عالم البنات النسائي كل ما يخص المرأة العربية من ازياء وجمال والحياة الزوجية والمطبخ
.
.
.
.
.
.
.
السلام عليكم ورحمة الله وبركآته
يا بنات مو عارفة كيف ابداء موضوعي .. منحرجة ومتفشلة وماتوقعت اني في من الايام بقول هالقصة لأحد .. لكن يا بنات طفح الكيل وماصرت اتحمل … الى متى اصبر الى متى ؟؟!
انا بفضفض لكم شوفي لأمي حل ؟؟
صراحة شقول يا بنات امي تسرق الكحل من العين .. اضحك ولا ابكي .. عمركم شفتو
ام تحث بنتها على البوق !!
تخيلو يا بنات امي موظفة وابوي موظف والحمدلله عايشين عيشة حلوة .. لكن هالطبع ماادري امي من وين مكتسبتة !!!!
شفو يابنات قبل ماابدى بقول لكم موقف اليوم معها في المجمع وانتي قولو لي .. هي غلطانة ولا انا مكبرة السالفة ..!!
اول شي اليوم كنا نتسوق في المول ودخلنا محل ولما طلعنا منه قلت لأمي في شنطة عاجبتني قال امي خلاص روحي اخذيها قلت لها ماعندي فلوس .. قالت وليه الفلوس !!
<< طبعآ انا مااستغربت من كلامها .. لان امي هذي حركاتها
قمت قلت لها عااد امي حتى في المجمع .. قالت يؤؤ عااادي
رحت ودخلت وطولت شوي بعدين خفت وطلعت لين امي مبعدة عن المحل عشان تضبط خطتها ويوم اقبلت عليها قامت تسرع !!!
الا ناديتها امي امي ولفت شافت يدي فاضية قالت وين الشنطة ؟؟
قلت لها امي ماقدرت .. قالت مالت عليك وينها اي وحدة اللي تبينها ؟؟!
وتروح قالت لي انتي انتظري عند الباب وتدخل وانا انتظر وانتظر وشوي الا تجي والشنطة فـ يديها هذا موقفي ؟؟
بتقولون من وين ؟؟
الحين بقولكم
تخيلو استعمل اغلا انواع الصوابين والشامبوهات ووحتى المعطرات والمقشرات وتقولي يابنتي دللي نفسك
بتقولون لي هذا انتي تستعملين اغلا انواع الصوابين بتستكثر عليك شنطة !!
بلاكم ماعرفتوها امي ” حرامية ” يعني انا بنت الحرامية ..
تخيلو يابنات مرا كنا في محل شوز وامي تجرب وورتني وحدة وعجبتها بس مالقت مقاسها وانا رجلي صغيرة وجربتها وطلعت عدلة تخيلو شقالت لي..؟؟
قالت خلاص يابنتي لبسي الفردة الثانية وخلي جزمتك القديمة !! ونهج من المحل
وتخيلو يابنات اذا رجعت من البيت يضيق صدري واحس رب غضبان علي .. لأني حرامية
وتجي امي تقولي حمدي ربك هذي نعمة من الله هذا انا اشتغل وموظفة ومااصرف من راتبي ريال !!
يابنات ايش اقول وايش اخلي .. تخيلو مرا عرس وحدة من صديقاتي ورحنا وتعيشنا ويوم خلصنا قلت لأمي يلا نقوم قالت لأ خلي الناس يروحون .. قلت لها ليه ؟؟
قالت هالعشا حرام ينقط .. قلت لأمي وشعيلك من عشاهم قالت امي باخذ لأبوك وعيالي وياهم وجايبة كيسة سودة وياها وحافظة صغيرة مدري ايش بتحط فيها !!
يا بنات تعبتت حتى انا صارت يدي خفيفة .. بديت اخذ من طبعها .. صرت مثلها , صرت حتى هي ابوقها ,, .. يابنت امي صارت محترفة ومحترفة .. تقص عليهم .. وتمثل ولا احد يدري عنها وتسوي نفسها من الناس الراقية وكل اللي عليها بايقته !!
تصورو يابنات اغلب المحلات الحين فيها الجهاز اللي لما احد يسرق يطلع صوت صارت تدخل المحلات الراقية اللي مافيها احد ومافيها الا واحد يشتغل يجي ويسألها وتاخذ وتعطي معاه لين ماتطيح الميانة لأن اللي يشوف شكلها يغتر .. لكن مثل مايقولون تحت السواهي دواهي ..
صارت تطلب مقاس مو موجود بالعرض قالت امي مالقاه في فرع ثاني !!
يقوم يقول لها بشيك داخل وبشوف اذا فيه ولا مافيه واول مايدخل تروح تفك النمرة ” الحديدة ” اللي على الفستان وتهررررب !!!
بنات اايش اسوي .. صايرين عايلة حرامية !!
كل شي علينا بوق وسرقة الى متى ؟؟؟
يعني هم ماعليهم قاصر مدري ليه هي كذا !!
