبإمكاانك تعملي الطرق التقليدية . ومنها .التكرآآآر [ التكرآآر يعلم الشطآآر ] .. ! يعني كرري الآية كثيـــــــــــر لما حد تحفظيها . وإذا خلصتي وحفظتي السورة كرريها في صلاواااتك . وكرريها قبل لا تنااامي وبكل وقت تتذكريها < وبعدها بإذن الله مستحيــل تنسيها . ➡
ج) وكماان عندك الاستمآآآع . وهااذي كاانت طريقتي زمااان . وسبحاان الله الان لما أحفظ كآني قاعده أسمع صوت القآرئ إلي كنت أحفظ له .. !
بمعنى . إنتي مثلا عليك حفظ سورة النبآ روحي ونزلي لقآرئ تخشعي مع صوته وفي البدآية إستمعي فقط . ! بدون ما ترددي معآه . ! لكن مو أي إستمااع إستمااع بتركيز إنسي إنك في الدونيا .. ! كآنك في عالم ثآني وما فيه غيرك وغير القآرئ إلي تستمعي له . ! وبعد كم مره من الاستمااع إرجعي وعيدي مقطع سورة النبآ . وكرري معااه { مش ورااه لآ .! } معااه يعني وهو يقرآ إقرآي إنتي معااه كذآ غيب . ! في البدآآية رح تغلطي لكن بعدين إن شاء الله بتمشي زي العسل . !
وبعدها إن حصل وسجلتي صوووتك وإستمعتي لتسميعك تتآكدي من الاغلاط ولآ لآ.. ما فيه أي مشكله 
د) والأخيره عندي . ! هي إنك . تكتبي عالورق . الشئ إلي تبغي تحفظيه . ! مع مرااعااة لو كاان قرآن تنتبهين للدفتر إلي كتبتيه وإذا خلصتي منه تحطيه مع الجرآيد ما ترجميه بالزبآآلة , !
طبعا هالطريقة تعتبر تقليديه جدا جدا . ونفعت مع ناآس كثيـــــــــر .! < لكن أنا وأماانه يعني ما نفعت معآآي أبد . ما أدري ليش بس يمكن لآني أكره الكتآآبه خلقة 😛
أكتبي السورة ثم اكتبيها ثم أكتبيها لماااااااا ترسخ صح في بآآلك . وخلآص سبحاان الله ترسخ .. ! وهآذي الطريقة يتبعها وآحد أنا أعرفه الله يحفظه إن شاء الله .. وكاان متفووق جد في كل شئ بسم الله عليه عين الله تحرصه . 😆
وبكذآ إنتهيت من طرق الحفظ وإلي أعتبرها الاهم أو الاكثر فعآلية . 😛
5) بعد ما تخلصي حفظ اسجدي شكرا لله .. ! لآن الله يسر لك يآآها . وبعدها قولي [
اللهم إني أستودعتك ما قرأت وما حفظت وما تعلمت فرده عند حاجتي إليه إنك على كل شيء قدير، حسبنا الله ونعم الوكيل} . وأي ذكر إنتي تعرفيه . ! وهاذي بعض ما وجدت في موقع إسلام ويب .أ] ( اللهم رب جبرائيل وميكائيل وإسرافيل فاطر السموات والأرض عالم الغيب والشهادة أنت تحكم بين عبادك فيما كانوا فيه يختلفون ، اهدني لما اختلف فيه من الحق بإذنك إنك تهدي من تشاء إلى صراط مستقيم ) .
ب] يا معلم إبراهيم علمني .
ج] ما شاء الله ، لا قوة إلا بالله العلي العظيم .
وغيرها الكثير ولكن هذآ ما يحضرني . الان . 
6) أكيد المرآآآجعة ضروريه جدىآ يعني مو بس تحفظين وخلالاص ما عاد ترجعين لها أبدا , شئ طبيعي تنسين أي شئ ما يحضر بآآلك .. ! فلآزم تحفظين صح .. ! وترآجعين كماان صح .. ! وأما المرااجعه مرره سهله .. بصلآلآتك وإنتي تصلي أقرآيها في صلآوااتك وإن شاء الله ما يحصل إلا كل خير ..
وفي النهآية آحمد الله إلي يسر لي ما كتبت لكم .. !
وأتمنى إني أفدتكم ولو شوية .. !
وتعمدتــ أخليه في موضوع مستقل حتى الكل يستفيد 😆 hy:
ويآآرب تستفيدو منه كمآآن .. !
وربي يوفقكم ويحفظكم إن شآء الله ويسهل عليكم كل درووب الخير .. !
