أتمنى انكم تسمعوني وما تتأففوا مني زي كل الي حولي –

مقالات مشابهة

لاضاقت بي الدنيا رجيت ربي ومن ثم طالبه مشورتكم

19 فبراير، 2016

مشكلتي هي امي –

18 فبراير، 2016

اوووووووووووف

18 فبراير، 2016

أبي افضفض..بسس ما اطلب منكم حل لأن الي في ماله حل..
زوجي انسان رائع ويحبني كثير بس انا احس حبه لي بخنقني بعض المرات يعني هو يوفرلي كل سبل الراحه ومافي شي اطلبه الا ويجبلي اياه بس اذا حبيت اسهر مع قرايبي بنات خالاتي مايخليني تلقوني اول وحده تطلع في العزايم اذا كان عنده اصحاب قلي اسهري واذا مافي قلي ارجعي البيت طيب هذي مو انانية المشكلة اني لمن اتكلم معاه واكون انا زعلانه منه مدري كيف يقلب ام الموضوع علي واسير انا الغلطانه وهو الزعلان وكل مرة كده في كل خلاف انا الغلطانه وانا لما ما اكون مقتنعه اني غلطانه لو ايه ما اعتذر يقوم يقول عني مكابرة واهلي بعيدين عني وما اشوفهم الا بالسنه مرة اذا قلتلو وحشوني احس بنظرة لا مبالاة او ما يرد ولا يقول طيب اش اسويلك يعني ما ادري كيف ..افعاله حلوة مرات ومرات لا ولسانه حلو في المدح بس النقد والنصح لاذع ويجرح احسه شخصين في واحد الشخص الطيب الحنون الي يجبلي الي اباه والشخص العنيد العصبي الي يبي كل شي يسير على كيفه مرات اكون طلبت منه روحه لمكان ووافق علطلعه هذي مع خالتي او موقف صار وكان ردة فعله ايجابية يتكرر نفس الموقف بحذافيره مع نفس الأشخاص الا اتفاجأ بردة فعله سلبيه طيب انا كيف اعرف ردات فعله هذي المتقلبه والله تعبت مرات يقول اهلك هم اهلي وهو ما يحتاج عزيمة ولما ما يجي يقول ما عزموني وان اعتذروله قال عادي اش دعوه انا مازعلت..
والله اني اتفشل مرات قدام اهلي بسبب بعض مواقفه السلبيه وانا الي في النهاية يجي الكلام على راسي يامن امي يامنه هو ..احس والله محد يفهمني ..كل واحد شايف وجهة نظره هي الصح من ناحيته وناحية امي ومحد حاس فيني اتكلمت معاهم لما صار لساني حبل ..مافي فايده تهدا الأمور شوية وترجع تتأجج النيران بينهم بسبب تافه..
وبعدين يلوموني اني انا نا اعرف اتعامل مع زوجي وانا الي ما عرفت افهمه كيف المفروض يتكلم ويفعل ..
وعيالي..
اه من العيال طول الوقت اغير حفاظات ولا اودي الحمام ولا اكلهم ولا البسهم ولا العبهم ..ماعندي مشكله هذولا عيالي وانا احبهم من قلبي بس احس ماصارلي وقت لنفسي اسوي فيه هواياتي اشغالي اليدوية زمان اعمالي الفنية كلها بكرتون لأجل غير مسمى حتى والله ام زوجي تكون طيبة معاية بعدين في موقف يصير لسانها في النصيحه يعور القلب
انا مضايقه ومدري اذا فهمتوا الي انا فيه ولا كلامي وافكاري مخربطين ادعولي الله يفرج كربتي وييسر امري واشوف اهلي في الإجازة ان شالله بدون مشاكل دعوتكم في الغيب لاتنسوني