عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
شلونكم يا امهات وشخبار اطفالكم عساهم بخير
موضوعي يا اخوات
ان ابني سويت له تحليل وطلع عنده نقص بالحديد
الحمدالله على كل حال
والمشكله بالاطفال انهم ماياكلون شي فيه فايدة
وانا اتكلم عن ابني الله يحفظه ماياكل الا الاشيه الي مافيها فايدة كلش عشان جذي يا امهات نصيحة ضروري اهتموو باكل اطفالكم عشان لايصير فيهم مثل مااصار بابني
الدكتور وصف له على دوا اللي هو الحديد الشراب مال الاطفال وبعض الفيتامينات
وقال لازم ياكل لحم وبيض وسبانخ وكبده
طبعا هذي الاشياء مستحيل ولدي ياكلها
انا الحين ابي طريقه اخلي ولدي ياكل مثل هذي الاشيه
يعني مثلا اخلطهم مع اكل معين
او اسوي منهم شوربه او اقص عليه باكله معينه عشان عل وعسى ياكل منها
ياريت الخبيرات بهذي الامور يعلمونا
نبي اكلات وطريقه صنعها ومقاديرها عشان نستفيد ونقضي على نقص الحديد
وبالنهايه اتمنى لكم ولعيالكم الصحة والعافيه
وواللي ماعندها خبره ياريت تدعي حق ولدي بالشفاء والصحة جزاكم الله خير
