عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اهلييييين فراشات
كيفكم؟
اشوف كثير بنات يستفسرون عن الكونسيلر وكيفية وضعه..
انا اخذت دورة عند ماركة بوبي براون
المشكله اني ما اعرف انزل صور
بس بوضح لكم كللللللل شي..لا تقولون اشياء كثيره والا هذا ما يصلح الا للمناسبات ! بالعكس هذا انا دااايم احطه مررره طبيعي بس يخفي ميه ميه..وبصراحه انا ما احب الخرابيط اللي تنحط وتلمع فوق الكونسيلر ..شوفوا معاي
يالله بسم الله
ركزووووووووا معااااااااي
اول شي تجيبين كريم للعيون..اللي هو يكون مرطب..ومثبت للكونسيلر..ويخفف الخطوط والتجاعيد
انا حقي اشتريته من بوبي براون
تحطينه بهدوء وكمية معقوله مو كثييييير ..انتظري شوي لين تمتصه البشره (على فكره انا هذا استخدمه كمان على جفوني قبل الاي شادو..وانتظر شوي احط الاي شادو..يثبته ويعطيه نفس اللون اللي انتي شاريته)
ثاني شي فيه شي زي الكونسيلر بس مو كونسيلر 😛 موجود عند بوبي براون ينحط قبل الكونسيلر ..بصراحه انا حقي اشتريته من جورجيو ارماني لونه اصصصصصصصصفر ..لا تنفجعون ايييه لونه اصفر هذا عشان السواد والهالات يعكسها..حطي بالفرشه وشخبطي شخبطي ليييين تصيرين لونتي المنطقه كلها..انتظري شوي لين تمتصه البشره بعدين بأصبعك ربتي شوي شوي على المنطقه عشان يشيل الزايد
هاا مركزيين معي؟
طيييييب بعدين المرحله الثالثه تجيبين الكونسيلر ➡ ما بغينا نوصل له
لاااازم يكون بالفرشه..مو اي فرشه !! لا في فرشه خاصه بالكونسيلر..احلى كونسيلر يخفي العيووووب بذمممه حق بوبي براون..ويجي معاه بودره تناسب لون الكونسيلر (بما ان الفاونديشين يكون اغمق من الكونسيلر..فإن بودرة الفاونديشن تكون غير بودرة الكونسيلر..يودرة الكونسيلر افتح )
امسكي الفرشه وحطي من هالكونسيلر..انتظري شوي برضوا عشان تمتصه البشره..بعدين بنفس الطريقه بإصبعك ربتي شوي شوي عشان تشيلين الزائد..
آآآخر مرحله بنفس البودره اللي مع الكونسيلر تجي..بالفرشه حطي شوي..نفضيها عشان يروح منها الزايد ولايتكتل تحت عيونك..بعدين بهدوء وخفففه كأنك تنقطين مو تمسحيين فيها بقوه ! عشان ما يخرب اللي سويناه
تووووووته تووووووووته خلصت الحتوووووووته
