عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم و رحمة الله و بركاته
طبعا حدث هذا الحلم في الصباح و حالتي الدينية عادية و حالتي الأجتماعيه عزباء و عندي 7 من الأخوان و الأناث 2 …
فأنا طالبه في أحد معاهد الحاسب ….
حلمت في الصباح بأن أمي تقول لي أن في شخص تقدم لي … سألت أمي عن أسمه.. و سألت وين يشتغل و كيف
شكله قالت لي بعدين بتعرفين بكل شي المهم راح نعمل الخطوبة … و صارت الخطوبة في بيتنا و لا شفته بس
أسمع الناس يقولون لي مبروك و في نفس اليوم إللي صارت فيها الخطوبة صرت حامل منه في الشهر الثالث و
كان بطني بارز و صرت أتمشى في البيت بهدوء عشاني خايفه على الجنين يصير له شي وصلت الصاله لقيت
عماتي يناظروني بأبتسامة و الفرحة واضحة على وجوهم و يقولون لي مبروك و تفاجأت أنهم يطبخون في الصاله
اللقيمات و أشياء ثانية ما أذكرها و رحت جلست على كنبة الصاله و أنا أقول يا ربي أنا حامل منه و صرت
أفكر يا ربي شلون شكل إللي خطبني هذا؟؟؟ بعدين قلت بتصل بصديقتي و بقول لها أني أنخطبت و حملت في
نفس الوقت و أتصلت بها و قلت لها و قالت لي هي مندهشة : يا الله أنتي تزوجتي في شهر واحد من ضمن ثلاث
شهور و حملتي في الشهر الثالث من ضمن ثلاث شهور…بعدين قالت لي : شرايك نطلع نتمشى شوي قلت : بس أنا
حامل أخاف يصير لي شي ..قالت : إحنا راح نتمشى بهدوء عشان الجنين ما يصير له شي ……….. و أتصلت
بصديقتي الثانية و قالت لي نفس الكلام و بعدها قمت و لبست عباتي و الجو صاير العصر و طلعت لقيت صديقاتي
إللي إتصلت فيهم جاوا لي و سلموا علي و باركوا لي على الزواج و الحمل …….
و صحيت من النوم ……….. و كنت أفكر قبل ما أنام أن إللي أتمناه هل ستقدمي لي قريبا؟؟؟؟؟؟؟؟؟؟؟
