عالم البنات النسائي كل ما يخص المرأة العربية من ازياء وجمال والحياة الزوجية والمطبخ
أحبتي في الله…
يشهد الله إني أحبكم فيه…;) 😡 😆 ➡
(( أنا هنا من أجلكم… سأشارككم همومكم… سأسعى جاهدة لإيجاد الحل المناسب لك بإذن الله))
مررت بتجارب قاسيه وأخرى مريرة
تعلمت من هذه الحياه الكثير والكثير
تعلمت من حياتي الكثير قبل زواجي
والأكثر بعد زواجي…..
أشعر بسعاده تغمرني عندما أمد يد العون لأخوتي وصديقاتي
ولن أبخل عليكم بالمساعده طالما أنني أستطيع ذلك…
سأحكي لكم أحد تجاربي في هذه الحياه الفانيه…للفائده
عندما كنت أدرس بالجامعه المستوى الثاني (كنت في قمة برائتي);)
سأتكلم بالعاميه لأنه أقرب للنفوس وللقلوب…..
اتصل على جوالي رقم غريب (أنا فيني عاده مستحيييييييل أرد على رقم غريب الا إذا أرسلي أنا فلانه ردي)
أخذ كم يوم يتصل ويرسل رسايل غراااامية
بعد كم يوم جاني مسج (ردي يا… وذكرني باسمي ولنفرض رجاء)
قلت فنفسي أكيد وحده تعرفني من البنات رديت على الإتصال
تفاجأت بصوت ذئب بشري ( رجل)
السلام عليكم كيف حالك وحشتيني حبيبتي
قمت أرررررررررررجف من الخوف وقفلت…
رجع يتصل مره واثنين وعشره ومية مره مارديت عليه
وكل شوي يدز مسج غراااااامي كنت أخجل أقرأه (ماتزوجت لسى) والمصيبه مرفق بصور فاحشه بذيئه 😥 😉 😡
جيت بكلم أمي ماقدرت .. أختي ماقدرت… أخوي خفت يفهم الموضوع غلط وتصير سااااااااااااااااااااااااااااااااالفه
فوضت أمري إلى الله الواحد الأحد
الموضوع صارله أسبوعين تقريبا كل يوم على نفس الوضع رسايل واتصلات
قررت أغير رقمي
جيت من الجامعه يرسل انت خرجت من الجامعه واليوم كنت لابسه بلوزة أسود وتنورة جنز
يعرف كللللللللللللل شي
قررت أغير رقمي خلاااااااااااااااااص طفح الكيل والخوف ملازمني
وقعت المصيبة…أرسل لي رساله ( والله لو مارديتي حتصل على هذا الرقم ……..)
تدرون رقم مين؟؟؟؟؟؟ رقم البيت ….!!!!!
روووووووحي طلعت
اش حيسوي اش حيقول عني الله لايوفقه الله ياخذه صارت دموووووووووووعي سيول…
دق الوقح ومارديت … دق تلفون البيت جريفزيت نقزت على التلفون طالعت بالكاشف طلع رقم جواله
هنا بدأت بالعزله والخوف أخواني حتى لو صارحتهم أعرفهم ماحيتقبلون الموضوووع
كرهت نفسي والجوال والطلعه والجامعه
ياربي والله مالي فسواليف المعاكسات والخرابيط ياربي من هذا اللي مأذيني
والخووووووووف مقطع قلبي
نصحتني وحده أكلم شيخ خفت قلت لا ماأقدر
فكرت وفكرت وقررت أكلمه;)
(الموضوع الحين له 3 أسابيع تقريبا وأنا أنام وأصحى على خوف وأفصل التلفون يتصلون خواتي ع الجوال ليش ماتردون من اليوم أتصل على التلفون أقول ماسمعته مدري وأشبكه تكلم أختي امي وأفصله وكل يوم على هالحالة ؟)
دقيت على الشيخ وقلت للشيخ السالفه كلللللللللللللللللللللللللللها وأنا أرتجف من الخوف
قالي الشيخ هاتي رقمه قلت هااااااااااا قال أعطيني رقمه قلت لا لا ماأقدر هذا يعرف عني كل شي اسمي رباعي
شكلي طلوعي من البيت وخروجي تلفون بيتنا ماأقدر أعطيك الرقم حيأذيني
قالي أعطيني الرقم لو مانفعتك ثقي إني ماحضرك!!
توكلت على الله الواحد الأحد الفرد الصمد العالم بخفايا الأمور
(الحين الموضوع له أكثر من شهر وأنا بخوف وقلق ونفسيه زي الزفت)
وأعطيت الشيخ الرقم بعد صلاة العشاء
اليوم اللثاني مارحت الجامعه من الخوووووف والقلق
دق علي الشيخ الساعه 9 الصباح
قالي انا شيكتلك ع الرقم لين ماتوصلت لصاحبه
واتصلت ع المكتب وطلعت معلومات عن صاحبه
صاحب الرقم اسمه (فلان بن فلان الفلاني) ودي أكتب اسمه وأشهر فيه من القهر
مدرس في متوسطة……………. في جده
(خساااااااااااااااره يكون مدرس وقدوة للطلاب حساااااااااااااااااااافه)
تعرفينه قلت له لا
قال خير ان شالله وقفل
وأنا ميته خوف
دق علي أذان العشاء فنفس الوقت كنت معطيه الشيخ أمس الرقم
قال لي أنا أتصلت على الرجل قلت له أنت صاحب هالرقم قال نعم قلت له أنت فلان الفلاني المدرس بالمدرسه الفلانيه قال نعم
قلت له أنا الشيخ فلان الفلاني قال حياك الله ياشيخ أنت معروف بأشرطتك وبرامجك
(عجبا كيف يعرف الشيوخ وأشرطتهم وهاذي تصرفاته)
قلت له أش تبغى بفلانه تتصل عليها تلعثم وما عرف يرد
قلت له رد علي اش تبغى تتصل فيها
بكره راح أرسل خطاب لمدرستك وحيرفعونه للوزارة ويفصلونك من العمل وحيشهرون فيك…
قال لي لا لا لا ياشيخ أرجوووووووووووووووك أستر علي لاتقطع رزقي مين يصرف زوجتي وعيالي
أنا حقلك على كل شي….
(هنا كانت المصييييييييييييييييييييبه)
قال له ياشيخ أنا والله ماأعرفها ولا بيني وبينها شي
هاذي وحده أعطتني رقمها اسمها شروق وهذا رقمها وهي اللي أعطتني مواصفاتها وأسمها ورقم بيتهم
وهذا رقم شروق(………..) الله لايوفقها
والله والله ياشيخ ماأدق عليها بس تكفي لاترسل للمدرسة خطاب يفصلوني بعدين من الدوام وهيئة وتحقيق أرجووووووووووووووووووك ياشيخ أستر علي أرجوك والله العظيم ماعاد أدق عليها
قالي الشيخ من شروق؟؟؟؟ قلت له ماأعرفها
أعطاني الرقم الشيخ
واتصلت على الرقم من جوال أخوي
ترفع الخط قلت الو (حاولت أغير صوتي)
قالت الو نعم الو الو (تدرون مين؟؟؟)
صديقتي (لا أتشرف بذلك)
كنت أحسبها كذلك
ماني قادره أصدق قفلت ليش تسوي فيني كذا أنهرت ليش ليش
أتصلت على تلفون بيتهم كلمتها
مسحت فيها بلاط الأرض كرهتها بعمرها حلفت بعزت الله وإيمانه إنه لاأخليها تندم اليوم اللي عرفتني فيه
مادريت عن نفسي جالسه أزعق وأصرخ عليها وأهلي يسمعوني مايدرون اش السالفه
(طبعا بعدها حكيت لهم كل شي حسيت بعزة الانتصار حسيت بأن الله مايخلي عبده
المهم قفلت أتصلت علي عالجوال وهي تبكي قالت والله مو أنا هاذي بنت خالتي هي تغار منك وهي اللي سوت كذا
مستحيل أصدق وحده مثلها طيب بنت خالتك كمان أعطت الرجال رقمك؟؟؟؟
أتصلت على الشيخ وقلت له هذي وحده من صديقاتي قالي أعطيني اسمها وعنوانها وتلفون بيتها هاذي ماتخاف الله وكانت حتدمر حياتك لازم نبلغ عليها الهيئه النسائية وتاخذ عقبها هاذي حرمات ناس لو ضعفتي للشخص هذا وكلمتيه واستفزك هاذي حرمات ناس هاذي قضية جلد و و و و
المهم أتصلت علي أختها الكبيرة قالت لي اش في؟؟؟
اختي من يوم ماكلمتك وهي تبكي
وصوتك كان عااااااااااااالي وكنت تصرخين اش في؟؟؟؟
أختها كبيرة وعااقلة
قلت لها القصة كذا كذا كذا
قالت لي مستحيل أختي ماعندها جوال أبوي مايرضى
قلت لها حبيبتي أختك لي سنتين أعرفها عنده 100 رقم
أختها انصدمت وقفلت وأخذت رقم جوالي
اتصلت علي بعد شوي قالت لي والله إني مصدووووووووووووووووووووومه
رحت غرفة أختي لقيت جوالين بدولابها
أخواتها كلهم متزوجات هي بالبيت مع امها وابوها بس
والله لو يدري ابوي يذبحها
والله اني ضربتها وقطعت شعرها تعالي شوفي كيف خليتها وجهها أحمر من الضرب
بس تكفيييييييييييييييييييييين لاتقولين حق أمي وأبوي أبوي عنده جلطة ولو عرف بس ان عنده جوال ياويلها ولو عرف بسالفة العيال والله يموت ابوي مريض ومعاه جلطة كل يومين وهو بالمستشفى
ارجوووووووووووووووووك سامحيها والله لأدبها وأعلم أخواني يضربونها بس ابوي مريض لايدري بالسالفة
اتصل علي الشيخ وطلب عنوانه واسمها وتلفون البيت
قلت له ياشيخ انا مسامحتها لوجه الله
(والكاظمين الغيظ والعافين عن الناس والله يحب المحسنين)
الشيخ مارضي وقال لازم تاخذ جزاها
جلست اترجاه لين وافق
أتصلت على أختها وقلتلها أنا عشت شهر ونص قلق وعذاب وخوف وحيره وألم حياتي ماأمارسها بشكل طبيعي بسببب اختك بس أنا سامحتها لله
وعشان خاطر أبوك المري بس لازم أختك تأخذ جزاها حرااااااااااااااام تأذي بنات الناس وتخرب بيوتهم
جلست أختها تحلف إن أخوها كسرها وذبحها وأخذ منها مفتاح الغرفة وماتنام الا والباب مفتوح ياويلها لو تسكه
وجاء اخوها الثاني وقتلها من الضرب
عفا الله عنها وسامحها لما فعلته بي… لاأقول سوى حسبي الله وكفى….
أحببت أن أشارككم محطة من محطات حياتي
وتجاربي في الحياه
وأعدكم أنني سأبذل جهدي لمساعدتكم في همومكم ومشاكلكم كفاكم الله الشر
أحببت أن أساعدكم وكلي أمل وثقه برب العالمين فيمن فرج كربة أخيه المؤمن فرج الله له كربه من كرب يوم القيامة
أحببت أن أأخذ بيد بنات جنسي لنصل معا لبر الأمان
فقد عانيت في حياتي وتعلمت الكثيييييير ولن أبخل عليك حبيبتي….
قلبي مفتوح لك بأي وقت ستجديني أقف بجانبك لأساعدك
لا أريد منكم إلى دعاء صادق بظهر الغيب أن يكشف الله مابي من سوء أنا وزوجي
ويصلحه لي ويسخره لي ويرده لي عاجلا غير أجل….
أسأل الله العلي العظيم ان يشفي زوجي ويرده لي ويكشف مابه من سوء ويرد كيد السحرة والحاسدين في نحرهم
أنا هنا لأجلكم ومن أجلكم… ولن أبخل عليك بالحل المناسب…..;) 😳 فحياتي علمتني 😛 ❗
