عالم البنات النسائي كل ما يخص المرأة العربية من ازياء وجمال والحياة الزوجية والمطبخ
يسعد أيامكم حبايبي بكل حب.. المكتوب واضح من عنوانه وكل اللي أبيه منكم دعوة صادقة بظهر الغيب..
أنا كنت على علاقة طاهرة شريفة والله لحد ماأحد يتخيله حوالي 4سنوات فيها الحب الصادق الطاهر ولكن فجأة بدون سابق إنذار رفضت أمه إنه يأخذني لأسبابها قبل سنة تركنا بعض فتره على أساس خلاص مانرجع لبعض لوجه الله وأيش الفايده نبقى مع بعض ومافيه أمل وفي معاناه ومحاولات حتى إننا فقدنا الأمل إلا بالله وفتره رجعنا لظروف عمله ومشاركته في حرب الجنوب وإنشغال بالي عليه وخوفي عليه اضطريت أرجع له بالصدفه واستمرينا لين قبل حوالي 5 شهور فجأة كان فيه لمحة رضا من أهله استغليناها بدون أي تفكير وتقدم على طول حتى ماتضيع مننا هالفرصة ودخل بيتنا وتقدم بس كان فيه تعقيد من أبوه بس عشان أهلي يرفضون ويقنعونه بأن الرفض من أهلي الله يسامحهم طبعا أبوه قام يتشرط وبالتعب وافق أبوي وكلها عشاني أنا أقنعته ويادوب رضى والله العلي العظيم مابقى إلا خطوه وكل شي يتم وأصير ع ذمته قام أبوه عقد الموضوع لما كانوا يتفقوا ع الملكه أبوي تحمل وصبر بس ماعاد فيه يتحمل زياده والمشكله أبوه أجبره ع السكوت في مجلسنا وماسمح له يتكلم إلا في آخر لحظه بس متى بعد مازعل أبوي وماعاد فيه يتحمل زياده طبعا أبوي مسكه وقاله مالك نصيب ومن هالكلام وكل شي انتهى…
أنا وهو الضحية في هالموضوع صحيح أبوي مايعرف باللي بيننا ومن حق أبوي باللي سواه بس المشكله أبوه وأهله كلهم عارفين إنه يحبني وأنا بعد أحبه ونبي بعض وعلى هذا مافيه أي تقدير ولكن حسبنا الله ونعم الوكيل…
كلاااام كثييييييير والله بس اللي وصلنا له والإتفاق بيننا إنه خلاص راح نفترق لوجه الله وأيش الفايده من اللي نسويه بس ذنب وحرام ومافيه حتى توفيق من الله وإحنا نغضب ربي.. الحمد لله على كل حال بس والله حالنا مايعلم به إلا الله نتحمل ونصبر لوجه الله فمن ترك شيئا لوجه الله عوضه الله خيرا منه هذا الكلام اللي اعتمدناه في فراقنا عسى ربي يعطينا اللي فيه الخير….
كلمتي الأولى والأخيره لاتحرموني من دعوة صادقة في ظهر الغيب ربي مايحرمكم أجرها….
عن Abbassy
شاهد أيضاً
يابنات انا مشكلتي مشكله عويصه ساعدوني الله يخلي لكم اللي تحبونه ويحقق لكم امنايتكم
السلام عليكم ورحمة الله وبركاته كيف حالكم ان شاء الله طيبين يابنات انا مشكلتي مشكله …