عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
صباح الخير 😳
أنا عضوه جديده وأم برضوه جديده وحبيتكم تساعدوني لأنه أول مولود وحالتي حاله 
وخاصة في البرد
ياعمري بنتوتي الله يخليها لي دايمن تعرق في عز البرد ماني عارفه السبب من ولدتها ولها الان ثلاث شهور وتعرق مادري أدفيها ولا أخلي البراد يدخلها تعبت راسها ينزف عرق وديتها لطبيب قال وراثه ؟؟؟؟ من مين وراثه 👿 أو يقولي عادي طبيعي
صارت تتعب من كثر مابعد عنها البطانيه ويدخلها براد ويجيها مغص وأن دفيتها كل راسها يصب عرق بس أقعد أمسح وهي تبكي طفشانه من العرق ساعدوني؟؟؟؟؟؟؟؟؟؟؟؟ظ ➡
فوق هذا وزنه بس أربع ونص ونحيفه مره أنا السبب لاني جاهله كنت أعطيها أول شهر ملعقه حليب على مقاس الرضاعه 60المفروض ملعقتين وماتغذت زين أول الشهر ذبحتها بالمويه ياعمري ماعندي اد يعلمني لاني حسبت جميه الرضعات مثل سيملاك بأول شهر ملعقه غيرت سيملاك وصرت أحط ملعقه من الحليب نوفلاك يارب سامحني …
المشكله الثانيه هل شاهي الاعشاب فعلن يسبب قلة ذكاء أذا كبر الطفل؟؟؟ هذا سمعته بالتلفاز من أخصائيه طيب بنوتي أذا جاها مغص ماتهدى الأ عليه وتنام؟؟
المشكله الثالثه الرضاعه رضعتها فقد شهر وقفت من نفسي لاني مرضت من أكتئاب مابعد الولادة وطول معي جعلكم ماتمرون فيه بس أبي أرجع الان أرضعها بس مافي حليب حريم قالولي أكلي طحينيه سايله وبقدونس وخلي بنتك تمص كل شوي الحلمه بس بنتي لما أحاول أقربه منها تصيح ماتبيه تعبتني وأنا حاسه بتئنيب الضمير ساعدوني؟؟؟؟؟
المشكله الرابعه:الان بنتوتي عمرها ثلاث شهور وتجيها حاله لما أمهدها تصيح وتفكه غصب والعجايز يهاوشوني بنتك بتصير رخوه بتتفكك عظامها أدنى شي بيطيحهارصيها مهديها ترا صدرها بيكون منتفخ ترا رجولها مادري أيش وش أسوي والله الامومه صعبه وأنا أعترف أني أم فاشله 😡
مشكلتي الخامسه بنوتي الله يخليها لي كيف أرتب نومها تنام النهار وتصحى بالليل تسهر حاولت ماخليها تنام النهار بس تقعد تبكي لين أهزها وتنام
والسؤال الاخير : في وحده قالتي شهرها الرابع خليها تجلس على العربه الصغيره ونزليها مره عشان تقوي رجولها بس بنتي صغيره أخر مره ممشوعه الاسبوع الي فات أخاف تنمشع بعد ❗
وأنا أكتب نفسيتي تعبت مره تكفون ساعدوني وأنصحوني جعلها في موازين حسناتكم في هاليوم الفضيل
