**أبرمــــــي كل مافينـــــي**

أبرمي كلّ مافيني من جروح الزمن وأنساك..
خلاص إسمك من أفكاري قتلْته بسيف نسيانك..
يكفي ماتحمّلته من ذنوب الشعر لرضاك..
غلطه وأتحمّل الغلطه إلهي عفوك وإحسانك..
نسيت اللّي وقف معك بعد ماعافتك دنياك..
نسيت اللّي بدينا شي وأنت أدرى ولاهانك..
على النيّه على الإخلاص أحسب إنك على مبداك..
طعنت الحب بيديك وغرست الشوك بأعيانك..
ظلم تظلم وأنا ربي مثل ماخنتني يبلاك..
يورّيك العذاب ألوان لين تشوف نيرانك..
خلاص إلعب على راحتك خلاص إن قلتلك مبْغاك..
أنا ماخنْتك بنفسي شعورٍ فيك هو خانك..
رحوم إرحم ولكنه على ذلّي هلا بفرقاه..
تبي واللّي تبيه سوّه يهزّ ضعوف عصيانك..
على غيري مراسيلك يجيني مثلك وشرواك..
يشوف الناس بأطباعه مثل طبعك مثل شانك..
يكفّيني من الدنيا خذيت الحيّز بدنياك..
خذيت دروس منساها لوْ إنه حلْ نسيانك