عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
هلا بكم جمييع
اليوم الجمعه لاتنسون سورة الكهف
‘’
الحين بدخل بموضوعي
قبل بقولكم شي
قبل لاتردون تكفون أقرو كل كلمه بالموضوع
لاتحكمون من كلمه أقررو الموضوع كاامل
*
بنات
أنا مو سعيده بحياتي
دايما مهمومه وكارهه كل شي بالدنيا
أكيد بتفكرون إن عندي مشاكل أو ناقصني شي
لكن بالعكس
ماشاء الله والحمدالله مو ناقصني شي أبد ولاعندنا مشاكل
وربي إني أشكر ربي وأحمده دائما
لأني أدري إني أعيش بنعمه محرومين منها ناس كثييريين
لكن مع كذا أنا مو سعيده
أكيد بتقولون لي حافظي على صلاتك بأوقاتها وأستغفري وتصدقي وقومي الليل
ماشاء الله والحمدالله أنا أسوي كل هالأشياء
والله يقدرني على فعل الخير والأعمال الصالحه يااارب وياكم
(ملاحظه أنا مو قاعده أمدح بنفسي ولا أسوي رياء ولا أهايط.. بس قاعده أوضح لكم كل شي عني)
أو أكيد بتقولون أتركي الأغاني والمسلسلات
أنا ماأسمع أغاني ولا أشوف مسلسلات
ماشاء الله والحمدالله صحتي تمام
ماشاء الله والحمدالله أهلي كويسين
ماشاء الله والحمدالله عندي صديقات يحبوني ويحترموني
ماشاء الله والحمدالله أنا الناس تحبني وتقريبا مالي عداوات مع أحد
ربي أنعم علي بكل هالنعم وربي إني مقدرتها
ودايم أشكر ربي وأحمده عليها
لكن مع كذا أنا مو سعيده بحياتي
أحس ناقصني شي لكن ماأعرف وشهو لاتحسبون إني طماعه ومومكفيني اللي ربي عطاني ياه
لا
أنا ماأعرف وش أبي من الحياة ولا وش أبي أحقق بحياتي
أحس إني بس عايشه كذا
مدري شلون أفهمكم
لكن أنا مو مبسوطه
وأحس عمري يمشي وأنا ماحققت به شي ولا سويت شي زين بحياتي
أحس عمري مابه بركه
أحس دايما بوحده مع أن به ناس دايم حولي
أحس بحزن داخلي يموتني كل يوم
دايم أحس إن ربي مايقبل صلاتي ولا الأعمال اللي أسويها
لأني أحس ربي ماأستجاب دعواتي
وذا من الأشياء اللي مكرهتني بنفسي
أخاف إن ربي مو راضي علي
(اللهم إني أسئلك رضاك علي وعلى والديٌ وعلى جميع المسلمين والمسلمات والمؤمنين والمؤمنات الأحياء منهم والأموات.. اللهم إني أسئلك أن ترزقني حبك وحب من يحبك)
**
بنات وش أسوي ؟
والله مو عارفه وش أسوي لأني مو عارفه وش السالفه
* اللهم صلٌ وسلم على نبينا وحبيبنا محمد وعلى أله وصحبه أجمعين
اللهم أنت ربي لا إله إلا أنت خلقتني وأنا عبدك
وأنا على عهدك ووعدك ماأستطعت
أعوذ بك من شر ماصنعت أبوء لك بنعمتك علي وأبوء لك بذنبي فغفر لي
فإنه لايغفر الذنوب إلا أنت *
