عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم …
كيفكم
بنات انا كتبت مشكلتي هنا
لاني شفت كيف تفاعلكم مع بعض وحبكم لبعض
وكلكم يدا وحدا وتحلون مشاكل بعض بحب وكأنكم أخوات
أنا عندي بنت عم في عمري
وأنا وهيا مرررررا صحبات وزي الأخوات وكل وحدا تسمي التانيه توأم روحها
يعني بالمختصر نحب بعض مرررررررا
بس احيانا احسها ما تحبني
وانا اقولها كل اسراري وهيا كمان
انا اسرارها ما اقولها لاحد
بس هيا احسها تقولها لاخواتها
وانا دايما اقولها لا تقولي اسراري لاحد ومهما كان حتى لو انا ما اعرفوا
بس احسها عادي تقول
احسها تخون الثقة اللي اعطيتها هيا
كنت اثقها فيها ثقة عمياء
بس الحين تندمت مررررا اني وثقت فيها
يعني احيانا تسير منها تصرفات تحسسني انها ما تحبني
بس هيا دايما تقول لا انا احبك ومدري ايش من دا الكلام
وفي شىء تاني
امي وامها بينهم مشاكل ودايما احسهم يبغوا يفرقونا
امي دايما تقول كلام عن بنت عمي وانها ما تحبك وتضحك عليكي بس تبغاكي مصلحة وانها وانها
يعني كلام يحسسني صح انوا بنت عمي ما تحبني
وامها كمان تقول كلام لبنت عمي تبغى تفرقنا لانو بنت عمي كدا مرا قالت اصلا انتي ما تحبيني
وصح كلام امي
ومره سار موقف وزوجة عمي سارت تقول لبنت عمي ها شوفي بنت عمك اللي تحبينها ومطيرتها السماء
شوفيها ما تحبك ولا حتى تفكر فيكي
وانتي تسويلها كل شىء
حسيت بنت عمي زعلت والكلام دخل برأسها
هذا قدامي تقولها كدا اجل من ورايا ايش تقول ؟؟
انا بصراحة انصدمت وسكت
بس بعدين تفاهمت مع بنت عمي وفهمتها انوا انتي فهمتي غلط
والحمدلله تصالحنا ورجعنا لبعض
وانا وهيا دايما نقول انوا ماراح نخلي المشاكل تأثر بعلاقتنا
بس الحين احس بنت عمي سارت تكرهني
هوا مو باين
بس احساسي يقولي
وانا احيانا تجيني احاسيس اني اكرها
ع قولتهم كثرت الزن يفك اللحام
وهل احاسيسي صح انوا بنت عمي تكرهني
واحس نفسي مو واثقة فيها
صح والا كل دا تخيلات …
بنات وربي متضايقة ومهمومة وماني عارفه ايش اسوي !!
بنات بليز نصايحكم وحلولكم
والي ترد عليا ربي يوفقها ويحقق اللي ببالها …
