أهل زوجي

اليوم حبيت أتكلم بموضوع <<< بدأت المحاضرة 😛
الموضوع انتشر بشكل فضيع في كل المنتديات والمشكلة صاحباته على غلط ويلقون اللي يأيدونهم وهو أهل الزوج وعلمهم بحمل الزوجة تجي الوحدة تحط موضوع طويل عريض أهل زوجي عرفوا بحملي << طيب خير طير لو عرفوا بحملك بيعطونك عين مثلا ترى اللي انتي حامل فيه ولدهم أو بنتهم ومو إنتي أول وحدة تحمل في الدنيا
ولو افترضنا إن الوحدة تحب إن كل أمور حياتها بالسر والكتمان حتى أهاليكم المفروض ما يعرفون ماحد أحسن من أحد

وكله كوم ولما تجي وحدة تقول زوجي قال لأهله إني حامل وأنا مابي غير أهلي يعرفون لحد ما أوصل شهر معين وتسب بزوجها وشخصيته أقولها والله إنه كفو ورجال من ظهر رجال أمك ماهي أغلى من أمه عشان ما تعرف وأحسن من اللي تجي وتقول قلت لزوجي لا تعلم أحد بحملي غير أهلي وهو فرحان إنه نفذ أوامر ست الحسن والجمال وساحب على أهله بالله كيف تشوفون شخصية هالزوج والبنات يردون عليها ما شاء الله على زوجك مو مثل اللي عندي <<اترك لكم التعليق عليه لأني لو كتبت بتلقون تحت معرفي موقوفة عن المشاركة 😉

واللي تخالفني الرأي أقول لها
لو زوجة أخوك خبت عليكم خبر حملها وأهلها يعرفون بنلاقيك في قسم افتح قلبك و تتشكين على أخوك وإنه تغير وإنه ناسيكم وتحطين كل علل الدنيا فيه ولو إنه أحسن أخ بالدنيا ومو مقصر معاكم ما غير إنه خبى عليكم خبر حمل زوجته برغبتها

وغير كذا اللي تبي تعتبر أهل زوجها أعدائها حتى من قبل ما تتزوج <<< للأسف هالشيء منتشر هالأيام أقولها بكرة بيجيك الولد واللي تسويه مع أهل زوجك بيسويه معك وكما تدين تدان

كلامي اللي كتبته يشمل نسبة كبيرة من مجتمعنا للأسف ونستثني قلة لأن الله عالم بظروفهم

وسوري عالإسلوب لو إنه جاف خبركم البيئة الصحرواية وتأثيرها <<<حشى جمل مو بنت ➡
والحمدلله ما ما مر علي هالإسلوب لا من زوجات أخواني ولا أخوات زوجي ربي يحفظهم يعني لا تقولون صار لي هالموقف وتعقدت زوجة أخوي الكبير قالت لي عن حملها قبل أهلها وأهلي <<< فرحانة

وآخيرا أهل أزواجكم مثل أهلكم وأمه أمك وغلاتها بقلبك ترفع من قدرك بقلب زوجك بعد الأجر من الله سبحان وتعالى وهذا الأهم طبعا

الله يرحم أيام زمان الوحدة تعتبر أم زوجها مثل أمها مو الحين واحنا المتعلمات