أسرقها وانا صغيره .. والآن تهديني ألماس!!

.
.

اول شيء انا اعتذر عن الموضوع اللي طرحته قبل امس
وانفهم خطأ ..

،

حابه اتكلم عن طفولتي شوي لأجل تفهمون الموضوع
انا اعاني من الحرمان من كل شيء من قبل ابوي
والسبب اني جيت بنت وسمتني امي باسم مايحبه هو ولا
اهله ..
ومو بس عانيت من الحرمان عانيت من إهانات سببت لي
نقص وانطواء الى الآن اشعر فيه ..

وهذي الآسباب كانت كفيله بأنها تخيليني امارس سلوكيات
خاطئه وانا صغيره تقريبا 11-12 سنه

كنت اسرق ..
اسرق اغراض من البنات بالمدرسه او بالمحلات و
اسرق فلوس خالتي وجدتي اي دولاب فيه فلوس آخذهم
واروح اشتري لي اسكريم و دفاتر واشياء عاديه مرره
بس احيانا المبلغ مايكون خاص فيهم يكون جمعية بينهم
وبين ناس ثانيه ..

المهم خالتي كانت تعصب مني بس بالفتره اللي كنت اسرقها
وبعدين تنسى الموضوع وخالي كان ينصحني بغرفه لحالي مع امي
وتركت هالشيء تماما ..
وإلى الآن اتصدق بنية ان الله يغفرلي وينسيني هالشيء هذا
وانا متحسسه من هذا الشيء انا صرت كبيره 18 سنه
صرت ما امد يدي على شي دايما احس انهم بيقولون بأنفسهم
اني اسرق .. وحتى خالتي دايما ترسلني اجيب فلوس لها من شنطتها
عشان اتحسسني انها ناسية الموضوع ..
مره كنت بآخذ شنطتي حاطتها بدولابها وهي صرخت على بنتها
تقولها وش تسوين وانا فهمت انه لي وقلت لها لا بس كنت ادور
المرطب في شنطتي ..
وقالت انا اكلم ( بنتها ) انا سكتت ..
هم ماسووا لي ولا حسسوني اني سارقه ..
بس انا طايحه من عين نفسي ودايما احس بالنقص واظن
انهم يقولون عني من وراي وافقد الثقه واحس بالذنب
بشكل مؤلم ..

وامس اتصلت على امي وقالت لها انها مااعطتنا شيء عشان
النجاح وقالت لها انها بتجيب لي تعليقه الماس ..

وربي كنت ببكي اتتذكر كل شيء وحتى كنت ابي اقول لأمي
نست اني كنت اسرقها بس مسكت نفسي ورحت الغرفه

ابي حل لهذا العذاب اللي انساه ويرجع لي بأوقات غلط
ابي احس اني حالي حال اللي ماغلط ..

وشلون اقدر اخفف من تأنيب الضمير ..؟
فكرت اهديها هدية بس طبعا مو الحين لما ادخل الكليه ان شاء الله
لأن هي ماتقصر رغم اللي كنت اسويه تعطيني فلوس بدل نجاحي
وتعشينا على حسابها اغلب الأوقات ..
وبالعكس تعاملني احسن معامله ..

بس تأنيب الضمير .. والله عجزت خلاص اعطوني حل ➡