أمور ساعدتني كثير…..بعد مشيئة الله

بسم الله الرحمن الرحيم

في هذا الموضوع جمعت لكم عزيزاتي وصفات طبيعية وادعية استمريت عليها منذ بداية الدورة الماضية

جمعتها من مواقع متعددة , و علمتني اختي الكبرى الله يجزاها كل خير ادعية اقرأها بنية الحمل و طبعا لا ننسى الاستغفار والصدقة و قراءة وسماع سورة البقرة….

في بداية الزواج زوجي ما كان حاب انه نجيب عيال من اول الشهور… ووافقته الرأي ….. بعد مرور شهرين ذهبت الى طبيبة نساء لاني اعاني من الالام شديدة اثناء الجماع ….. واكتشفت بعض الافرازات الغريبة و الالتهابات و عطتني تحاميل مهبلية استخدمتها لمدة 3 ايام بدون جماع.

بعد اسبوع ذهبت للمراجعة و طمنتني انه ما فيه فطريات او بكتيريا و عطتني حمض الفوليك وقالت اذا تاخرت دورتك تعالي…. تاخرت بس يوم واحد وكنت حاطة اماال كبيييرة ويوم جتني بعد تاخرها يوم واحد فقط بديت في موجة من البكااااااء و الحززن وتفاجا زوجي قال احنا متفقين انه ما نجيب عيال من الحين ليش انتي زعلانة ومن هالكلام قلت لا بس لانه ظهري يعوووووورني طبعا ما صدقني ……

وبعده بشهر قررت انه اهتم بصحتي و برشاقتي و اقتنعت اخيرا بفكرة التاجيل ,,,,, طبعا الاسئلة من حولي بدت تكثر وتضايق وخصوصا اذا رحت لوحدة والد من اقاربي يقومون يطالعوني بنظرات مأساوية و يدعوون و ويسالوووون وانا اقولهم تو الناس …… وامي واخواتي هم اللي دروا بسالفة التاجيل لاني اسوي ريجيم وباهتم بصحتي…

على شهر محرم وصفر تغير شكلي للافضل والنفسية الحمد لله عال العال…..

اخذت موعد عند الدكتورة عشان اطمن لانه الدورة صارت تطووول يعني تبدا تنزل افرازات بنية لمدة اسبوع بعد الدورة فحسيت انه شي غريب وقلت لازم اتطمن ورحت و قلت لها على سالفة التاجيل وخافت تحسبني اخذ حبوب قلت لها طبعا لا …. وكشفت بالجهاز تبي تشوف حالة الرحم وقناة فالوب قالت كل شي سليم….الحمدلله وعطتني غسول مهبلي

في شهر ربيع الاول ما جاتني الدورة ….و تفاجات كثيير لاني ما كنت حاسبة حساب التاخير لانه باقي شهر على خطوبة اخوي و زوجي رح يبدا كورس دراسة بعد شهر ونص وجاتني اعراض تشبه الحمل والتعب وغييره
جاتني في اليوم التاسع من موعدها شددييييييدة وغزيييييييييييييرة

في شهر ربيع ثاني ما صار فرصة للجماع في ايام التبويض والاسباب :

1- انشغالي بالتجهيز لخطوبة اخوي
2- زوجي صار عنده اوفر تايم و شيفتات

في الخطوبة كثثير اللي دعوا لي بالحمل لانهم تفاجئوا اني للحين ما حملت و اللي قام يعطيني نصايح واللي يقطع لي اوراق مقالات من الجريدة و من ضمنها الادعية:

*(( ربي لا تذرني فردا وانت خير الوارثين.. واجعل لي من لدنك وليا يبر بي في حياتي و يستغفر لي بعد مماتي…واجعله خلقا سويا ولا تجعل للشيطان فيه شركا ولا نصيبا..اللهم اني استغفرك واتوب اليك…انك انت العزيز الرحيم )) يوميا 70 مرة .

· (( مرة في الصباح ومرة في المساء: سبحان الله 70 مرة ثم استغفر الله 10 مرات ثم سبحان الله 9 مرات ثم استغفر الله مرة ))

وبالفعل استمريت على الادعية وصرت ارتااح كثثيرر

سورة البقرة اشغلها على طول في اللاب توب او في السيارة بصوت القاري سعد الغامدي صوته مؤثر…

جاتني الدورة وصرت ابحث في المنتديات عن الامور اللي اسويها عشان تزيد فرصة الحمل

هذاا اللي سويته:-

1- من اليوم الثالث اشرب كوب زنجبيل على الريق
2- اكل ملعقة سمسم محمص قبل كل وجبة
3- قبل النوم اشرب ( ثلاث تمرات منقوعة في كوب ماء مع فلفل اسود واحيانا احط عليه حليب ) = ينظف الرحم من الافرازات اللي بعد الدورة وبالفعل صرت اطهر بسرعة جربتها لمدة شهرين.
4- شربت عصير اناناس كوب يوميا من اليوم الثالث
5- بين فترة وفترة اشرب ميرامية = تنشط المبايض
6- اكل زين ولا اجوع نفسي لانه يدخل هوا في الارحام من الجوع

وفي اليوم الثامن طهرت وبدات احسب التبويض اكثر من مرة وساعدوني بنات في المنتدى الله يجزاهم خيير..

*وقررت انه من بداية التبويض الى نهاية يكون جماع يوميا
* وحجزت موعد عند الدكتورة في اليوم 18 من الدورة
* بعد الجماع انام على ظهري وارفع رجولي فوق مخدتين او طاولة صغيرة لمدة فوق الساعتين واحيانا الى الفجر.
* اكل ملعقة سمسم قبل كل جماع
* اشرب مشروبات ساخنة واعشاب وكثرت من الحليب بالحبة السودا والعسل
* قبل ما نبدا اقرا هذه الاية ((وَذَا النُّونِ إِذْ ذَهَبَ مُغَاضِبًا فَظَنَّ أَنْ لَنْ نَقْدِرَ عَلَيْهِ فَنَادَى فِي الظُّلُمَاتِ أَنْ لا إِلَهَ إِلَّا أَنْتَ سُبْحَانَكَ إِنِّي كُنتُ مِنَ الظَّالِمِينَ )) 3 مرات
* بعد الجما ع ( اللهم اني استودعتك ما في رحمي يا من لا تضيع ودائعه )
* اقرا الفاتحة 7 مرات وانا حاطة يدي على رحمي و المعوذات
* حتى لما استغفر او اسمع سورة البقرة احط يدي على رحمي

رحت عند الدكتورة وقلت لها اني نويت هالشهر احمل باذن الله وحسبت لي التبويض قالت انك في اليوم ال 18 قالت بسوي لك تحليل هرمونات وشوي الا احسب الم في المبيض قوي

(( وقبل ما اروح المستشفى جاني الم شدييد في المبيض في اليمين واستمر لين رحت للدكتورة وقلت لها قالت قومي اجل افحصك يمكن فيه بويضة ويكون التبويض شغال.. ))

رحت اول شي الحمام الله يعزكم وبعدين كشفت على الرحم و قامت تقرب الجهاز الى جهة المبيض وانا اتألم كثيييير وحاطة يدي على المبيض من قوة الالم وقالت لي:

(( تحملي بس لاني ابي شاوف اذا فيه بويضة عشان اقولك نصايح تنفعك وقالت لي وين تحسين الجهاز قلت لها في ججهة اليمين قلت ايواااا…… بصي ديه حاقة بتبسطني اووي …. قلت شنووو؟ قالت هذه بويضة للحين في الجراب بتاعها يعني للحين ما طلعت فالليلة ضروري يصير جماع و بكرة وبعده عشان نضمن انها اذا طلعت البويضة تتلقح على طول بالحيوان المنوي ))

وبالفعل شفت البويضة لونها اسود دائري و اطبعت الصورة (( وقالت يلا قومي يا جميييل ))

وكتبت لي حمض الفوليك وقالت خذيه من اليوم ( الاربعاء ) و حبوب الدوفاستون ( من يوم السبت )

فوائد الحبوب:

· الفوليك” تساعد على الحمل و يحمي الجنين من التشوهات
· الدوفاستون : تقوي بطانة الرحم عشان يستقبل البويضة الملقحة وما يصير اجهاض لا سمح الله …واذا ما فيه حمل ينظم الدورة.

قالت لي اذا تاخرت عليك 5 ايام تعالي اسوي لك تحليل حمل
واذا جاتك تعالي يوم الثاني من الدورة

واجلس 3 اسابيع على اعصابي وطبعا ما احد يدري بالموضوع غيري و زوجي لاني ما حبيت انشر السالفة اصير حديث الاسبوع … وما حبيتا خوف امي علي واخليها تحاتي وقلت ان شاء الله ابشرها بالحمل ….

طبعا مستمرة على الاستغفار و الادعية وصرت اسوي التسبيح بعد كل صلاة و الدعاء الثاني طول اليوم

و قرب موعد الدورة و يدي على قلبي و جاتني اعراض زي :

1- كبر حجم الصدر
2- كثرة التبول
3- حرقان اثناء البول
4- نغزات في البطن وفي جنبي اليسار واحيانا اليمين
5- الم في الرحم زي الشد من البطن الى الرحم
6- حرارة في جسمي على طووول اليوم

جا اليوم الاول – الثاني – الثالث

– الرابع – (( في هاليوم حسيت بالالام زي الدورة و خاصة لاني رحت لاختي وصعدت الدرج بسرعة وبعدين تذكرت اني لازم اتحرك بسنع شوي وقلت خلاااص بتجي الحلوة ويوم رحت بيت جدتي وشيكت الا الحمد لله ما شفت شي))

اليوم الخامس رحت للدكتورة عشان احلل

وطبعا ما انسى حبايبي بنات المنتدى ما قصروا معاي في الاسئلة اللي سالتها عن ( اعراض اول مرة احس فيها – في قسم الحمل و الولادة ) ودعواتهم لي ربي يجزاهم الخير كله ويرزق كل محروومة يااااااا رب.

رحت س 6 ونص المغرب وما طلعت الا 10 مساءا

لاني رحت بدون موعد بس على كرت المراجعة و كااان زحمممممممة وما كنت ادري عن شي في التحليل يعني المفروض دخلت على الدكتورة بسرعة واخذت منها ورقة تحليل عشان اروح للمختبر بس انتظرت الى الساعة 9 وربع و دخلت كنت اخر وحدة وقلت لها انه تاخرت الدورة وفرحت كثثييير وقالت قومي اسوي لك كشف بدل ما تروحي تحللي دم وتخسرين من دمك

دخلنا الغرفة ( انا + زوجي + الدكتورة + الممرضة ) وانا احسب انه زي الكشف اللي قبل عن طريق المهبل
تو بشيل الاندر وير الا تنتبه قالت لااااا مش عايزين نضيعه وعشان نحترم الضيف ( تقصد زوجي ) وهي تضحك قالت كله من فوق الحين وتو بركب على السرير اللي انط كنت بطيح من النعوومة الزايد ( العكس صحيح 😆 idea: طبعا ) قالت بشوووووويييش يا ستييييي قال زوجي دايم هي كذا في البيت تنطط قامت تضحك

قالت بصي اذا ما شفنا شي لا تزعلين وتسوين قصص و عيااط لانه احنا متوقعين كذا او كذا قلت لها اووووكي
وحطت جل و جابت الجهاز وتحرك الا تقول ده نااااشف خاالص انتي مش شاربة سوايل ابداااا قلت لها ماااادري انه لازم اشرب ماي ( عاد انا شفت وحدة شربت 3 علب ماي قبل لا تدخل و تفاجات وحتى قلت لزوجي قبل لا ندخل ع الدكتورة )

قال زوجي بينها وبين الماي عدااااوة قالت خلاص ما ائدرش اشوف حاقة يا خساارة قالت قومي عشان تروحين المختبر

وكتبت لي على الحمض الفوليك والدوفاستون لانهم مهمين في بداية الشهور لو فيه حمل , قالت تعالي بكرة خذي النتيجة عاد انا طاااااح قلبي قالت او تتصلي بعد ساعتين اذا مستعجلة قلت اكيييد قالت وانا بعد بدق عليهم عشان اتطمن عليك وعطتني موعد بعد اسبوع اجيها.

رحت المختبر واخذت العينة وقالت اتصلي بعد ساعة

هالكلام كان س 10 والا ربع مساءا

وطلعنا ورحنا تنمشى وانا اطااالع السااعة مو قاااادرة
وزوجي يراقبني وهو ساكت ويبتسم

قال خل نروح المطعم عشان نمشي الوقت ونتعشى مرة وحدة لانه ما تغدينا عدل زي النااس <<<<< احاااااتي كثثييير عشان كذا ما طبخت هههه

ورحنا المطعم وتعشينا و طلعنا صارت الساعة 11 والا عشر قلت خلاااص بتصل

قالي زوجي صبري لين نركب السيارة ع الاقل
ودقيت وعطيته زوجي من الخوف ما كنت قادرة اتكلم مع انها ممرضة و قام زوجي بيقولها عن التحليل مو عاارف ما يعرف كلمة حمل بالانجلش واانا انقلها له وهو مو قادر ينطقها عدل ( شكله يحااتي بعد J ) المهم هي ما فهمت شي قالت له عطني رقم الملف وعطاها اياه وقالت

فيه حمل J 😆 🙂 💡

انا سمعتها من الجوال و خلااااص بدا يرررررررررررررجف و جسمي كله يرجف و يوم سكر اشوف زوجي مرررررة مبسوووط ومو عارف يعبر عن شعوره وقلت له انتبه بس في السواقة لا توهقنا>>> قمت اتدلع 😐

ورجعنا البيت وانا اشكر ربي انه بلغني هاللحظة ويااااارب ما يحرمكم منها والله دعيت لكم من كل قلبي

❗

اي استفسار انا حاااضرة