عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
معقول ربي كتب لي حياة جديدة ارجع اطمن باقي صديقاتي اللي بالمنتدى 😛 الحمدلله انا جالسة اطق الكيبورد تعرفون يعني انا بينكم يعني الحمدلله روحي للحين لكن أنا متأزمة نفسيا وجدا ➡
للي مايعرفون موضوعي السابق انا كتبت هنا موضوع وقلت اني تعرفت على واحد (سعد) وكان يهددني تحت السلاح اذا ماطلعت معاااه طبعا هذا سعد انسان متزوج واللي متزوجها كانت صديقتي الروح بالروح وكان عندها ولدين منه وانا لما تعرفت على هذا الشاب ماكنت احسبه متزوج كنت احسبة شاب يعني ماتزوج
وكان رقمي اخذه من زوجته وخدعني وقال لي انه ماهو متزوج بس بعد قصة حب طويلة اربع سنوات صرح لي انه متزوج وعنده ولدين وزوجته هي زميلتي
طبعا اللي تفصل لي تفاصيل كيف ماعرفتية انه زوج صديقتك كان يكلمني اول باسم مجهول يعني شخص باسم ثاني ولما تعلقنا ببعض اكثر صرح لي بشخصيته اهو مين وزوجته مين وعدد اولادة
هنا الجزءالثاني والأهم لقصتي والنهاية
انا شفت المووت بعيوني شفت انواع العذاب من ورى سعد شفت كيف بأحلك الظرووف أرخصت نفسي له 😳 تدرون وش يعني أرخصت نفسي له آآآآهـ بس
خفت من الفضيحة وارتكبت أكبر غلطة بحياتي إني رضخت لتهديداتة
الحمدلله كما ينبغى لجلال وجهك وعظيم سلطانك تذكرت إني كتبت موضوع سابق في مكان افتح قلبك والآن ارجع اقولكم التفاصيل
لكن الله يعافيكم تحملوني لاني تعبانة نفسيا حيييييييييييييييييييييل من اللي صار لي قضيت عشر شهور وأنا في مرض نفسي لايعلمه إلا الله امانة من الحين اللي عندها رد جارح لا ترد على موضوعي أنا حياتي على محك أن تنتهي مع سعد ولكن الله أراد ماكان في أحداث قصتي أسرد لكم نهاية القصة وعلى حسب نفسيتي لاني والله تعبانة جدا إن قدرت أكمل معكم كملت وإن ماقدرت لي عودة إن شالله
طبعا انا طلبت من جميع المشرفات حذف موضوعي بالتعاون مع وحدة من صديقاتي جزاها الله كل خير كانت خير عون ومعين لي بعد الله
لاني حسيت ان سعد كشف موضوعي وهو يعرف اني كتبت موضوع له هنا لاني في البداية كنت ماخذه الموضوع عااادي مادريت انه كان يتابع احداث قصتي وكانت هناك عضوات كثير كثير قالوا لي واشاروا لي بالرسايل الخاصة انه ينحذف موضوعي اذا كان سعد يقرى موضوعي
طبعا اخر مرة كتبت موضوعي فيها ان سعد راح يطلق علي رصاص في راسي ان طلعت من مكان عملي وفعلا انا خرجت من الدوام واذا بسعد قدامي وانا نازلة من باب المدرسة كان سعد يأشر لي ورى سيارة اخووي بالمسدس هنا والله سكن بقلبي الخوووووووووووووووف 
ونزلت وانا والله ماحس بالارض اللي تشيليني وركبت السيارة مع أخوي وكان قلبي متهتك من الخووف خلاص روحي انتهت 😛
طبعا انا قبل لاطلع من باب المدرسة هو بلغني برسالة انه عند باب المدرسة ورى سيارة اخووي
وارسل رساله على جوالي وكان يقول لي موتك ولا اعيش طول العمر ذليل علشانك
أحـــس نفسيتي تعبت لكن بكمل معاكم ان شالله
ونزلت ودخلت البيت ودخل اخوي البيت معي واناسحبتة بسرعه وقفلت الباب
استغرب اخووي من تصرفي قال وش فيك قلت مافي شئ قال ليش خايفة قلت مافي شئ بعصبية 
المهم جلس يدق على جوالي ويدق ويدق وبكل مرة يدق كنت بغرفتي انتفض من الخوووف ياربي تستر يارب تساعدني يارب استرني يارب والله ماراح ارجع اكرر غلطاتي ساعدني يالله واعصابي انتهت خلاص ماعدت احس بشئ
واتصل علي ورديت قلت لازم اعرف وش بيسوي لازم انهي موضوعي معه وقال اسمعي معاااك خمس دقايق ان مانزلتي والله والله لاذبحك انتي واهلك عاااد انا هنا قلت انا ولا اهلي 😈
انا كنت غبيه لو وقتها فكرت واتصلت على الشرطة كنت غبية حيييل ماكان في شئ علشان يهددني فية 😉 يعني لاصور ولا تسجيل صووتي كنت خايفة على الفاضي الحين انا اكلمكم بعد ماصحيت من غفلتي 10 عشر شهور احس اني الان استوعبت كيف نفسي اول كيف رضخت له اول
وفعلا انا نزلت من الدور الثاني علشانة ورحت مع الباب الخلفي من بيتنا وقلت له تعال واحنا نتفاهم قال ياسلام من اول لو ريحتيني بدل هالتهديد هذا كلة
ونزلت وياليتني مانزلت وهو حرك سيارته ودار على الباب الخلفي وركبت معاااه وهنا كانت اكبر طااامة واكبر غلطة سويتها بحياتي 😉 😥 😐 😆 🙂
آآآآآآآآآآآآآآآآآآآآآآآآآآهــ ياغفلتي اللي ضيعتني كلها مااقدر احس اني منهارة خلاص ياربي ماادري وش اللي سويته انا بحق نفسي وبحق اهلي وبحق ربي
تحملوني وتحملوا نفسيتي اكمل لكم ان شالله لاني تعبت كثير كثير
