عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمه الله وبركآآآته
وبعد / اعرض لكم مشكلة بل مصيبة سامحوني على الاسلوب فأنا اكتب بالعامية والفصحى اخلط …. المهم
يا فراشات الله يبارك فيكم أختي الله يهداها ويردها إليه ردا جميلا انسانه تصلي الصلوات العادية لكن وتعرف الحق والعادات والتقاليد وكلش تمام لكن :
من ساعة ما تخرجت من الثانوية ودخلت الكلية وهي بعلاقات مع الشباب واهلي ما يدرون إلى الآن .. بداية باللي يرمون أرقامهم وشوي شوي وتطورت مع التقدم التكنولوجي
فكانت اولا تروح للسوق في كامل زينتها وهي تدري تمام انه حرام لكن لا حياة وطلعت جوال مع ان ذيك الفتره ماكانو الناس يعني يزعجون إلا إن جوالها ما يسكت ابد هذا الكلام في عام 1423هـ يعني قديم وتكره ان يكون لها صديقات بنات تقول البنات مهي حلوه صداقتهن وبالكلية تفشلني مع صديقاتي تنظر لهن نظرة دونية ( هي أكبر مني بسنتين بس ) …
وتمشي وتمر الأيام واختي من علاقة بعلاقة بس تليفونات بس جوال يعني ……
وكل يوم طلعات للسوق ومستحيل تشوف شي ديني بالتلفزيون او انها تسمع كلام ديني صحيح هي تصلي الحمد لله بس انا اشوف انها فاجرة واسكت وابلع الموس وعارفه كل شي أنا وساكته …
ما احب اجلس معها على التلفزيون ابد ابد تحوم كبدي ….
المهم وتمشي الايام وتمشي
طبعا خلصنا من الكلية انا اللي اصغر منها الحين داخله في الـ 26 سنه ومتخرجه من 4 سنوات يعني مثل ما قلت لكم مشت الايام وتعرفت على واحد ثري طبعا من السوق هو سعودي وعايلتهم معروفه يعني تجار وتكلمه الحين لها اكثر من سنه او تبي تطبق السنتين علاقاتها معه وتقول على حد كلامها انها خلاص ما عاد تحب احد غيره …. وأنا اشوفها انها انهت كل علاقة لها سابقا وحتى جوالها غيرته
اخلاص لهذا الشخص
وهذا الشخص انسان يحب يكلم ويتعرف بس ولا والف لا يتزوج وحده متعرف عليها واعطته وجه لأن وباختصار ما يثق فيها وهذا الكلام السليم والمنطقي اللي كل العالم تقوله
لكن اختي مخها ضارب
المهم هو واعدها بالزواج وأنا أقص يدي اليمنى إذا تزوجها وحذرتها وقلت مليون ألف مرره لكن تقول انتي دايم ضدي
تبيني اشجعها على المنكر علشان ترضى عني واذا ارضيت الناس واسخطت الله يسخط علي الله ثم خلقه ….
مالحل معها ؟؟؟ ترفض كل الخواطيب اللي يجون لها وهو لأنها تقول أنا مآآآ أأأأخذ حي الله …. ورب الارض والسموات العلى انه يضحك عليها ولا يتزوجها مستحيل طبعا
لانها تقول فاتح أهله ورفضو بشده يزوجون ولدهم وحده متعرف عليها اصلا هو ما يرضى … تابعت كم مسلسل تركي … وضحكت على نفسها وآمنت بالزفت الحب ….
وقبل 4 شهور زارتنا وحده من الجماعه تعرف امي من زمان وقالت ابي اشوف بناتها وهي طبعا اختي رفضت تطلع قالت انا ما اتزوج أي واحد ولا ابيها تشوفني الحرمه وطلعت انا طبعا وباقي خواتي وكل شوي تجي الحرمه عند امي ولا تشوفها والحرمه كانت تخطب لولدها الكبير اللي عمره 28 سنه وموظف وعلى قدر من الاخلاق يعني مآآشاء الله ماعليه خلاف هذا الظاهر …
اختي رفضت وبشده ولا طلعت اصلا للحرمه من اساس اول زيارة
طيب والحل …. الحرمه قالت عاد لا انا ابي فلاااانه اللي هي انا وانا طبعا وحده متخرجه ولاني مشغوله بشي استخرت وتوكلت على الله ووافقت …والحين أنا ممكلة لي ثلاث شهور وزاوجي بعد الثلاث شهور ….
الاهل طبعا يقولون ان اختي فيها شي يمنعها عن الزواج وانا اشوف ان المعصيه فيها والدجه بالعاميه ….
يا بنات هي تكذب على امي تقول تشتغل في مشغل وهي اصلا ما تحب الحريم ولا تروح يعني مثلا كل شهرين تروح مره اول انا كنت مصدقتها انها تشتغل بمشغل واسألها عن اسم المشغل تقول سر ما اقوله لك علشان مت تقولين لصديقاتك وبكره يصيرين يقول اخت فلانه بالمشغل الفلاني ….. وبعد فتره من الزمن اكتشفت انها لاهي تشتغل بمشغل ولا هم يحزنون هي :
/
تقاااااااااااااااااااااااااااااااااااااااااااااااا ااااااااااااابله
ايه نعم
حسبي الله ونعم الوكيل اقسم بالله اني بعذاب …….. عارفه وساكته
حسبي الله فيها وفيه
احاول اجيبها من الجانب الديني البارح قلت يالله نسمع شريط للشيخ عبد المحسن الأحمد والله كأني أسوقها لنار جهنم قلت كلها ساعه ويالله الشريط ممتع وحلو ويتكلم عن ناس كيف تغيرت حياتهم بعد القرآن ….. لكن يالله سمعت وعلى عيوني بس اول جزء والباقي قالت بكره …………….
………………………………………….. ………………………….
والصلاة والسلام على رسول الله وآله وصحبه ومن والاه ….
دعواتكم بالهدايه ومغفرة الذنوب لاختي وللمسلمين
