عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
طبعاً مشكلتي واضحة من عنوانها أبي أكون صديقات في الجامعة
مو السالفة ان ما عندي صديقات في الجامعة بالمرة لا عندي بس صديقاتي هذولا كانو معي من أيام الثانوي والحين دخلو معي الجامعة بس المشكلة أني نااااادر ما ألتقي فيهم تعرفون عشان المحاظرات والي عندها أوف اليوم الفلاني والفرصة يعطوننا نص ساعة بس يا دوب نشوف بعض الا بعدها محاضرة وإذا التقينا نفترق بسرعة عشان المحاضرات وأنا سنة أولى ولا وحدة معي من نفس المجموعة صديقة لي أو حتى زميلة من الثانوي أو من هذي السنة كل صديقاتي الي معي مقسمين كل بنت في قسم ومجموعة كلهم بنات ما أعرفهم وأنتو تعرفون أن الجامعة تجمع كل طبقات المجتمع غنية فقيرة متدينة صايعة زينة شينة
المهم ما أبي أطول عليكم بكلامي المشكلة هي أني أبي أكون صديقات جدد في الجامعة يعني معي في المجموعة عشان تكون معي أوقات صديقاتي ما يكونون موجودين أو عندهم محاظرات بس ما ني عارفة كيف أكون صديقات جدد
وفي نفس الوقت ما يصير أتم وحيدة لين أشوف صديقاتي بعض الأحيان يمر يوم كامل ما أشوفهم وإذا شفتهم مثل ما قلت لكم مو أكثر من نص ساعة ويمكن أقل الشي الثاني أبي أصادق ناس جدد(الناس تهوى الجديد)
بس أبي منكم تساعدوني كيف ألاقي بنت أصادقها خصوصاً وأن كل البنات غرباء مرة ساعدوني والله يجزاكم خير
