عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم أخواتي الفراشات ..
^
^
^
^
^
بعد تفكير طويل قررت أفتح قلبي وأتكلم .. لاني من النوع الكتوم .. للأسف :059:
تقدرون تقولون طبع فيني .. أو .. يمكن ماأحب أحد يشيل همي بالرغم أني ماأحب أشوف الشخص ضايق صدره ولا مايقدر يتكلم ..
أنا عارفه دخلتكم في تناقضات شلون انسانه كتومه .. وماتحب تشوف شخص قدامها كتوم .. بس هذا أنـــا ولازم أرضى بواقعي ..
عشان أكون صريحه معكم .. تقريبا خف هالكتمان بدرجه بسيطه وحسيت اني أقدر أتكلم مع صديقتي يعني لو متضايقه أقدر أفضفض شوي ع الأقل أحسن من قبل ..
المهـــــــــــــــم ياأخواتي ..
مشكلتي أني بهالمشكله بالذات<< الوحيده اللي ماأقدر أفضفض لها هي صديقتي اللي ماأفضفض لغيرها ..
مسأله صعبه وتعبت كثير قبل ماأكتب الموضوع بس قررت أكتبه يمكن أرتاح ..؟
ياأخوات أنا وصديقتي كانت علاقتنا تمام الحمدلله صحيح لازم يكون فيه بعض الزلات اللي تزعل وللأمانه كنت أنا الأكثر في ارتكابها وكانت تسامح بصدر رحب وأحيان والله من كبر الزلات اللي أسويها أتمنى تزعل علي لأني أخاف يصير شي بقلبها فودي ماأحس بتأنيب الضمير ..>> مدري واضح وش أقصد.؟
فيه شي بعد ..
أحيان أغلط عليها أو أسوي أشياء تزعلها ماتقولي أنها تزعلها بس أحس أنها متغيره علي .. تمشيها هي من باب ..الصديق للصديق ومو كل شي يزعل مع العلم انها تزعععل .. والله أن قلبي عليها ويضيق صدري أكثر منها اذا غلطت عليها لاني أحبها .. والله العالم بغلاوتها عندي ..
اللحين كل هالكلام مقدمات الشي المهم اللي بقولها ..
أن صديقتي تغيرت علي فجأة ..وأنا كنت حاسه أن تغيرها كان من غلط أو زله مني بس والله مااتذكرها سألتها قلتلها يا … متغيره علي ياوخيتي أنا سويت لك شي .. زعلتك بشي .. بالبدايه أنكرت وقالت ماتغيرت وعااادي ..كل شي ..
بس مع الوقت قالت لي انه من شي يضايق سويته .. حاولت معها أعرف وشو ؟؟ رفضت :059:..
قالت النفس طاابت خلاص ..ويوم أتضايق أنا أتضايق لأنه :059:مابعد تعدل حالك >> وحسنتي من زلاتك .
ياجماعة الخير الله العاالم بس وش كثر أغليها ..وأن الغلطات اللي أسويها مو من قلبي ولا اتذكرها أصلا لأنها مو من قلب ..
المهم ياأخوات قلتلها وش أقدر أسوي لانها هي صارت ماتتصل .. قالت انه مو بيدها..فقلت خليني أنا أتصل واستمر معها لحد ماترجع زي قبل ..وفعلا استمريت معها بس طووولت الحكايه لي تقريبا ثلاث أسابيع أو أكثر أنا اللي أكلم وأسأل .. صحيح اذا كلمتها مو زي قبل بس ترد حتى اذا أرسلت ترسل ..بس هي ماتبادر ..
المهم من هالاسبوع قررت خلاص اني أعطيها فرصه هي .. قلت بشوف هي تسأل عني لو قطعت ..
وفعلا أرسلت هي بس ماكلمت ورديت عليها بنفس معاملتها أرسلت لها ماكلمتها مع العلم اني مشتاقه لها بس وش تقولون .. :048:مسويه قويه ..؟؟
وش رايكم استمر كذا .. ولا أدق عليها حتى لو مادقت .. شوروا علي الله يجزاكم خير ..؟؟!!؟؟
واذا استمريت كذا برايكم لمتى ..؟؟
دعواتكم أخواتي الله يجزاكم خير ..
:0154::0154::0154::0154:
