عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم يافراشات ياحلوين
وحشتووووني
بما أني بجد عايزه أفيدكم تعالوا أقولكم علي شويه أفكار منزليه نتعلم بيها التدبير المنزلي وغير مكلفه وهتعجبكم أن شاء الرحمن بس طبعا هنتظر تفاعلكم وجربوا وشوفوا وكل اللي هقولكم عليه أنا مجرباه
أول فوكيره النهارده
أزاي نعمل معطر منزلي تحفه
اولآ المطلوب
1 بخاخه فاضيه
2 أي زيت عطري بتحبيه
3 ماء ورد
4مستكه
الطريقه
نخلط الزيت العطري (أنا جربت زيت الخوخ والمانجه والورد)طبعا كل واحد لوحده
مع ماء الورد بنسبه 1:4 يعني لو الزيت 5 ملي يبقي الميه 20ملي ومعاهم المستكه ونتركها يومين علشان المستكه تدوب فيهم وبعدها رشي في البيت وشمي أحلي ريحه وكمان جوا الدواليب بجد تحفه
يارب تعجبكم وأنتظروا مزيد من الأفكار
