عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مدخل:،
قصة شقا ماهي سواليف ومزووح ..
……ليت القدر يومه كتبها محاهااا
هذا النصيب وماكتب لي على اللوح
قصة عذاااب تبكي اللي قراااها …!!
😥
يابنااات ضايق صدري وودي افضفض لكم …ادري ان كل وحده فيكم
فيها من اللي يكفيها من المشاكل …لكن …بقولكم القصة او الغصة من البدايه
لاتقولون خبله تبي تتزوج …كل بنت تتمنى تتزوج واللي ايده بالما مو مثل اللي
ايده بــ النار …
مجتمعنا مايرحم
الناس مايرحمون
أهلنا وهم اهلنا بعد مايرحمووون
من فتره للثانيه يجرحون فينا ..واحنا ماغير نسكت ونبلع جــــــــراح !!
كانت السالفه قبل اربع سنين …تقريبا وأنا ثالث ثانوي
كنا متجمعين أنا واخواني وقاعدين نعلق ع بعض واخواني
الشباب بما انهم يطلعون ويتجمعون مع اولاد خوالي واولاد اعمامي
يعرفون ..وعلى فكره ترى حتى الشباب بعضهم تكون لهم أحلام وآمااال
وبنت يحلم يرتبط فيها وهذا اللي صار وقاعده اسأل اخوي فلان من يبي
وفلان وفلان وهو قاعد يخبرني وصلنا لولد خالي وقلت اسمه قلت : فلان من يبي
ضحك أخوي وقال : يبيـــــــــــــــك
قلت : بلا كذب ليش تكذب
قال : ورب البيت انه يبيك ويحبك 😈
انا سكت واستحيت وآآآآآآآآآآآآآخر شي كنت اتوقعه انه هالولد يكون يحبني
ماجا في بالي ابد لأني مااتذكر اصلا اني كنت العب معاه في طفولتي ولا لي
علاقه فيه حتى وحنا اطفال مااتذكر ولاأتذكر اني قد جلست معاه حتى وانا صغيره
سبحـــــــان الله ..
المهم ..من بعدها بفتره صار يجيني اخوي ومعاه رساله يعطييني اياها يقول :هذي من فلان
كنت دوووم أقراها وأقطعها وارميها عشان محد يشوفها …كنت استغرب من حبه الكبير لي
ماأخفيكم بديت أحبه وأفكر فيه ..بس عمري مافكرت اني ارد على رسايله ولاعلى شي يجيني منه
بس بيني وبين نفسي بديت احبه أذكر مره اخته المتزوجه دقت علي
قالت : عيون فلااان جايب لك هديه تاخذينها ؟؟
قلت : والله اعذريني ياغاليه مابيني وبينه شيي عشان اقبل منه هدايا
لكن اذا صار شي رسمي بيننا بقبل منه اي شي بس وش هي الهديه 😉 ؟
قالت : خاتم ذهب
قلت : عليك بالعافيه خذيه انتي واعتذري لي منه مااقدر اخذ منه شي الحين
قالت : طيب
كنت اروح بيتهم …وادخل غرفته الاااقي حرفي مكتوب فكل مكان
اسأل اخته اقول هو يعرفني عشان يحبني لهادرجه
قالت : مدري بس انه يحبك
وذاك اليوم وحنا فبيتهم جا وعرف اني موجوده طفش امه يبيها تخطبني
جات امه وكنا جالسين بغرفة الحريم قالت لأمي :
توافقون نخطب عيون لــ فلاان ؟
طفشني يبيها
قالت امي :
خلينا نسأل ابوها وان شاء الله يصير خير
…
اشتغل قلبي على خطيبي المنتظر صرت احبه
من كل قلبي وصرت مااتخيل اني باخذ واحد غيره
كنت اشوفه لادخلت بيت خوالي اطلع الاقيه برا ينتظر
عشان يشوفني قدم بنفس الجامعه اللي في منطقتنا عشان يصير قريب
منا ……شاااااااااااريني يابنات ورب البيت شاريني
كنت احس الكل يحسدني عليه يتضايقون من حبه لي
بالصيف اللي فات …طلعت بنت عمي عندنا بالليل ع الساعه 1 تقريبا
وهي بنفس سني قالت في ناس جدد خطبوا من جماعتنا ..
وانا كنت اقطع سلطة للسحور مع الرز كان برمضان ..
قلت وانا اضحك عادي : مين اللي خطب
وكنا انا واختي وامي جالسين ..قالت : فلاااان خطب ( اللي هو ولد خالي )قصدها
انا هنا 💡 انصدممممممت مرره وهي تعرف انه يحبني بغيت اقطع يدي وانا اقطع
من الصدمه تداركت الموقف قلت : من خطب ؟
قلت : فلااانه
حسيت اني ماعاد اقدر اكمل قمت غرفتي ودموعي من دون مااحس تنزل
معقوله حلم عمري يفكر يخطب غيري ليييييييييييش ؟؟
كل هذا كان كذب حبه لي كله كان كذب مستحييييييييييييييييل ليش
بعد ماحبيته وتعلقت فيه وبينت آآآآآآآآآآآآآآآمال وأحلام يهدمها بلحظه
آآآآآآآآآآآآه ياربي 😆 🙂 انا غبيه شلون صدقته يااااااحسافه كل لحظة فكرت فيه
اربع سنين وانا استناه وآآآآآآآخرتها يخطب غيري كل هالأفكار كانت تدور ببالي لحظتها
فتحت دفتر مذكراتي واخذت القلم وبديت اكتب ودموعي تنزل :
بكل هدوء
وبرودة مشاعره
وصمت احساسه
بـ ك ـل بساطة أسمع قهقهته ساخراً
لما .. ماذا فعلت .. انا ..
لكي يـفـ ع ـل ذلك ..ويسخر
أذنبي انني احببته
بـ ك ـل وفاء
أذنبـي انني جـ ع ـلتــه القريب دوماً
هل صدقي معـــه
كان غباء
هل وفائي معـــه
كان ضعف
ماذا أفعل بقلبي
ماذا أفـ ع ـل بروحي
ألا يكفيني ألـ م ــي 😎
لازلت اتسائل …
لما .. وكيف .. فعلت ذلك ..؟!!
اتمنـى الموت صدقنــي
لأنـه ليس بيدي
سوى البكـاء
والألم يمزقنــــي
قلب يئن حزنـاً
ولا أعلم لماذا أنت بهذه الوقاحة ؟
إن كان هناك خطاً في حياتي .. فهو أنت
ولا أريدك أن تعود أبداً
دخلت حياتي وأفسدتها .. وليت كل هذا لم يحدث
ولكن كان هذا مقدراً ومكتوباً .. وكان عليّ الاستفادة من أخطائي
وجلّ من لا يخطأ
” لو ضاع مستقبلي ماني بسامح لك ..
…….يكفيني الماضي اللي ضاااع بــ أسبابك “
قررت امسح دموعي ومع آخر دمعه نزلت ينزل ولد خالي من عيني ومن قلبي
قفلت الدفتر وخرجت …غسلت وجهي ورحت عندهم بالصاله لقيتهم يتسحرون جلست تسحرت معاهم
وبعد السحور كنت جالسه واختي جنبي قالت : عيون ليه فلان سوا كذا ؟؟ مو هو يبيك
طالعت فيها بحسره وقلت مدريي والله 🙂
المهم بس جاء اخوي سألته قلت له : صح فلان خطب؟
قال مدري ماقال
شاف عيوني بتغرق من الدموع شفق علي قال بعد شوي بقابله في المسجد
واسأله ..
خرجت ..وكنت انتظر تنتهي الصلاه بفارغ الصبر كنت ادعي انه يكون كذب
جاء اخوي ودخل علي قال تعالي انتي من قال لك انه خطب ؟
قلت مدري سمعت
قال : والله لاخطب ولاشي وترى هو عصب يوم سمع السالفه
وبيروح لامه يعرف منها وش السالفه هو يبيك انتي
ماااااااااااااااااتتصورون يابنات وش كثر حسيت بفرحه من داخلي
حمدت الله انها كذبه ..ورحت انام وانا مرتاحه …
للحين ماصار شي رسمي بيني وبينه بس ان شاء الله يصير
ويجمعني فيه عاجلا غير آآآجل 🙁
ادري طولت عليكم …لكني متضايقه اليوم وحبيت افضفض لكم ..اشكر كل من قرأت حروفي
واسأل الله العلي القدير أن يعجل في نصيب كل من أرادت الزواج ..
بقدرته ..ورحمته .. ❗
مخرج :
يعين الله على دنيا تخلي خاطري مكسور
………. و أسايرها و أنا راضي غصب عني يعين الله
/
