أنا أحب واحد وابغى حل؟؟

حبيت أفضفض لكم لأني تعبت وأنا كاتمة هالشي بقلبي..

في البداية أنا بنت في الصف الثالث متوسط
وأركب في الباص الحكومي(الأمين)

دايما بالطلعة في المدرسة أركب فيه وهو يوقف عشر دقايق تقريبا قبل مايمشي
خلال هذي الفترة اللي يكون موقف فيها أنا وصديقاتي نشوف الرايح والجاي
وهذا حلو…لاهذاك أحلى>>عارفه إن هذا حرام

كنت ماخذة الموضوع مزح واستهبال وماتوقع إني في يوم من الأيام
راح أطيح في شباك حب أحد من هالشباب بس
لافات الفوت ماينفع الصوت

طبعا أنا حبيته بس مو لأنه حلو..صح هو حلو
بس أنا حبيته
لأنه كان يتلثم>>>اللثمة اللي يحطونها الشباب ويكون الوجه طالع
وأنا عشقي اللثمة وهو كان تقريبا الوحيد اللي يتلثم

وأستمر حبي له وكنت أشوفه تقريبا كل يوم إذا جا ياخذ أخته
وماكنت اعرف عنه ولا شي بعدها عرفت
في أي صف يدرس وفي أي مدرسة هو
وبعدها عرفت إخته وعرفت إسمه
وعرفت شخصيته ووين يسكن طبعا لكل شيء من هذه الأشياء قصة
بس ما راح أكتبها لأني راح أطول

طبعا في الفصل الدراسي الأول كنت أشوفه كل يوم تقريبا
أما الحين الفصل الدراسي الثاني صرت ما أشوفه في الاسبوع إلا مرة
وبعض الأحيان ما أشوفه خير شر ومرات إذا ما شفته أبكي

أنا حبيت من قبله كثير >>اعجاب مو حب
بس يكونون مشهورين يعني ضغطت زر في النت
وعلى طول أشوفه بس هذا ..غير تعذبت في حبه كثير

وأمي تدري بالسالفة لأن مرة كنت كاتبة في ورقة اسمه الكامل ومواصفاته
وشافتها أمي بس ما هاوشتني قالت عادي حنا لما كنا بنات كنا نسوي كذا….
وما أدري هي الحين تفكر في ايش هل انا أحبه ولا أكلمه ولا…الخ ما أدري عنها
بس ما كلمتها في هذا الموضوع بعد كذا ابدا

صح نسيت أقولكم اني قلت لوحدة من صديقاتي اخوها يدرس في نفس مدرسته
تخلي اخوها يجيب الصورة واخوها وافق بس للحين ما جاني شي

وبأطلب رايكم هل اعلم أخته إني احب اخوها او لا ؟؟
أنا فكرت في هالموضوع وقلت لو درى بيقول هذي شافتني فالشارع وحبتني
أجل لو شافت واحد حلو في الشارع راح تحبه..

اللي يقهر في الموضوع إنه مو متوقع إن في أحد في هالكون يحبه ويعشقه بجنون
وإنه يروح ويرجع وهو مو داري إن له مجنونه