عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
حالتي الدينه عادية بس الحمدلله دايما ارقي نفسي واحصن نفسي وأحاول اتقرب لربنا بالأعمال الطيبة والإستغفار والتسبيح
غير متزوجه
وقت الحلم الظهر تقريباً
حلمت قبل يومين إني في واقفه بمكان وكان في نفس المكان أسد بس الأسد كان واقف على رجلين بس وبعييد عني وكان ينظر لي بنظرات غريبة ومخيفه وانا واقفه بعيد عنه بس شايفته وشايفني المهم جاني واحد كان معاه دفتر شيكات حقت وقف وصدقه جارية جاني وقالي تبغي تشاركي في وقف او صدقة أنا وقتها مره فرحت انه جاني لحدي قمت ماصدقت وصلعت من شنطتي 3 ريال بس طلعتها وانا مستعجله خايفه احد يشووفني واعطيته هيا قام قالي اسف الوقف قمته 25 ريال انا ع طول طلعت من الشنطه ال25 واعطيته والشنطة حقتي كانت مليانه فلوس راح الرجال والأسد يطالعني من بعيد وحاقد عليااا ويقووول لو استمريتي على وضعك دا راح أوريكي ايش راح أعملك بس الأسد كان واقف في مكانه لاهو مربوط ولا محطوط بالقفصبس ماهو قادر يتحرك أنا كنت حاسه كدا في الحلم بعدين جات وحده واخذته ومر من جنبي وهوا يطالع فيني بنظرات مخيفة بس وانتهى الحلم .
