أنا وخطيبي

ابداء معكم واتمنى ما تملون مني 😡

انا مخطوبه وصار لنا 3 سنوات خطوبه
وانتظر لحظه تخرجي من الجامعه حتى يتم الزواج ونستقر
انا احب خطيبي جدا جدا … وخطيبي يحبني ولكن بصمت ويعبر عن حبه بتصرفات غريبه وبهدايا فاخره
وانا ما انكر ان بي سلبيات كإي إنسان ولا أظن بإن سلبياتي لا تطاق
وقصتي مع خطيبي بإنه حساس جدا ودقيق مع أخطائي ودكتاتوري ودائما يردد بإني سطحيه التفكير وافكاري وتصرفاتي بدون تفكير واني عديمه التفكير بمنطق اللى هو يشوفه صح… ودائما احاول اقنعه بإن المرأه تتحكم بعواطفها والرجل بعقله ولكن لا حياة لمن تنادي وطبعا هذا هو اسلوبه من بداية الخطوبه ,,, فلا تقولون بسبب طول فتره الخطوبه
والقهر اذا افضفض له عن تصرفاته يعتبر هذا نقد واني حساسه ودائما يقول فكري وظني براحتك يكفيني انا واثق من تصرفاتي واشوفها صح ويجي يفتح لي باب للتجريح والاتهامات ويحاول يقلب الموضوع لصالحه واحيانا اشوفه شخص ثاني
يجي يترجى مني اذكر عيوبه عشان يصلح منها

وانا راح اعطيكم النقاط اللى تصير بسببها المشاكل وردود افعال كلا الطرفين ..
وانتو صنفو كل شئ حسب موقعه الصحيح اما سلبي او ايجابي
وانتم احكموا من فينا الدكتاتوري ومن العصبي والاناني والحساس

***دائما اتصل اطمئن عليه بين فتره وفتره واحاول اعبر له عن مشاعري وعن شوقي واهتمامي به وهو قليل اتصاله وقليل التحدث وفاتر بالمشاعر ويستقبل مشاعري اما بصمت او تسلمين
🙁
***دائما اردد (( حبيبي , عمري , أحبك , اشتقت لك , الخ)) وهو نادرا جدا جدا يناديني بهذه الكلمات
💡
***اذا اعصب اهدئ بسرعه واقول الدنيا ما تسوى زعل واول ما يقول لي آسف انسى كل شئ واذكر بإني احبه… وهو اذا عصب مهما كان السبب يستدعي او لا فإنه يقلب الدنيا فوق راسي ويسوي من الزعل خصام وعقاب وغيرها من جفاف بالاسلوب والتجريح اللى لابد منه ومهما اعتذر منه واقول له آسفه يقول لي وين اصرفها هذه؟؟ والاسف مايفيد ولا مايرضى الا بعد كم يوم من معناتي معه بإرضاءه
😉
***يزعل اذا اهتم بأحد غيره من الرغم انه هو اول اهتماماتي ويقول انا مو مسؤل عن هذا وهذا عشان تهمليني من اجلهم .. واذا هو يهتم بأحد واغار مثله يعصب ويقول اني انانيه واني ابيه بس لحالي
😆 idea:
***اذا يتصل لي ويعطيه جاري الانتظار يعصب اذا ماسكرت من المكالمه وكلمته .. واذا اتصل لي وتأخرت بالرد أو مارديت الا بعد ثواني او اكثر من فصل اتصاله يعصب ويقلب الدنيا علي واني لا مباليه ومهمله له,, اذا ارسل مسج مارديت عليه يزعل ويقول اني ما اعطيه اهتمام واذا تأخرت عن موعد إتصالي فيه يعصب ويقول اني أهتم بغيره على سبيل اهماله وياويلي يتصل واعطي مشغول يخاصمني …. وهو ياكثر ما اتصل له وعنده جاري الانتظار لابد انتظر متى يفكر يسكر مكالمته عشان يتصل لي ويسولف كأنه ماكان ,,, وياكثر اتصالي واحيان كثير يرد بعد ساعه او اكثر بحجه انه مشغول او جنبه احد ماقدر يرد وياكثر مسجاتي له ويطنش واذا سألته ليه مارديت قال ماعندي رد .. وياما يوعدني باتصال ويتأخر وياكثر المشغول اللى يعطيني اياه اذا اتصلت له بحجه ماقدر يرد او جنبه احد او مشغول
😉

***اذا اسافر ملزومه اتصل فيه واذا اروح بيت اهلي او صديقاتي ملزومه اتصل له وبين له انه في بالي … وهو اذا سافر ينساني ويقول هي يومين وبرجع وقلقك هذا كله بسبب لاني خليتك وسافرت عنك واذا راح لربعه او اي مكان مع اهله يطنش اتصالي ويقول لي انا مشغول خلي لاهلي وقت ولا تكوني انانيه وغيوره
😛
***يقتلني اذا قفلت جوالي مهما كان السبب ولازم اكون مدبره لاي ظرف طارئ يحصل لعطل جوالي او الشبكه او البطاريه دائما يقول هذه مشكلتك مو مشكلتي… مايهمه بإي وسيله اتصل له المهم اتصل له واطمنه واذا قلت راح عن بالي يقول لي هذا دليل انك ماعندك تفكير ولا عندك اسلوب بالتعامل مع الظروف … وهو اذا قفل جواله يقول شفيها؟؟؟ طفئ الجهاز او انتهى الشحن حصل شئ؟؟؟ واذا اقول له طيب كان اتصلت من مكان الفلاني .. قال راح عن بالي
❗
***اذا زعلت واقول له بسكر السماعه يقول لا .. اول شئ قولي انك راضيه .. وارضى لاني اعرف بالنهايه لابد ارضى ومايسوى الزعل واعرف انه ماراح يسوي شئ غير كلمه آسف .. ويظن بأنه قادر يرضيني بإسلوبه ومايدري بإني رضيت لاني ابي ارضى مو لانه أرضاني.. واذا هو يزعل واقول له لا تسكر الا بعد ماترضى علي يقول سكري لا اقفل بوجهك واذاقفلت وتركته ولا اتصلت يبقى زعلان ومايرضى الا بعد 1000 مكالمه والقهر يقول لي انتي تركيني وبرضى لحالي .. واتركه لحاله يوم يومين ولا يرضى ولو اخليه سنه بعد ماراح يرضى
💡
***اذا اعصب اسكت ومستحيل افكر اجرحه واذا هو عصب كل انواع التجريح اللفظي يقوله لي وصدمني باشياء ماعمري سمعتها بحياتي .. وانصدم بإنه هذا الانسان هو خطيبي وحبيبي
😆
***اذا يتأخر بأتصاله اعطيه 100 عذر واذا اتأخر بإتصالي مهما كان عذري دائما يقول لي هذا عذر مو مقنع .. واذا اعامله مثل اسلوبه يقول لي انتي ماتقدرين ودائما تعصبين
➡
***اذا اكلمه بجفاف بسبب تصرف منه ماعجبني يعصب ويقول لا تكلميني من طرف خشمك واذا هو يكلمني بجفاف واقول له شفيك غير من اسلوبك يقول لي هذا اسلوبي عاجبك بكيفك واذا مو عاجبك قفلي السماعه
😆 idea:
***دائما يقول لي انتي مو صريحة معي ماتوضحين اخطائي واذا وضحت له أخطائه يقول هذا انا ترضين فيني مثل ما أنا والا بكيفك
🙁
***كل يوم يدقق باسلوبي وتصرفاتي الصغيره والكبيره وينظر لها من تحت المجهر ويفرزها لي ويعددها .. ولاني مسالمه اتغاضى عن الاخطاء الصغيره اللى ما تستدعي زعل ولاني اتغاضى يظن انه ما يخطئ واذا فكرت ادقق يقول لي اني من النساء الحنانات واني ابي بس اخانق وادور على باب للشر
😆 idea:
اشياء واشياء راح اتعب وانا اذكرها واللى يقهرني اعرف هذه الاسباب كلها تافهه امام المشاكل الزوجيه ولكن وش الحل معه تعبت وانا احاول اغير من نفسي عشان ارضيه واعرف انه يحبني وكل هذه الاشياء تصير في التلفون بسبب بعد المسافه اللى بيني وبينه واذا اشوفه امام عيوني اشوفه انسان ثاني رومانسي وحنون وحبوب ويحبني كثير كثير ولا يرد لي طلب .. ادري بتقولون لي صبري اذا تزوجتو راح يتغير كل شي بس هو عاقل وتفكيره تفكير رجل واعي ينصحني ولا ينصح نفسه دائما يشوف اخطائي من تحت المجهر وينسى اخطاءه .. باقي سنه واحس طاقتي بدأت تنفذ ودي اعيش مثل الناس … تعبت من حياة كلها زعل وعصبيه .. اقول له حاول تتغاضى عن اخطائي الغير مقصوده ويوعدني يحاول ويرجع كما كان .. خوفي ان هذا هو اسلوبه للأبد واعيش حياتي كلها عصبيه وزعل وعقاب