أنا متورطة بأكبر ورطة طلبتكم ساعدوني طلبتكم

السلام عليكم ورحمة الله وبركاته

صباحكم مساؤكم طاعة,,

بنات من دون مقدمات ، أنا تعباااااااااااااااااااااااانة حيل ومحتاجة رأيكم الله يسعدكم ويسخر لكم

أنا متزوجة من 9 شهور ، وعايشة عيشة سيئة اللهم لك الحمد على كل حال

من أيام ملكتي لساعتكم ، زوجي أشك إنه مريض نفسي ، بس بحكي لكم معاناتي معه وأنتوا احكموا

طبعا من أيام ملكتي سمعت منه الكلام السيء والتعامل السيء ، حتى كان يناديني بأبشع الأسامي

(أسامي حيوانات أعزكم الله)

وتجيه أوقات يطلع حنوووووون وطيوب ودمعته قريبة ويقول كلام والله كل زوجة تتمنى تسمعه ،

طبعا هو شخصيته جدا ضعيفة قدام الناس وما يجلس مع الرجال يرتبك إذا شافهم ، ويحب يجلس مع أمه

وخواته بس ، حتى إخوانه ما يجلس كثير معهم ، ويحب يسولف مع العمال الهنود وووو ، بس إذا شافني

طلع كلللللللللل قهره و إحساسه بالعجز والضعف فيني ، وجلس يتريق ويحاول يثبت شخصيته .

وفيه طبع ، كأنه حرمة ثانية بالبيت يدخل المطبخ هذا ليه كذا وهذا ليه هنا وهذا ليه تفتحيه وهذا ليه

ما تسوي فيه كذا؟ ….

موسوس بشكل فضيييييع ، وشكااااااااااااااااااااااااك يشك بنوايا الخلق أجمعين يعني لو أحد سلم عليه

أو صار يسولف معه يقول : أكيد هذا يبغى يتزوج أختي ، أكيد هذا معجب بشخصيتي 😛

يكره كل الناس ماعدا أمه وخواته ، حتى أبوه ما يهمه ولا يعني له شي ..

الصلاة ما يصلي إلا نااااااادرا ، يعني وقت كل 3 أسابيع ➡ وإذا قلت له : حبيبي أذّن ،

يقول طيب وش أسوي لك ويعصب ويقلب السالفة علي.

المهم استمريت على هالظروف لما جاء يوم وقلت له أبغى اليوم أروح لأهلي ، وما رد علي ، كلمتني أمي

وقلت لها بزوركم إن شاء الله ، ويوم قفلتها قام وضربني لأول مرة ضرب مبرح لدرجة راح يجيب سكين

بيذبحني ، وترجيته وحبيت رجوله وتركني ، بعدين اعتذر والدمعة بعينه وحب رجولي من الندم .

علمت أهلي بالسالفة وأخذوني وجلست شهرين وأدبوه ورجعت له …

وهنا المشكلة !!!

رجعت وجلس كم أسبوع أحلى من العسل وألحين رجع له لسانه الوسخ بس ما يمد يده ،

وأمي قالت لي خذي مانع بس هو لعب علي بكلمتين ورحمته وما أخذت ..

وأمس اكتشفت إني (((حاااااااااااااااااااااااااااااااااااااااااااااا ااااااااااااااااااااااااااامل))) 😳

😛

اللهم لك الحمد كما ينبغي لجلال وجهك وعظيم سلطانك ..

يوم عرفت أمي ضاااااااق صدرها وما نامت الليل وهزأتني قالت الحين بيمسكك مع اليد اللي توجعك 😈

وأبوي أكيد بيحزن لو درا

بنات محد فرح بحملي وأنا تعباااانة نفسيا وأبكي ، أخاااااااف ما يتعدل واضطر أطلق منه واللي ببطني يضييييع 😉

بنات طلبتكم حسوا فيني

فيه وحدة تعدل زوجها بعد الأطفال ؟

انصحوووووني وريحوني قولوا لي غيرك يتمنى الذرية

تكفووووون أحس بألم وخوف وبس أبكي من البارحة…

طلبتكم قولوا اللي بخاطركم ولا تجاملوني ، الإجهاض وما أفكر فيه ، والطلاق ما أفكر فيه يعني لا تخافون قولوا أي شي خاطركم تقولونه ..

وادعواااااا لي والله إني أدعي لكم ..