أخواتي احتاج مساعدتكم ونصائحكم ~ عروس جديدة

السلام عليكم ورحمة الله وبركاتهكيفكم خواتي ؟ ان شاء الله بخير وطاعة يارب
ماعرف كيف ابدأ ووش أقول لكن بقول اللي بيدور بخاطري 😡
وأتمنى صاحبات الخبرة يساعدوني :”(
أنا متزوجة حديثا 😆 🙂
المهم قريب بكمل شهرين من زواجي
وأنا اكبر اخواتي واول فرحة بالعايلة حتى لجدآني من جهة الوالد والوالدة :$
وضعي الحالي : غشيمة للغاية واستحي بالاستشارة فما لي غيركن اخوات كبار لي
المشكلة ماهي بزوجي ولا فيني المشكلة بوضعنا حاليا
أبشرح لكم
مالنا الا اسبوعين من بدأ يدوآم ورجعنا للشرقية
طبعا محسوبتكم من النوع الجبان أولاً
ثانياً شقتنا تونا سمينا ومابعد ووصل حتى الأثاث
فأيام أقضيها عند اهلي وأيام عنده أول مايرخصونه الدوآم كم يوم مع الويكند
ونقضيها في الفنادق 🙂
المشكلة هنا وش ؟
أحسه بعدنا عن بعض ماهو زي قبل 💡
هو مايقصر حتى بأيام الدوام يجي ويطلعني دآيم
لكن طلبته يخفف الزيارات لانه أرهاق له
يعني يوم أيه ويوم لا
يعني أنا شايفة أخواني والوالد الله يخليهم ➡
يجون مهددوين الحيل العصر من الدوام ومابحيلهم يطلعونا المغرب او العشا
وهو يضغط ع نفسه ويجي ويقول لازم تعيشي حلاوة الزواج
ومابغى اقصر عليك بشي
^
هنا بتقولون لي خليه يكرف 😛
بس معليش مقدر أنا طبعي حنونة يوم اشوف الواحد تعبان ماحب اضغطه :$
بس بعدين أطلع عيونه بالويكند <<~ حنونة هآ ؟ 😉
نرجع لمحور الحديث XD

أنا عندي أحساس له فترة متكون بداخلي :”
أحس صرنا بعاد مرة وهالشي يخنقني جدآ
صح يكلمني يخرجني بس ولو
أحس تجاهه بوحشة كبيرة 🙁
وهالفترة ممكن يزيد البعد أكثر
شغله مزيدين عليهم كمية الزام !!
وبعد ماحشوفه يوم العيد ولا ثانيه ➡
والزام يكون أستلام 24 ساعة ويدوام اليوم اللي بعده دوام كامل
يعني يجي وهو تافل العافية :”)
بس الحمدلله مديره واعده باجازة هدية الزواج (بدري :)) + الاجازة العيد
بس ماراح يستلمها الأمتأخر :”
يعني تقريبا صاير وضعي كانه وضع متملكة الا الويكند أقلب متزوجة

أسئلتي كالتالي :

1- احساسي شي طبيعي لانه توي جديدة؟
2- فيه شي أقدر اسويه اقتل هالشعور لانه بسبب صايرة ام دميعة 😎
3- زوجي من النوع الجريئ ودايم يقول خذي راحتك بالكلام ولا تخجلي
وأنا مقدر بالعكس انكتم أول مايبدأ يتكلم <<~ وضع متملكة قلبا وقالبا
فهل فيه رسايل أو اشياء تنصحوني أسويها ؟
ولا أبقى زي مانا وضعي عليه ؟ لانه توي جديدة كما أسلفت سابقاً
يعني أسوي حركات الثقل ؟
4- ثالث العيد احتمال كبير نسكن بشقتنا فعادي أسوي ليلة حمرآ ؟ ولا انثبر

أخواتي الكبيرات أحتاج نصيحتكم بأي شكل ممكن يساعدني
لأن وضعي مزري جدآ
أحتاج احد يوجهني صح 😀
وبأذن الله بميزان حسناتكم