عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ..
حبايبي عليكم دايماً أقرا مواضيعكم وردودكم لبعض ماشاء الله لا قوة إلا بالله كلكم تحبو الخير لبعضكم فقررت أستشيركم في موضوع وكل واحده وخبرتها أو حسب ما سمعت من أناس ثقة ..
أنا من مكة واليوم فكرت قلت ليش ما أراجع عند دكتورة نساء وولادة أكون تحت مراقبتها وبإذن الله أحمل على يدها من بعد فضل الله وكرمه عليه ..
أنا عن نفسي أول ما جات في بالي الدكتور سحر ملودي في مستشفى فقيه بجدة مرررة أحبها وأرتاح لها وأثق فيها جداً بس خايفة انه ما تتيسر لي روحة جدة في كل موعد وخاصة اني بابدأ من الأسبوع الجاي عشان الدورة بتجيني وباخد كلوميد وزوجي مطوف مشغول في شغل الحج مو فاضي لي .. ..
طبعاً كان لازم أفكر في دكتورة من مكة قالوا لي لي على دكتورة أحلام اللي في الصيرفي على ما أعتقد مدحوا لي فيها وأمي تقولي على أكثر من واحده راحت لها وحملت على يدها بعد فضل الله عليها ..
فإنتو اش رايكم أغامر وآخد موعد عند سحر ملودي في جدة ولا أشوف لي دكتورة في مكة وتنصحوني بمين في مكة اش الدكاترة اللي تعرفوهم طيبين أو سمعتوا عنهم دلوني عليهم ربي يرزقكم كلكم بإذن الله بالحمل بذرية صالحة تكون سبب في دخولكم الجنة ياااااااااارب ..
