أنا مليت الوضع هدا وقد ما احاول اصلح يتقلب على راسي!!! :( الله يسامحك يا أمي!!

بنات أنا تعبببت ومليت والله من وضعي هدا وأحيانا أقول ياريتني مادعيت يكون لي أخوات يوم من الأيام!!
أنا قيد قلتلكم قبل كدا لو فاكرين انو اخواتي اصغر مني ب18 و 22 سنة يعني أنا أعتبر بمثابة أمهم..
والله العظيم أنا عمري ماحسيت بمراهقتي ولا بشبابي زي البنات..دايما أمي محملتي مسؤولية أخواتي..والله حتى الاستحمام ماترضى هي تحممهم تقول ماتحممهم كدا بس بدون سبب.. 😈

ماترضى تخرجهم وتلعبهم برا الا لازم انا اروح ولو مارضيت اروح تجبرني تقولي مو على كيفك وتخرجني بس عشان انا العبهم وهي ماتبغا تقول ماتقدر عليهم..يعني هي تخلفهم وانا اتحملهم!!!
والله قد ما احاول اني اثبت نفسي واني انا كمان لي الحق استمتع بشبابي تجبرني لا محالة ولو مامشيت على طوعها تهددني..
كيف تهددني؟ يعني مثلا لو عندي عزومة لصاحباتي او خرجة ضرورية لي مع اخويا تحلف علي ما اروحها لو ماخرجت اخواتي..طيب اش ذنبببببببببببببببببببي انا يا أمييييييي..والله حراااام عليها..

ولما حاولت اتفاهم معاه كل مرا احاول افهمهما تقولي ايوا انا عارفة اني باضغط عليك ووو ولا كأنو صار شيء بيننا..أنا نفسي افهم لو يوم من الأيام اتزوجت او خرجت من البيت لسبب ما اش حتسوووي هي بدوني..
كيف حتتحملهم ساعتها لحالها..والله حتضطر بالغصب ورب الكعبة حتتتتتعب لانها ماتعودت..
تخيلوا حتى تمشيط شعر اختي تقولها ماعرف روحي لاختك تمشطلك..اش رايكم بس!!

انا وربي تعبت من الحال دا ..وقد ما احاول اغير واصلح تسبني وتهزئني وتقولي انت تحاولي تسويلك شخصية لكن غصبا عنك حتعملي اللي اقلك هو..

طيب اش اعمل في نفسي انا..يعني افضل طول عمري كدا اربي في اخواتي؟!!! طيب وهي؟؟!! ليش جابتهم؟!!

انا اللي خلاني اكتب وافضفض هنا لانو انحرقت اعصابي اليوم..خلتني احس جواتي انو قد ما اعمل واسوي كني ماعملت شيء ودايما تقولي انا ادفعلك فلوس وانا اشتريلك تقارن تعبي ف اخواتي بالفلوس!!
مابغا لاتشتريلي ولاتدفعلي مابغا شيء بس تريحني معنويا ونفسيا!!!

تعرفوا اش حصل اليوم..! انا اقلكم!! واستحملوني طولت عليكم بس والله مالي احد افضفضله صاحبتي اللي راحت بعثة خلاص ماصرنا نتقابل كثير فما الاقيها و…ماصار موجود في حياتي..وأمي اللي كنت اعتبرها صاحبتي وافضفضلها ماصرت من معاملتها لي!!

اليوم في الظهر..تقولي شوفي اخواتك اش يحتاجوا شراريب عشان اشتريلهم قمت انا قلتلها والله ماعرف تعالي شوفي (بمعنى انو هي اشترتلهم الملابس فحتعرف اش حيحتاجوا واش لا)..لما دخلت الغرفة ولقت الملابس مو موجودة قامت تقولي انت متخلفة انت اكتر متخلفة في البيت!! اشلي انا..ماسويت شيء..

تاني موقف برضو اليوم عبيت سفرة الفطور بس كدا من باب المساعدة قلت يمكن تفرح لو سويت كدا..وحطيت لكل احد في صحنه الحلى..لما جوا جلسوا عالسفرة وقت الاذان قامت تقول انا ماحب دا تاني مرة لاتحطي في صحن احد..(هي كلها كنافة يعني بس حطيت لكل واحد وصلة في صحنه!)..طبعا انا هنا انكسرت نفسي اني
انا خيرا تعمل شرا تلقى!

ثالث موقف..وقت الفطور بعد المغرب سالتها مجرد سؤال اشبك معصبة اليوم قامت تقولي انت تعصبي اللي مايتعصب قلتلها طيب انا عبيتلكم السفرة وعصبتوا وماشكرتوني وعملت كدا وهزؤتوني تقولي اسكتي بس لاعاد تناقشي..ياعااااااااااااااااالم اش عملت انا والله كله مساعدة ورب الكعبة!!!

الموقف الاخير واللي خلاني اجي اكتب وافضفض هنا..ووصل حدي بسببه..
اللي هو اني مالي نفس اخرج وانا من بعد مارجعنا من السفر اتغير نومي وصرت ماتجي 9 ولا 10 اللليل الا قيدني نومانة وعلى فراشي فما احب اخرج وخاصة انو في رمضان..
قمت قلتلها ماما انا مالي نفس اخرج لانها ف الظهر قالتلي خرجي اخواتك..قلتلها انا رمضان باللهي اش اخرج العبهم قالت عادي مافيها شيء..
فلما قلتلها مالي نفس قومت الدنيا علي وقالت الا حتخرجي ولا والله ما اخليك تروحي مع اخوك تسوي جوالك..قلتلها اوك خلاص مابغا اسوي جوالي مو لازم..قالت برضو حتخرجي قلتلها والله انا اتعب كدا اني باتحمل العبهم وانا مافي والله لما سافرنا اتحملتهم كل يوم..قالت خلاص اعتبريه واحد من الايام هديك..وحلفت علي اخرجهم غصبا عني حتى لو ماسويت الجوال..

ياناااااااااااااااااااااااااااااااااااااااااس انا تعبت من امي وتعاملها لي ..لا هي تعطيني حنان ولا هي تفكر في من ناحية اخواتي ولا هي تهتم في..اوك تمدحني عند الناس وتضرب بي المثل في كل مكان بس مو حرام تعاملني كدا وسط البيت..!!!

والله صرت احس نفسي انا امهم مو هي!!!!

وسامحووووني عالإطالة والله معايا وينصرني عليها ويوريها قيمتي يوم من الأيام سواء بموتي او بزواجي!!

صح نسيت اقلكم ماترضى تخلي اختي الصغيرة تنام عندها 3 سنين انا واخواتي ال2 في غرفة وحدا صغيرة!!