عالم البنات النسائي كل ما يخص المرأة العربية من ازياء وجمال والحياة الزوجية والمطبخ
😆 🙂 💡 السلام عليكم ورحمة الله وبركاته
بنات أبي تفاعل لان الموضوع مهم لكل وحدة عندها حفل
كل وحدة تكتب اسم القاعة اللي عجبتها وكيف تعامل الصبابات والمشرفة والعاملات اللي هم اساس نجاح الحفل
والاضاءة والتكييف
لان قبل شهر كان زواج أخوي بقاعة مبارك بالرياض وتعامل العاملات سيءوغير متعاونات أبدا أبدااااا لدرجة المعازيم حضروا والطاولات بعضها او أغلبها ماعليها قهوة او ناقصة ترمس الشاي وكل طاوله بس3فناجين و3كاسات و8 كراسي!!!!!!! كيف!!!!!؟؟؟؟؟
أرتفع ضغطي وكمان فقدت العوداللي ببخر فيه الحضور عند الاستقبال !!! وكل هذا والقاعة كانت مرة حر كأن مافيها مكيفات لدرجة بعض المعازيم مشو قبل العشاء
ابي كل وحدة تكتب تكتب القاعة وتكييفها واضاءتها وتعامل العاملات لان بنحجز لزواج عمي بعد بشهر 11أو 12 ولاأبي اللي صار يتكرر
علشان يصير مرجع لكل وحده عندها مناسبه تبيها تكون ناجحة بكل المقاييس تفاعل تفاعل يافراشات
