عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اعذروني فاض همي واشتكى قلبي وناح
اعذروني لاتلوموني بياض الشيب لاح
شاب قلبي واليالي هيضت مني الجراح
عقب فرقى راس مالي عقب ميدان السلاح
عقب فرقى راس مالي صرت مكسور الجناح
عقب خلان الشدايد عطرهم بالمسك فاح
عقب مازانت ليالي وارتوينا بالفراح
ياطيور الوقت نوحي لاتغني بارتياح
السلام عليكم ورحمة الله وبركاته
شلونكم ؟؟ اخباركم؟؟ عساكم طيبين
والله أني أرجف من الخوف وانا اكتب >.<
شسمه ذا النظرة الشرعية
مادري شلون اكتب لكن أعطيكم الزبدة
الله يسلمكم ولد عمتي تقدم اكثر من مرة وأنا رفضته
لاحد يتسرع ماهوب تقليل من قدره لكن خوف عليه وعلى نفسي
هو ظابط بالجيش بس قسمه خطير تبع المواجاهات الأمنية
وبما أنه ضابط
ملزوم يطلع في المواجاهات والرياض الله يخليها
الأرهايبين كل شوي ويطلعون من العدم
ومرة كان في مداهمة و أنصاب بس ربي ستر
وانا من النوع اللي اذا تعلق بشخص ماقدر اتحمل فرقاه
والله ثم والله ثم والله آني راح أنجن لا فقدت أحد
جدتي ماتت من فترة واللي شافو حالتي قالو بتنجن ياتموت أكيد مافيها كلام
مادري شلون طلعت من الصدمة وفاتها
أمي أذا مرضت وطاحت علينا رجولي ماعد تشيلني
أقوم أصيح صياآآآح وأشهق اللي يشوفني يقول خلاص راحت وانا بلحقها
الزبدة
وافقت عليه قبل فترة وقال يبي حقه بالشوفة الشرعية
ماألومه يبي يشوف البنت اللي رفضته أكثر من مرة
والله أرجف رجفة ماهيب صاحية
قلت بلبس أسود في أسود
خفت يقول مجبورة
ألبس لبسي العادي يقول هاذي تبي توريني أني ماني بقدها وانها قدرت تجيب راسي
حتى أهلي وهم أهلي
ماحد حاس فيني
هم على بالهم خايفة أروح عنهم
ماحد عارف ويش اللي فيني ألا شخصين
وماراح تصدقون لو أقلوكم أنهم أخته واخوي
أيــــــــــــــي أخته واخوي تخيليوا
أخته دارية أنها ماراح تقوله باللي يدور براسي لأني محلفتها وهي قد الأمانة
وأخوي صديقه الروح بالروح وهمن ضامنته ماراح يقوله لأنه شباب قبيلتنا من النوع الكتومي مادري شلون أقولها
لكن يقول ماراح اقوله شي علشان مايظن بأختي أنها مشفوحة عرس
دارية بتقولون خبلة وكمخة ودلخة
بس خايفة وربي الشاهد خايفة
مانيب أنسانة دلوعة ولا أني أتدلع
أنا أنسانة أعرف ربي
ومامدح نفسي
لكني متدينة ومملوحة ومزوحية
بس عيبي خوفي يانآآآس أخاف أفقد أحد
والله لأنجن ورب الكعبة أنجن
أكذب عليكم أن قلت ماتعلقت فيه
كفاية لا تكلموا عنه الكل يمدحه
كل ماجابوا سيرته أحس خدودي ووجهي تحمر من الخجل
بس
بس
آخآآآف
والله أدعي كل ليلة أن ربي ييسر لي أمري
بس خاآآآيفة
واليوم كل ماله يقرب
مادري ويش أسوي مآآدري وربي
خفت اكلمه يقول قليلة حيا
تكفون طلبتكم طلبتكم
ساعدوني
أخواتي المتزوجات تكفون
واللي قد مروا بمواقف تشابه موقفي
انصحوني اسدحوا مواقفكم هنا
أي شي يريح بالي
يخليني أضحك أي شيئ
وشورو علي وش ألبس
طلبتكم طلبة
ريحوا بالي تكفوووون
صرت أشغل بالي بأي شيئ ألا أني أفكر فيه
وهذا الموضوع دليل قاعدة أزينه علشان مايجي في بالي
وشلون مايجي في بالي وهو أساس هذا الموضوع
ساعدووووني أختكم همس
في أمان الله
اعذروني يارفاقه يوم فاضت بي هموم
اعذروني لا تلوموا ضاق صدري بالغموم
من يلوم اللي غرق في بحوره مايعوم
من يلوم اللي كسير غيرت حاله سقوم
هيه يادنيا العجايب كم تسلقينا سموم
هيه يادنيا العجايب ليه حلاها مايدوم
طير طاير وش علامك في السماء دايم تحوم
طير طاير مرحبا بك كنت جايب لي علوم
