عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته،،
طبعا الوحدة منا من خلال التجربة تتعلم،، وفي أشيا تندمتِ إنج ماسويتيها أو سويتيها أثناء أو بعد الحمل،، هالموضوع (إذا ماكان متكرر) إن شاء الله بيكون مثل صندوق نحط فيه تجاربن عشان غيرنا يتجنبها،،
ولاتنسون الأجر المستمر إن شاء الله،،
مثال: وحدة تندمت إنها ماحطت كريم أو زيت يلين منطقة البطن والنتيجة (التشققات)
مثال2: وحدة كانت عارفة واستخدمت كريم نفعها خلال هالفترة وتجنبت هالشي المزعج،،
طبعا نباها تحط شو نوعه وصورة له إذا ممكن،،
شخصيا: أجلت سالفة ضرس فيه تسوس بسيط لين حملت،، وطبعا مثل ماهو معروف الحامل
ممنوع عليها طبيب الأسنان لأن هذا يأثر عالجنين ويسبب لاقدر الله الإجهاض،،
الحين متندمة أشد الندم خايفة يتطوالتسوس وأنا بعدني في بداية الحمل،،
ما أقول إلا الله المستعان 🙂
نتريا الخوات عشان الكل يستفيد،،
مع خالص دعواتي لكن بالتوفيق وتسهيل ولاداتكن،، 😉
كابوتشينو
