عالم البنات النسائي كل ما يخص المرأة العربية من ازياء وجمال والحياة الزوجية والمطبخ
ذبات الشباب السعودي على السعوديات
السعوديات امهات الركب السود (من سمعهم قال مسوين احصائيه وشايفين كل السعوديات )
تاركين كل شيء زين فيها وناقزين للركبه؟
حق الله ان تفكيرهم بركبتهم فشلونا مشفح العالم تقول الخشم العيون الفم والشعب الركب مادري وش يدورون به الاماكن
مير حتى اللي تلق لق من البياض ركبتها ماتصير بيضا
عنبو داركم خليتو ( الركب السود) علامة جوده لسعوديات
يعني لجات وحده ركبتها ورديه قمنا نشك بأصلها
السعوديات ام كرشه ( الحين من سمعكم قال الشاب السعودي عليه جسم رياضي مسكت ناسين ان لكم كروش (تقال الواحد حامل بشهر السابع
يعني طبيعي الوحده لها بطن اجل تبونا جسمنا كله ظهر؟
بعدين هالكرشه اللي مهي عاجبتكم شالتكم وشالت بزارينكم قبل لتشرفون
( السعوديات سمر .. (الاسمر خابرينه والله اللي الشمس حارقته حرق وماعاد نفرق وجهه من قفاه.
السعوديات مايعرفن يطبخن حدهن جريش ومرقوق ويخب ( هذا بدل ماتحمد الله وتشكره ان احد معطيك وجه ويطبخ لك نسينا ايام المطاعم؟)
يعني حتى طبخنا انجاز وزحمه المفروض تقدرون هالشيء
يعني تبون نقطع الطماطم والبصل والبقدونس ونذبه على بعض ونقدمه لكم؟
ترا سهله بس نبيكم تشبعون
السعوديات ثلاث ارباع جمالها مكياج ( من الملامح اليوسفيه اللي بشبابنا يتلطمون يخافون من العين والفتنه ماكأن الوجه كله شنب )
السعوديات مايعرفن يلبسن ( مادري وش عندهم المصممين العالمين زهير مراد وطقته بركه الثوب والشماغ (لبسكم ولا كان علوم
( السعوديات قرويات ( تكفون ياللي ومولودين في باريس ومترعرعين في اسبانيا
عنبو حيكم ورا ماترفعون فينا مثل منتو مرفعين في الاجانب ؟
( لميس خليتوها تتحول من كومبارس محد معطيها وجه الى بطله صارت من اثرياء العالم عطيتوها امل في (الحياة
( حليمه بولند انهبلت صارت تسوي حركات بهلاونيه قدام الشاشه لـ تصل عليها واحد سعودي)
خابرتكم رخوم تحبون نوعيتها ( وئالت شو ئالت انا جمهوري السعودي كبير)
الا والله من سماجتهم وذوقهم الخايس ولا انتي من يناظر وجهتس اللي اغلبه تركيب صناعي
خلتكم مهبل الواحد كبر جدي ولـ تصل على حليمه استخفت فيه تقوله قول ( هيييييييا)
وهذاك الدلخ يدربي راسه وراها ليته والله مسجل صوته وهو يقول (هييا) قسم بالله ليستحقر عمره
ويفكر بالانتحار
( ندى اللي بالجرس حدها البئاع ويخب من اتصالاتكم خليتوها سردادي مردادي على باريس)
والبلا ليت فيكم سناعه
الا والله الواحد فيكم لجا يسولف يدبل التسبد
( بهواك تقوله ( الله يرحم من عقبك تكلم زين ولا اسكت ابرك
فضحتونا عند باقي الشعوب
انا ماقد شفت مصري ولبناني وسوري وخليجي واوربي وامريكي يسبون في بناتهم مثلكم يالسعودين
حتى الصومال وهي صومال ماسبو في بناتهم ..
( تسبون فينا بحماس واجتهاد وكنكم تناقشون رسالة ماجستير)
كثير اتسأل هل نحن في مجتمع خليطي عشان الكل يحكم على الفتاة السعوديه ويطلق هالاحكام اللي ثلاث ارباعها تهريج؟
هل مجتمعنا يسمح للواحد منكم يشوف كل البنات 24 ساعه
من سمع كلامكم قال حنا بمصر ولا بسوريا نقعد وسط بعضنا
من وين هالمعلومات لكم بأي مقياس تقيسون على البنت السعوديه؟
هل انت شفت كل بنات السعوديه ؟
ياخي انت حدك مجتمعك فقط ماتشوف الا محارمك امك اختك زوجتك وبنتك وخالتك وعمتك
يعني على اي اساس حكمت؟
اذا انت منت شايف خير لاتعتقد ان كل العالم مثلك ابد
اذا انت اللي تشوفهم عادين جداً ومواصفاتهم نفس اللي تعذربون فيها مهو شرط ان كل السعوديات مثلهن
لكن انا ودي اطرح سؤال يقرقع بصدري منذو قرون
ليش هالنظره ؟
وليش هالهجوم وش المغزى منه
اذا انتو يالسعودين تسبون وتسخطون في بناتكم ( لين ماصرنا مستهدفين)
اجل مانلوم باقي الشعوب لخلونا تريقه
مانلوم احد لجا ورز في اليوتوب مارجات العراق وسوريا وقال هذولي سعوديات
اذا انتو تسعون في تشويه السمعه وحنا منكم وفيكم خواتكم وبناتكم وامهاتكم فليش نجي ونشره ع غيرنا
والغريب والادهى انكم تسبون فينا وتمدحون في غيرنا !
طيب ليش يااخوان لماذا كل هذا الحقد
يعني دائما حديثكم بالمنتديات
يجي واحد ويمسك خط ومدح بالسوريات يعني ماعرفت وش اسمي هالحاله
( يمكنه حاقد خطب اكثر من سعوديه ورفضوه)
فصارت عنده ردت فعل عكسيه
يعني وش هالعقليات المتخلفه !
معقول تسب في بنت ديرتك وبالمقابل تمدح الاجنبيه ؟
(السوريا ت والمغربيات (والله ماطيحكم عند هالاشكال الا قلة الحيا
وكبرو عقولكم
ترا هالحركات ماتقلل الا من قيمتكم
واذا ودكم بالاجنبيات ماظنتي احد قاضبكم ولا رادكم تزوجو بس بدون دلاخات واستظراف على حسابنا
ومير سبيتو ولا ماسبيتو مالكم غناة عنا
بالعكس احمدو ربكم انّ راضين فيكم
من اميلي
