أدمنتـــــــــــــــــــــــه

السلآم عليكم أنآ بنت عمري 21 أدرس بالجآمعه بقولكم سآلفتي باختصآر أنآ كآن بحيآتي أمـــور متعبه أفكر فيهآومره مره متعبتني بس عذرا مآقدر أقولهآ بس لآزم أفكر فيهآ لأنهآ ظروف مجبره أعيشهآ وكنت أتمنى يجي شي أو أعيش تجربه تنسيني هالاشيآء اللي متعبتني لي سنه تقريبآ مسجله في منتدى مره معروف ومشهور .. منتدى سعودي فيه آلآف البنآت والأولآد والله إني دخلت النت وأنآ مآخذه عهد على نفسي مآأنحرف وإذآ حسيت إني بديت بهالشي لأن الشيطآن حريص ويجري بابن آدم مجرى الدم كنت أقول لآحسيت إني بديت أنحرف لآزم أتركه ومآأسمح لنفسي إني أتمآدى بالغلط لكن سبحآن الله كآن فيه عضو بهالمنتدى مرررررره رآقي وعآقل ومحترم والكل يحترمه ويحسب له ألف حسآب مع إن مشآركآته قليله إلا إن له حضور عجيب وأبدآ مآعنده حركآت أتميلح قدآم البنآت ومآدري إيش فتحت ملفه الشخصي وأخذت إيميله كنت معجبه فيه وبأسلوبه وبطرقة تفكيره مجرد مآأضفته لقيته متصل وأرسل لي مين إنتي وعرفني وهيك عرف إني فلآنه اللي بالمنتدى معه بس كآن جدددددددددددددا رسمي معي ومآيتعمد يكلمني كثيرعلى فكره هو عمره 22 يعني أكبر مني بسنه كنت دآيم أنآ اللي أجيه وأكلمه وجدددددا رآقي مآعمره حآول يتميلح قدآمي أبدآ كآن يستفزني أحيآنآ بحركآته اللي تحسسني إني ولآشي عنده حتى مره قآلي يآبنت بقولك شغله ترآ أنآ والله مو رآعي بنآت ولآحركآت ولآهبآل يعني إذآ تبين شي منهآ إسمحي لي ..إنقهرت مره من أسلوبه عصبت عليه وقعدت أهآوش لأنه فهمني غلط والله مآدري وش كنت أبي منه بالضبط بس كنت أتمنى يعطيني وجه ويسولف معي مره بعد مره تطورت علآقتنآ أكثر وصآر هو اللي يجيني ويفتح معي موآضيع عشآن نتكلم فيهآ طبعآ أعجبت فيه زيآده وصرت أعرف متى يدخل وأدخل بنفس وقته تغير جدولي مثله ..صرت أنآم بوقت وأهلي بوقت ثآني عشآنه أدمنتـــــــــــــــــــــــــــــــــــــــــــــ ــــه يوميآ لآزم أكلمه وإن مآكلمته كل يوم أحس فيه شي نآقص بحيآتي صآر هو تفكيري الوحيد بعد أيآم عرف إني أرسم و شآف بعض من رسومآتي وقآل لي مره بأسلوب مزح وش رآيك ترسميني أ خذت السآلفه جد وقلت أوكي نو بروبليم أرسل لي 4 صور له وقآل إختآري اللي يعجبك أعجبت فيه زيآده مع إنه مآكآن ذآك الجمآل بس سبحآن الله ملآمحه تنطبق على شخصيته اللي بالمنتدى إنسآن رزه وعآقل ومحترم رسمته وأرسلتهآ وحطهآ صوره له بالمسن ألحين علآقتنآ لهآ تقريبآ خمس شهور والصوره مآغيرهآ قبل شهر تقريبآ صآر بينآ مشكله جلسنآ يومين مآنكلم بعض بعد هاليومين حلينآهآ وقآل لي إنه يحبني أنا أنهبلت وقلت له وأنآ بعد نفس الشي أنآ عآرفه إن هالحب مصيره الفشل مستحيل أتزوجه حتى لو طلب مني هالشي بس الشي اللي قآعده أعيشه ألحين مرررررره حلو بقدر مآهو متعب بس حلو عآجبني إحسآس إن فيه أحد يحبني ومهتم فيني والحين صرت لآزم أكلمه يوميآ إذآ مو أكثر من مره باليوم طبعآ بالمسن مو بالجوآل وإن مآصآر هالشي أنهبل وأتعب والله وأصدع ويصير أسلوبي زفت مع أهلي صرت أطنش أهلي وكل وقتي ع النت يآربي وش هالعذآب؟؟؟؟حتى الصلآة أستغفر الله والله بس أفكر فيه مره تعلقت به عآرفه إنكم تنآظرون لي على إني المغفله وهو الذئب بس وربببببببببببي إنه يموت فيني يمكن مستحيل تصدقوني بس ع الاقل صدقوا إني أحبه وأعشقه لحد يقولي إكرهيه ولآ إبعدي عنه مآأقدر ولآأبي يكفي إنه نسآني أشيآء شينه بحيآتي مآدري وش أبي منكم بالضبط بس أبي رآيكم