عالم البنات النسائي كل ما يخص المرأة العربية من ازياء وجمال والحياة الزوجية والمطبخ
😛
كنت أفزَع لا طلبني واحد ، وما يــّفزعون !
ما ألاقيهم .. وإذا إحتاجوا ترسّت عيونهم
قبل لا أشّد الرحّال شفت من ربعي طــّّعون
وإستحيت أروّح وما أحضــّن جميع طعونـّهم
😆 🙂
/
لا بـأس .. إن خانونـي ..
و لا بـأس .. إن هجرونـي ..
و لا بـأس .. إن عاتبونـي .. أو جرحونـي ..
و لا بـأس يـا قلبـي إن أنكـروك ..
فهنـاك مـن يفخـر بمعرفتـه لـك ..
لا بـأس يـا دمعـي .. إن نزلـت فـ لـن أمنعـك ..
و لا بـأس يـا جرحـي إن نزفـت فـ لـن أُوقفـك ..
فـ/ فـي المقابـل .. سـ أجـد قلبـاً [ أحبنـي ] ..
يمحـي الحـزن .. بـ عطفـه ..
و يطبـب الجـروح .. بـ اهتمامـه ..
و يـروي [ ظمـأ الأمـس ] .. بشعـورهـ الصـادق ..
شــ اللي قاعد يصير لي معقووول الطيب ماعاد له مكان !!
معقول اللي يتعامل بطيبه يعاملونه بخبث ؟؟؟؟
عجزت القــى كلمة وحده غلطت فيها عليهم
مايسمعون مني الا سم وابشروا وعيوني لكم !!!!
ثلاث سيوووف طعنوني بها اعز 3 صديقات لي راسي بينفجر من امس ..
لجل اخليكم بــ الصورة اكثر بقولكم موقفين اما الثالث دفنته مع اليوم اللي صار فيه مالي نيه اجدد ذكراه
وموقف بذكره لكم صار لي قبل فتره بس من وحده مااعرفها بس حز بخاطري
الموقف الأولــ:
كانت صديقتي ذاك اليوم مالها خلق تحضر المحاضره مع انها موجوده بالجامعه
والدكتور اللي كان يدرسنا كان حاط ع الغياب الواحد 7 درجات
وقلت لها لاتغيبين عندك غياب قبل قالت مالي نفس وراحت …
يوم جا اسمها بالتحضير خفت عليها وقلت للدكتور يادكتور
صديقتي فلانه وهي ماقدرت تجي اليوم تعبانه وكلمتني عشان اعتذر منك
قال خير ان شاء الله ….
المهم فرحت انه مانقصها السبع درجات وخلاص قال بحضرها
يوم جاء الأسبوع اللي بعده قاالت يوووه نسيت ان عندي غياب الأسبوع اللي فات
قلت لها لا انا كلمت الدكتور وحضرك …
بالله وش المفروض تكون ردة فعلها اقل حاجه تقول لي شكرا عيون !!
لا هي قامت وقدام 70 طالبه تقريبا وتصرخ بوجهي :
انا ماني صغييييرة وليش تكلمينه وانتي اش لك صلاح وووووو…………
كلام استحي اقوله …
وقسم بالله عجزت اوقف على رجولي طالعت فيها مصدوووومه دموع الكون كلها بذاك الكون تجمعت ..
لسان حالي يقوول :
.أنا أقدر أجرح .. لكن الطيب يكسر
” ظهر الأصيل “
أن جا يرد اعتباره !!
اللي وصلت له ذاك الوقت كل البنات يطالعون فيني غصه سكنت صدري ذاك الوقت جا الدكتور ويوم بدا يتكلم
عجزت اقعد بالقاعه دموووعي ماني قادره احبسها اكثر لميت كتبي واخذت شنطتي وطلعت ….
وجلست دفنت وجهي بيديني وجلست ابكي على كل شي على كرامة انهانت قدام سبعين طالبه على صديقه كانت العزيزة
على تصرف غبي الله ماأكرمها بردة فعلها رحت عنها بس بعد ايش اش يرجع لي كرامتي بذاك الوقت !!!!
هذي كمان صديقتي الثانيه
قبل ثلاث اسابيع كان زواجها كلمتني قالت عيون بالله كلمي لي الدكتورة فلانه والدكتور فلان والدكتووورة فلانه انا مابجي
اسبوعين اعتذري لي منهم.انا ماكلمتهم ..
رديت : ابشري من عيوووني ماطلبتي شي ..
اخذت ارقام القاعات اللي هي فيها ورحت كلمتهم واحد واحد
3 مرات انحرمت من محاضراتي عشان استنى الدكاتره اللي يدرسونها واكلمهم
قلت ماااعليه ..بخدمها لو بعيوني انتخت فيني والله مااكسر بخاطرها
الصدمه امس كان عندي شرح عليه 15 درجه وصارت لي ظروف اضطريت اني مااداوم
وهي معاي بنفس المحاضرة دقيت عليها الساعه 7 ونص ..
قلت لها : الله يعافيك اعتذري لي من الدكتورة صارت لي ظروف مااقدر اجي وشرحي اليوم
كلميها بالله وشوفي درجتي حقت الإمتحان
قالت : طيــب.
استنيتها تتصل تقول لي اش صار الساعه 1 الظهر انا دقيت عليها
قلت لها : اش سويتي كلمتي الدكتورة ؟
قالت : لاا
قلت : ليش ؟
قالت : ماكلمتها ودرجتك ماشفتها وقالت انك بتاخذي صفر من 15 لانك غبتي..
انا خلاااص انصدمت معقوووول ماقدرت تعتذر لي !!!!!!
وانا تغيبت 3 مرات لعيونها
انا ماعنيتها زي ماعنتني في نفس محاضرتي هي
قلت : طيب مشكورة
يالله مع السلامه ..
انتهى !!
الموقف الثالث :
قبل فترة وأنا طالعه من السوبر ماركت جتني شحاذه وحامله ولدها صغييير
تتمسكن رحمتها
طلعت لها 3 ريال
كانت بشنطتي لأني يوم اروح احاسب في السوبر ماركت
احاسب بكرت الصراف وزين اني لقيت ثلاث ريال بشنطتي
ذاك الوقت.
يوم مديت لها بالفلوس عدتهم بكل وقاحه
وقالت هذا كبرك وتعطيني 3ريال
والله حسيت بخبطة على راسي !
استحيت !
وانحرجت قلت مامعاي الحين الا هذي والله >>>>(على كلامها حسيت اني انا الشحاذه مو هي)
فجأة دخلت الــ3 ريال بشنطتها وطالعتني كذا بأسلوب وقح
وعطتني ظهرها بدون ما تقول دعاء ولا تقولي شكراً
وقفت ساعه مبحلقه عيوني فيها
قسماً صارت نفسيتي زفت !
وش هالشحاذه من وين طلعت لي
ولااحتجت الوحده فيهم ماتعبرني لييييييييييش!!
صح خسرت 15 درجه لاكن انتي يامن كنت اعدك صديقتي
خسرتيني انا خسرتي عيون اللي لو كنتي طلبتي عيونها قالت ابشري
فدوة لك ماكان رح يكلفك كثير لو وقفتي معاي ..
الأبيض مايليق لكم بخليه للي يستحقه
عندي رغبه ابتعد عن الكـــــــــل .. ]
محد معاي
فجزيرة غير مأهولة بالسكان ..
فكوكب ثاني ..
فدنيا ثانية ..
لما تكره نفسك قبل لا تكره اللي حولك
لما تكره أنك تبوح باللي فنفسك ..
عشان لا تكون مصدر شفقة
عشان ما يتشمتون فيك الاعداء
عشان ما تضايق اللي تحبهم
عشان ما تصدمهم بالواقع
لما تكتم فنفسك كل احزانك
ما تلقى اللي يقدر صمتك
ولا اللي يحترمه
ولا اللي يحس فيك
كلن لاهي بدنيته
ويفكر بنفسه
وانت ..
مجرد إنسان ..
يسمع همومهم
ويكتم همه .. فنفسه
ويكره نفسه قبل لا يكره اللي حواليه
لما تنجرح من إنسان غالي
وتحاول تنسى هالجرح علشان تكملون الطريق مع بعض
أصعب اللحظات
لما تكملون الدرب
لكنك للحين مو قادر تنسى هالجرح !!
بشوف لي حل مع نفسي ..
وبعدين يعني مع طيبة القلب هذي الزايدة عن اللزوم .. والثقة اللا متناهية في الكل ؟؟
ولي متى ولي متى ؟
تعرفون .. مرات احسها غباء وليس طيبة قلب ..!
ووصلت لشي ..
لأني ما عرفت اطبع بطبايع الناس ولا عرفت اتكيف معاهم
هي نصيحة .. خذ بقول شاعرنا حامد زيد :
~ لو ماني بذيب انهشت عظمي ذياب ~
لا ثقة بعد اليوم
ولا طيبة قلب ولا غباء ..
لا تخاااف من العواقب كانها وصلت لثاري
……………. اللي ما يبلعها جمره و ربي ما يفرح بمي
