أبني والبلل

السلام والرحمة على كل الأمهات المجاهدات حبيت اعرض مشكلتي وقلت في بالي اكيد خواتي ماراح يقصرون انا عندي بنت وولد بنتي عمرها الأن 5سنوات وأذكر اني لما كملت السنتين قررت اني اعلمها على الحمام ونترك الحفاظه وماشاء الله عليها اسبوع الا وهي تنام بدون حفاظة والحين تخيلت ان الشى نفسه بيصير مع ابني وعمره سنتين وسبع شهور وابتديت اعلمة من حوالي اسبوعين ونصف ولاحظت اني لازم انا اللي الاحقة كل مره ولا بيسويها الله يكرمكم في ملابسه واللي تاعبني اكثر اني الا الأن البسة حفاظه لما يجي ينام ولما يقوم من النوم تكون ملابسه كلها مبلولة وكأنة طول الليل جالس يشرب سوائل على الرغم من اني احاول اخليه مايشرب كثير قبل النوم علشان كذا اقول لنفسي كيف راح اخليه ينام بدون حفاظة اذا هذا حاله ولا تقولون لي العيب من الحفاظات ولا بتقولون لي ان الولد غير عن البنت علشان كذا اتمنى انكم ماتبخلون علي بتجاربكم ونصايحكم0