عالم البنات النسائي كل ما يخص المرأة العربية من ازياء وجمال والحياة الزوجية والمطبخ
شلونكم بنات …؟؟؟
أبي من خبيرات المكياج و إلي له خبره كبيره بهالمجال تساعدني …
أنا بصراحه تعبت من روحة الصالونات كل عرس و بصراحه مخاسير كبيره على كل عرس و مرات تجيج العروس ورا بعض من تدفعين له و ألا من تخلينه ➡ …
فقررت أحط المكياج فالبيت أنا لي فالمكاياج شي بسيط مو شاطره حييييييييل بالمكياج بس دمجي حلو و مرتب بس أحتاج الأدوات اللازمه علشان أحط مكياج نظيف و مرتب …
يعني أبي منكم تعطوني إسم كريم أساس عدل يخفي العيوب يعني أثار مشخات عالوجه أو أي شي ثاني يعني أبي كريم عدل و ما يقطع عالوجه و يغطي البلاوي و يصلح للعروس و يصمد و يثبت لآخر العرس …
و أبي الإضاءه حلوه لتحت العيون …
و أبي إسم شدو عدل يعطيج اللون إلي قدام عيونج مو يعطيج غسول اللون (( يعني باهت لونه غير إلي موجود قدام عينج )) و سهل يندمج مع لون ثاني …
و أبي أيلاينر سهل يسيح مع الشدو لما أبي أدمجه مع الشدو مو ينشف بسرعه …
و أنا مراااااااات لما أبي أحط أي لون شدو تحت العين مع الكحل ما يضبط معاي يعني ما يبين اللون و يصير كأنه كحل داث تحت العين او شدو داث (( متناثر )) تحت العين …
و أبي بعد بودرة وجه حلوه تغطيتها …
و إذا في أي شي ممكن يفيدني أو أضيفه لمجموعة أدوات المكياج إلي عندي قولوه لي الله يجزاكم خير …
و أي تعليمات حابين تضيفونها ممكن تساعدني كلي آذانٍ صاغيه لكم …
و ربي يجزاكم الجنه يا خواتي و ربي يعطيكم الصحه و العافيه …
إختكم في الله …
ذرى …
