أنا ودكتور أسناني…ومشكلتي معه..

صباح الورد لكل الفراشات

كيفكم ياحلوين

ياارب تكونوا أوووووكي دووووم مو يووووم

أنا دايما احب استشيركم بمشاكلي لاني أحسكم خواتي حبيباتي

وكلنا نحب الخير لبعضنا

المهم

أنا عندي مشكله ماقدرت أقولها لأحد

مدري ليش

أستحيت يمكن

المهم مشكلتي يابنات قبل فتررره

قررت أسوي تضبيط لأسناني تنظيف وتبييض وتلميع و و …….. لازم بما أني عروووس وزواجي قريب

المهم مالكم بالطويله

أنا قررت ماأسويها بجده لأني خايفه من الأمراض الغريبه والمرعبه اللي يجيبوها الأجانب معاهم

وتنتقل بعض الأحيان عن طريق عيادات الأسنان

أنا خفت وقالت أختي: خلي الين مانروح العيد ع الديره وسويها هناك

ودخلت الفكرره مزاجي

قلت اووووكي حلو

وكنت حاطه ميزانيه معينه لأن بنت خالتي ضبطت كل أسنانها بخمسه الاف من كل النواحي تلميع وتبييض
وتنظيف وتلبيس ودلع للأسنان عند دكتور بالديره وكل هذا مع الضمان لمدة عشششر سنوات
وشفت شغله على بنت خالتي خيااااااال حتى ضحكتها تغيرت
أنا كنت حاطه براسي ابي دكتوره تسوي لي أسناني ..
قالوا مافيه غير هالدكتور بالديره وأحسن دكتور حتى فيه ناس يجون له من برا الديره سمعته تووووب

وشغله تمااااااام أقوى شييي..

المهم أنا توكلت على الله ورحت له قبل العيد من اول ماوصلنا الديره وماكان معي الا أختي الكبيره حامل بالشهر التاسع
وكنت أسحبها معي مسكينه مابي اروح لحالي وماكان فيه احد من أخواني يروح معي هم 2 بس الله يخليهم لي وماجوا لأن شغلهم بعييييييييييييد مرررررا بالشمال

المهم:
من أول مادخلت عليه وسوالي أول جلسه وكشف ببلاش تخيلوا ويطالع فيني ويتبسم
وكانت أختي تتكلم عني وتسأله عن كل شي وو هو مرررا مهتم فيني بطريقه كشيت منها
وقالت له أختي : لازم تراعينا وتسوي أسنان البنت زين لأنها عرووس لازم يكون الشغل تمام

جابت العيد أختي بس هي على نياتها ..المفروض مايعرف عني أي شي

تعرفون حنا البنات يوم تكشين من اسلوب رجال حتى لو كان محترم معك وتعامله راقي تدرين ان فيه شي

المهم: أنا كنت أكذب نفسي اني ماارتحت لتصرفات هالدكتور من أول جلسه
وطلعنا من عنده اول جلسه ماتكلمنا في الفلوس وعطاني الجلسه الثانيه يوم العيد تخيلوا

قالت أختي مستغربه : يوم العيد مو أجازه ؟!!

قال : ام بلى أجازه بس بنزل كرمالكوووون انتوا سووا لي استدعاء أو أتصلوا فيني ع موبايلي ..
وخذ القلم يبي يكتب رقمه

قلت بسرعه لاشعوريا: لا لا بنسوي استدعاء معليش مو لازم رقم

الأخ يبي يرقم ومايدري كيف لا وبيعطينا رقم جواله مو رقم المستشفى

أول مررره أشوف دكتور يدقها ميانه مع المرضى لهالدرجه لدرجة يعطيهم رقم الجوال

طيب والتليفون المنرزع قدامك وش شغلته واللي بالأستقبال بعد..

المهم بلعتها وسكت وكذبت نفسي بعدين جات الجلسه الثانيه يوم العيد و أنا مني مرتاحه حاسه فيه شي غلط ماسوينا استدعاء لقيته جالس يستنانا

ويوم دخلت ومعي أختي نفسها اللي كانت معي قبل

وجلسنا ع طول بدا الجلسه و كشف ع أسناني وقال : لازم أشعه للفم

قال كذا أظن عشان يطلع أختي من المكان قلت :لا خليكي

قال : لا مابيصير لأنها حامل

اللي أنا أعرفه الأشعه ماتضر الجنين الا اذا كان في الشهور الأولى في مرحلة التكون مو تتحرى ليلتها خلاص

وطلعت أختي وأنا مقهوره وسوالي أشعه ع الفاضي وقال للسستر : راسيل روحي ظبطي الأشعه ..
أنا حسيت بقووووه انه يصرف السستر

بعدين بدا يسوي لي تنظيف بالماء والملح بفمي ويسولف بميانه

ويناديني اذا جا يطلب افتح فمي او الف راسي: ياروحي ياعيني ياحبيبي

ويدلعني بأسم الدلع حقي.. لا ويشتغل بأسناني من دون كمامات أو أ قفاز

بعدين قال : حواليكي شي عروس حلوه متلك والا انتي الأخيره

ناظرت فيه ومارديت عليه ..قال:باينتك دلوعه أخر العنئود

عاد كل هذا وانا ساكته وأحقن في قلبي ومدري شقول ولا شسوي

بعدها وهو ينظف أسناني بمحلول قال: أطلعي فيني

بعدين قال بمياعه: بعيوني

عاد انا ماتحملت الكلمه الأخيره وتعدلت بجلستي
وقال :تفي المي اللي بفمك

قمت انا من الحقد وتفيت المويه اللي بفمي على وجهه..

وربي يابنات انه يمسح وجهه ولا كأنه شي صار ويتبسم ويقول بشكل استفزازي : مقبول من الحلو

عاد دخلت أختي ومادرت عن شي وأنا ساكته

وقام عطاها الفاتوره قال بسويلها كل أسنانها بألفين ريال بس
مع انو المفروض ساويهن بخمسه الاف وميتين بس يلا الباقي نقوط للعروس

أختي انبهرت ويوم طلعنا وربي يابنات ماقدرت أقولها شي مدري ليييييييييش

قالت مبسوطه : الله ياهالدكتور اللي يخصم ثلاثه الاف وميتين ريال والله انه شششششي

أنا بس أولد بجي اعدل اسناني وأسنان عيالي كلهم عنده

هي تتكلم مبهوره ومستانسه وأنا بوادي ثاني مدري وش فيني ماقدرت اتكلم

بعدها عاد شفت بنت خالتي اللي سوت عنده وبما ان حنا نمووون ع بعض قمت أسألها عن الدكتور
قامت تقولي ماشالله عليه محترم مرررره ولايناظر الحريم شغيل بسس

نفس الكلام اللي قالته لي قبل وخلاني اثق فيه كطبيب..

أستحيت أقول لها وش قال لي ..

وسكت ..

أنا دفعت الألفين كامله لأني انجبرت ماقدرت أقول لأختي الكبيره وقتها
وحتى للحين ماقدرت أقول لأحد..

باقي لي أربع جلسات حتى أخلص

ووحدة من الجلسات بعد بكررره:P

أنا خايفه وبنفس الوقت مستخسره الفلوس اللي دفعتها له تروح عبث وبعد شغله مررره مرتب ونظيف

وربي يابنات محتاره فأيش تنصحوني؟؟؟!!

أروح أكمل الأربع جلسات ؟!

والا أدور مستشفى ثاني ..

علما اني خلاص طفرت ماعاد معي أدفع تكاليف مستشفى ثاني..من أول وجديد!!

أخواتي الفراشات:

بليييييييييييييز.. بلييييييييييييييييييييييييز