أريد حل سريع ؟؟؟؟؟

أنا زرت أهل زوجي اليوم وبيت عمي بنفس الوقت وزيارتي لهم مره في الأسبوع فقط وأنا أكن لهم كل أحترام وتقدير وهم نفس الحكايه وعندهم بنت متزوجه وعندها ولد عمره 3 سنوات وتجي عند أهلها كل خميس وجمعه وتنام عندهم وبنتي عمرها خمس سنوات يلعبون مع بنت عمي صغيره عمرها 8سنوات طاح ولدها وجلس يبكي جات أمه مسرعه ومسكت بنتي في الممر وضربتها تقول ليش أطقين ولدي وأنا جاسه في الصاله وأشوفها وهي تضربها جات بنتي تبكي تقول يا ماما والله ماضربته هو طاح المهم يوم جات بنت عمي الكبيرة بفهمها الوضع وأقولها لاتضرب بنتي مره ثانيه لأني ماأسمح أحد يضربها أنفجرت علي وقامت تسمعني كلام فضيع وتقول أنا ماني خايفه من أحد والله لضربها وصارت تهدد بنتي وهي جالسه وراي وصارت ترفع صوتها رديت عليها بكل هدوء لو سمحتي لاترفعين صوتك وأنا تراني مقدره عمي وأهل البيت ولا أبي أغلط على أحد قالت لي أصلا أنت وش جابك هنا تجين وتضربون عيالنا المهم أنا سكتها وراحت وتلعن وتسب وزوجي كان في المسجد هو وعمي المهم كتبت رساله لزوجي وشرحت له بأختصار وقلت أنا بروح البيت المهم جاء زوجي ألين أخته تنظره عند الباب جاء وجلس عندي وجات بنته تشتكي من عمتها وجات عمتها تهاوش تقول أن بنتك تكذب وأنا ساكته وسكتها اخوها قال أنا ماسالتك علشان تقوليلي زعلت وثارت قالت أيه شكتك بالرساله علشان كذا أنعميت وراحت لأمها تصلي في غرفتها وتشتكي لها وجات أمها وجلست عندنا ولاتكلمت في أي شيء وجاءت هي وجلست رحت أنا أغير لبنتي الصغيره وجيت ماحصلتهم راحو يتناقشون برا عند عمي ببيت الشعر بعيد عني بس الله يعلم وش صار لكن زوجي يقولي أنا هاوشتها وقلت أنا ماأسمحلك تضربين بنتي مره ثانيه وأنا أخذت أعتبارك منها وأنتهت المشكلة خلاص ولاتتناقشين فيه مره ثانيه.
طبعا هو قالي نقاشهم هذا وأنا وياه راجعين لبيتنا في السياره أنا زعلت قلت وش يضملي أنك أخذت أعتباري لأزم تحكيلي بالتفصيل ألي دار بينكم وإلا أكلم أبوي ويأخذ حقي من أهلك كلهم زعل زوجي وقام يسب في أبوي ويقول تخوفينا في أبوك إذا كنتي تبين أبوك ألحين أوديك بيت أهلك بشنطتك وأغراضك
والحين أنا زعلانه وجالسه في المجلس وبنام فيه، وهو نايم في غرفته، وأنا ماأقبل أحد يسب أبوي وأجلس معه وبنفس الوقت ماأقدر أروح بيت أهلي ويروح هو لبيت أهلي والدنيا مكهربه عندهم ويصدونه عني وأنا ودي أعطيه درس ماينساه علشان مايسب أهلي مره ثانيه..
علما لي ست سنوات من زواجنا ماعمره هاوشني أو سب أهلي؟؟
مالحل ؟؟؟ أبي حل سريع قبل الفجر الله يخليكم …