أحس بألم غريب… الله يخليكم ساعدوني

يوم الخميس الماضي كان عندي موعد عند الدكتوره وكل شيء تماااام … أعطتني الدكتوره تطعيمة الكزاز رغم اني ماخذتها قبل لما كان عمري 16 سنه ثلاث جرعات .. قالت لي هذي جرعه وحده تنشيطيه ومامنها ضرر.. أخذتها ومن بعدها الله لايوريكم شر الجمعه الظهر تعبت حسيت ماني قادره اوقف على رجولي ودي بس أنسدح على ظهري على العصر ارتفعت حرارتي وصلت 37.6 أخذت مسكن كانت وصفته لي الدكتوره قبل .. بهذا الوقت حسيت بالم في قلبي وضلوعي وظهري جهت الرئتين ألم يموووووووووووووووووووووووووووووووووت ومن الألم قمت ابكي رغم اني الحمد لله ماني جواااره وخوافه بس الم ماقدرت اتحمله ابد … خف مع المسكن ارتفت الحراره من جديد الساعه11 الليل وصلت 38.5 وأخذت المسكن ودش حلو ومع الارتفاع جاني نفس الألم بضلوعي وقلبي وتحت الصدر وظهري ألم شديد .. مع المسكن نزلت الحراره لكن الألم ماخف إلا 2ونص الليل من انام يرجع بقوه احس روحي بتطلع كأن شيء يضغط على القلب والصدر ويضرب من تحت في عظام الكتوف من ظهري ألحين اكتب لكم وانا باموت من الألم هذا … حتى لو آكل او أشرب شيء اذا وصل بمستوى الصدر أحس فيه غصه ….واذا باخذ نفس عميق مااقدر اكمل ينقطع ولازم أكح كحه خفيفه حتى يرجع ..
ألحين الساعة 7وحرارتي من ساعه وهي 36.4 رغم اني بعد11ونص الليل ماأخذت مسكن .. مدري كذا طبيعي او لا..
الله يخليكم سااااااااعدوني ارتفاع الحراره طبيعي مع التطعيم؟؟؟؟
الألم اللي احسه بقلبي وظهري بيموتني وش قصته ؟؟ هو من الجنين لأنه يضغط على فووووق جهة المعده والرئتين او فيه سبب ثاني؟؟؟
للتوضيح..>>
(( الألم عبارة عن … احس بشيء ضاغط على ضلوعي يسار ويمين تحت صدري ويعورني قلبي وتحت صدري من الأمام ومن الظهر ، الم يعوووووووور موووت يخف شوووي بس يرجع اقوى ))