أول رواياتي ♥ღ على صدري بعلق ياحبيبي حبك وساميღ♥

^^مات حبك والبقيـة في حياتـك
في حـنايا خافقي لاقى مصيره
خذ مع الجثمان بـاقي ذكرياتـك
تجربة حبي معك كانت مريره^^

دخلت دارها و قعدت تبچي
: خاين خـاين
أكرهـه
أختها : بسم الله وش فيك ؟؟
بچت بقهر ترثي حبها : بعد ما حبيته
وبعد ما قالي إنه يحبني
اليوم وبكل برود
قال لأمه و أهله قدامي
يما بخطب الهنوف بنت خالتي
بحياتي ما فكرت أحب
ويوم حبيت تحطمت ..
أختها مصدومة معقولة تحب أحد قدر يملك قلبها
ويغيرها : منهو ؟؟
: منهو يعني ؟؟ بدر ولد عمك الحقير
قص علي و الله ما خليه
والله ما كون نواره لو ما علمته شغله …
فهده مصدومة نواره تحب
نواره إلي الحب يخاف منها
تحب مستحيل
: بدر ؟؟ وش فيه ؟؟
نواره بعصبية : لا تقولين اسمه قدامي
الله ياخذه
فهده : فهميني وش السالفة ؟؟
نواره : تذكرين قبل شهر
يوم رحت بيت عمي
عند لولوه بنت عمي
شافني النذل وقال لي
إنه يحبني من زمان
أنا عطيته سكب “طاف”
المهم بعد أسبوع
قالت لي لولو أجي لهم
رحت و عاد علي نفس الكلام
وحتى مرة “امرأة” عمي كانت تنغز إني
لولدها بعدين أنا انقطعت عنهم
فترة ياخي مليت منهم
قامت لولو تكلمني بالتلفون
كل ما دقت علي خذا النذل منها
التلفون و عاد علي نفس الكلام
و توه أمس قالت لي لولو
أن النذل ميت فيني و ينتظر متى أتخرج
من الثنوي
عشان يخطبني و تقول إنه بيتقدم لي بعد يومين
وقالت لي شرايك فيه
قمت أنا لأني خبله قلت لها إني حبيته
لأن من جد حبيته
و اليوم يوم كنت عندهم تخيلي
قال لأمه وهو يناظرني
يمه أبغي أخطب الهنوف بنت خالتي
وتخيلي يقول لي نواره وش رايك فيها
قلت له ما عرفها
و طلعت للحديقة أدق على السايق يجيني
قام النذل و جا لي و قال
شكلك محزنه وش فيك ؟؟
قلت له ما فيني شي أنقلع
قال لي قبل ما تروحين
بقول لك شي ترا أنا بحياتي
ما حبيتك ولا أعتقد إني بأحب
وحده مثلك عربجيه وفي قمة الخشونة
قلت له حبيتني ولا ما حبيتني
حبك برص إن شاء الله
ورحت و هذا أنا قدامك
أبكي على شخص ما يستاهل
ولا يستحق دموعي
إلي ما قد نزلت عشان أحد
“مسحت دموعها “
إلي قهرني إن هو أول شخص
يقول لي إني في قمة الخشونة
محد قال لي قبله
محد نبهني
أنا موب كيفي
أنا تربيت كذا من يوم كنت صغيرة
أبوي كان يقول لي أنت ولدي الثاني
أنت لازم تكون غير عن خواتك
لازم ما تبكي ولازم تكون نفس ريان
تربيت على أني أكون نفس ريان
و بعد ما خلاص تأسست كذا تكلمتو
كان قلتو لي من زمان
ما نبهتوني إلا بعد ما إنلسعت
و انتبهت إني المفروض ما أكون كذا
“وغطت ويها بيدينها و بچت”
على كل إلي سواه مشكور
لأن لو ما جرحني
ما كنت انتبهت
على إني المفروض
ما أكون غير عنكم
على إني المفروض
ما أكون مثل ريان
المفروض أكون مثلك
ومثل أشجان و مثل ليان
ومثل أمي
على إني ما أكون مثل أبوي و ريان
” رفعت راسها ”
فهده
فهده و دموعها على خدها من حال أختها
مسحت دموعها : لبيه
نواره تحاول توقف دموعها بس
دموعها تعاندها وتنزل :
الحين حسيت فيك
و حسيت بشعورك
يوم قالوا إن طلال خطب
ويوم ملك ..
فهده بچت و لمت نواره ..
نواره لوت إيدها على فهده
لامت نفسها إنها قلبت مواجع فهده
نست نفسها و حزنها وبدت
تواسي فهده : فهوده
بس يا حياتي ما يستاهلك
والله ما يستاهلك ..
فوفو
فهده طريقة نواره بمواساتها
ذكرتها بفيصل : هلا
نواره تحاول تنسى ألمها
وتنسي فهده ألمها
ضعيت السالفة :
بكره النتايج
تصدقين إني موب خايفه
من نسبتني تدرين ليه
لأنك درستيني
عدل والله لو أنا دارسة
بروحي كان بعمر بثالث ثنوي
لين يقولون لي خلاص
بنجحك بس فكينا من وجهك ..
فهده سايرتها بتغيير السالفة
: ههههههههههههههه
أما أنا بالمرة خايفه من نسبتي
أبي أطلع الأولى
نواره : أصلا لو ما طلعتي الأولى
أنا بذبحك
حرام على دراستك هذي
ما تطلعين الأولى من أول السنة
و أنتي تحفظين بالكتب ما شاء الله
فهده : هههههه
أشجان دخلت : شـ عندهم
خريجاتنا يضحكون
صوتهم واصل لين تحت
نواره : ههه أمي قامت ؟؟
أشجان : أنتو خليتو أحد ينام
نواره : أجل بروح أسلم عليها
ما شفتها من اليوم
أشجان : وين ؟؟
صدقتي أنتي ؟؟
الساعة 11 أمي نايمه ..
نواره : حسافه
وش عندك رازه الفيس
عندنا
أشجان : أفا
شـ سوي والله
ماعندي أحد أكلمه
أمي نايمه
و ريان وليان
مسافرين
ما عندي إلا أنتو
نواره : عندك عبدالله
أشجان : وع الله يخليك
لا تذكريني الملكة بكرة
و أنا ما بغى
بس هين إن ما عفست الدنيا
لا سألني الشيخ موافقة
بقول لا
نواره : خبله أنتي
والله تروحين عند عبدالله
أشرف لك من الموت بيد أبوي
على الحركة لو سويتيها
وبعدين من قال لك
أن الشيخ بـ يسألك ؟؟
أشجان : أجل ؟؟
نواره : ليه حسبالك أبوك
غبي ؟؟ أكيد بـ يضبط
كل شي عدل
عشان ما يخذون رايك
وتخرب الملكة
أشجان : يعني ما في أمل
فهده : إلا فيه
أشجان ونواره : شلون ؟؟
فهده : أبوي قبل ما يكتبون الكتاب
بـ يسأل عيال عماني
إذا أحد فيهم يبيك
و إذا أحد فيهم يبيك أكيد
ما راح تتم الملكة ..
أشجان تدعي بصمت أن يصير
إلي قالته فهده
نواره تتحرش بأشجان : الله يخليك
من يبغى هذي
داعية عليه أمه إلي يبغاها
فهده فهمت على نواره : هههههه
إيه والله مسكين
أنا بصراحة بقعد أدعي له ليل
ونهار إن الله يصبره
أشجان بعصبية : إلا داعية له أمه
إلي يبغيني
نواره : يعني خالتي داعية لعبود من قلب
أشجان : عبود بعينك
اسمه عبدالله
فهده و نواره : ههههههههههههههه
أشجان : شلي يضحك
نواره : أنا أدري عنك
مره ما تبغينه و مره تغارين عليه
أشجان انحرجت : المهم أنا جايه
بقول لكم قدموا عرس طلال
بعد يومين ..
ويات بتطلع و لاتمسكها نواره : نشوف بكرة
لا شفته و صار رجلك وش بتقولين
و أما عن طلال زين أنهم قدموه لأني
مخططه أطب على ليان ببريطانيا بعد
فترة ..
أشجان ابتسمت وطلعت
وهي خايفه باﭼر بـ يرتبط
اسمها باسم واحد الكل يعرف
سوالفه
خايفه آآهـ الحمدلله أن الملكة بس للرجاجيل
يعني ما فيه حريم ولا كان بين إني مغصوبه
و نفضحت ..

)()()()()()()()()()()()(

^^ باختصار الوضعه كله باختصار
قمت اجيه يمين يطلعلي يسار
قمت اجيه يسار يطلعلي يمين
شفت انا نجوم الليالي بالنهار ^^

دخل البيت و راسه مصدع
يا ربي شـ هـ البلوى إلي نزلت علي من السما
بعد تعيش عندنا آآهـ يا راسي
الحمدلله إنها الحين عند أمها
يعني اليوم بفتك منها
سمع صوت أحد ينزل من الدري
مفاز : هاي
خالد مات من الخرعه : بسم الله
أنتي مو عند أمچ
مفاز : ههه لا أبوك قالي أرجع للبيت
لأنه يبي يقعد عندها
خالد مسك راسه : مستحيل
يعني اليوم بعد ما راح أنام
تكفين باچر عندي جامعة
وبنام فلا تزعجيني
مفاز ابتسمت بمكر : بس بشرط
خالد : شنو ؟؟
مفاز : بروح معاك للجامعة باچر
خالد مو مصدق : ههه يالله عاد
مفاز : من صچي أتحچى بروح معاك
ولا بطول على التلفزيون عـ الآخر
عشان ما تنام
خالد تنهد : أفف أمري لله
مفاز : لا شدراني أنك صادق
يالله أحلف
خالد بصراخ : والله
والله باخذچ
بس خليني أنام
مفاز ضحكت بنصر : ههههههههههههههه
و دخلت دارها وقفلت بابها
و نامت عشان تقوم بسرعة
وتروح للجامعة

&

تنهد يا ربي ساعدني
هـ البنت مزعجه الله يعيني عليها
فتحت الباب
مفاز ضحكت : ههه تذكرت
خالد : شنو ؟؟؟
مفاز : اليوم طلعت نتيجتي
خالد : صچ چم خذيتي على هـ الغباء ؟؟
مفاز عصبت : لا تستهين فيني
تراني الثانية على دفعتي
خالد بطل حلجه : يالله عاد
صچ قولي چم ؟؟
مفاز : قسم بالله
حتى نسبتي 97
خالد : ما شاء الله
والأول چم ؟؟
مفاز : حسبالك مثل الخليج
هني الأول نسبته 97 ولا وبعد
إذا ما كانت 96
خالد : ههههه
مفاز دخلت الغرفة : تصبح على خير
خالد : وأنتي من أهله
وراح ينام

**اليوم الثاني**

مفاز قامت من صلاة الفجر
طقت الباب على خالد : خااالد
خالــد
خالد قام وفتح الباب : هاه
مفاز مبتسمة : الصلاة
خالد : صلاة شنو ؟؟
مفاز : العصر يعني أي صلاة
صلاة الفير
خالد من زمان ما صلى الفير :
أنزين بنام و بعدين يصير خير
مفاز بصدمة : أي خير و أنت بتنام عن الصلاة
خالد بلا مبالاة : خلصتي ؟؟
مفاز : لا يالله روح للصلاة
خالد : انقلعي مو الريال إلي يامرون عليه
الحريم
و صك الباب
مفاز طاح من عينها قالت بصوت عالي
: لو أنك ريال صچ
چان رحت تتعبد ربك
مو تنام بالبيت چنك مره “امرأة”
خالد بطل الباب : عيدي ما سمعت
مفاز بشجاعة عادت جملتها
خالد : ريال غصبن عنچ وعن إلي يابوچ
مفاز سحبته و قطته عند باب الحمام :
بلا كلام زايد روح توضأ
خالد استسلم و راح يتوضأ
طلع
خالد : أفف ها ارتحتي ؟؟
مفاز بعصبية تصارخ : تأخرت على الصلاة
يالله انقلع للصلاة
بـ يقيمون الصلاة
يـ الله
خالد اختلع : إن شاء الله لا تصارخين
وراح للصلاة
مفاز : الحمدلله الذي عافانا

&

خالد أفف هذي ناوية تخرب حياتي
عدل
ودخل المسجد لأول مرة
من 3 سنين
هجر فيهم المساجد و أهلها
بعد ما ربته أمه على أن قلبه يكون معلق بالمساجد
هدهم من خذاه أبوه عنده
يالله مفاز نفس تفكير أمي
الله أكبر الله أكبر
خالد : أووه نسيت الصلاة
ودخل للصلاة
انتهت الصلاة قعد فترة بـ المسيد
يا له واحد من ربعه إلي كانوا معاه بحلقات الذكر والقرآن
: بو الوليد هني ما صدق
خالد يحاول يتذكر : نواف ؟؟
نواف لمه : ياخي فقدناك و فقدتك المساجد
خالد خنق العبرة فقدته المساجد
نواف : هاه بشر ختمت ؟؟
خالد نزل راسه : ما قدرت
نواف بعصبية و هدوء : منو إلي كان ما يعرف كلمة ما قدرت
منو إلي حفظ 15 جزء بثلاث شهور
من كان عمره 13 سنه وهو حافظ 10 أجزاء
و بعد ما حفظ الـ 20 جزء
اختفى ما عاد شفناه
بكت على فراقه المساجد
يا ما قعدنا بالحلقة نذكرك
وإلي يقول خالد ساعدني أحفظ
كذا و الثاني يقول شجعني أحفظ كذا
و إلي يقول ختمت القرآن بعد ما قال لي خالد
إن ما في شي مستحيل
خلود تذكر محمد الأمريكي
إلي كنت تحفظه و مسؤول عن تعليمه
تدري أنه ختم و خذا السند
و إلى اليوم يقول كله بفضل الله
ثم خالد
الناس ختموا و أنت ما ختمت
ما تذكر يوم كنت تقول لنا
في بداية كل حلقة نحفظ فيها
تذكروا تم حذف كلمة ما أقدر من القاموس
خالد منزل راسه : كنت أقول
كنت أسوي
بس الدنيا تغيرت
نواف حط إيده على چتف خالد :
تذكر يوم طلعت أنا من الحلقة
شلون أقنعتني أرجع
يوم قلت لك الدنيا تغيرت
قلت لي
الدنيا تتغير بس هممنا ما تتغير
خالد سكت يالله أنا نسيت الكلام إلي كنت أقول
و نواف حافظه حرف حـرف ..
نواف دق تلفونه : يالله نسيته
خالد : منو ؟؟
نواف : ههه قطيت عبود على البقاله
ونسيته
خالد : لمن الحينك نساي
: تكفى يا شيخ منو النساي
إلي أمس مداوم و نايم بالممر وهو يدرس للاختبار
و نسى الاختبار زين إنا قومناك
خالد قام يسلم : هلا والله بالشيخ
شلونك فهد ؟؟
نواف : أترخص الحين بودي عبود للبيت
وأرجع لا تروحون
فهد : من متى و أنا أروح بعد الصلاة على طول
بس لا تتأخر
نواف : سلام
وطلع وصل أخوه ورجع
وقعدوا شوي مع بعض وبعدين
كل واحد رجع بيته
خالد وهو بالطريج يفكر بربعه
ما نسوه و ظلوا يذكرونه
حس بحنين لهم و لأيامهم
لمن قال إن مفاز ناويه تخرب
حياته ما غلط أبد
لكن غلط بكلمة
هي مو ناوية تخرب
حياته لا هي ناوية تغيرها
للأحسن ..
وصل للبيت
ولا مفاز قاعدة بالصالة
خالد مبتسم تذكر شكلها وهي
معصبة يضحك : سلام
مفاز تفرفر بالقنوات : و عليك السلام
ربي يابك تعال بلعب أونو
خالد يحرك إيده يعني طاف : أونو والله إنچ فاضيه
بروح أنام أناااااااام
مفاز : ههههههههههههههههههههههههههههه
خالد معصب : خير ؟؟
مفاز : ههههههههههههههه والله شكلك
×أكس× وأنت معصب
لا تعصب
خالد : لا بعصب كيفي
المهم وين الـ أونو
مفاز ببرود : الله لا يهينك
روح أشترها من الجمعية
خالد : أفف عيل دوري
من يلعب معاچ
حلوة هذي تعزميني
على شي مو موجود
مفاز تحرك حواجبها : بدق على
كومار “السايق” فديت روحه
إييب لي أونو
خالد مبطل عيونه : مو متربية أنتي
شنو فديته
مفاز : شنو فديته
قلت فديت روحه
بعدين عادي سايقنا
خالد : وع شنو سايقنا
سايڨنا أحلى
مفاز : المهم
تدري شلون الظاهر أن دمك بارد
أتكلم عن السايق و أنه أحسن منك
خالد بسرعة : خسي
كملي
مفاز : ولا رحت تشتري لي
“دقت على كومار “
ألو كومار اركب سيارة بسرعة
“وصكت الخط”
بروح ألبس
خالد : وين على الله
مفاز : بشتري أونو
مو أنت تقول بمعنى كلامك روحي أشتري
أوكي مو مشكلة
خالد معصب : و ليش ما يروح بروحه هاه ؟؟
مفاز : ضحكتني ما لقيت إلا كومار يفهم
خالد : قولي له يرجع السيارة
بروح أشتري لج أونو
مفاز مدت له ورقة وهي مبتسمة بمكر
خالد : شنو هذي ؟؟
مفاز تتصنع البراءة : بـ تروح الجمعية صح ؟؟
أشتر لي مع الـ أونو
أكل يعني إلي مكتوب
خالد يقرا : 14 بيبسي
5 سنيكرز
6 جلكسي عسل
9 باونتي
3 كراتين كتكات
ألعن خير بليسچ شـ تسوين
فيهم
مفاز : ثلاجتي فاضيه
بعدين ليش أبخل على معدتي
وبعدين بفلوسي
خالد : لا خلي فلوسچ لچ
أمچ عطتني فلوس لچ
وقالت أخليها عندي
لأنچ بتطيرينها بيوم واحد
على قولت خالتي
مفاز : روح رووح الله يسمح دربك
خالد : دقي على كومار المسكين نقع
بالسيارة
مفاز : هههههه من صچك أصلا ما دقيت عليه
أمثل عشان تروح أنت
خالد : لا خلاص ما راح أروح
مفاز : كيفك ..
بس آنا بروح
فتحت الباب وطلعت للحديقة
خالد : تعالي بـ تموتين من الحر
بروح و أمري لله
مفاز : بسرعة
خالد : طراره وتتشرط
وراح يشتري
خالد آآهـ يا ربي أكيد هذا عقابي
على كل شي سويته بحياتي
لا أكيد أني غلطت بحق أحد
ودعا علي وهذي نتيجة دعوته
يا ربي ساعدني
على هـ البلوى إلي ابتليت فيها
آآهـ راسي بس أشوف هـ إلي
اسمها مفاز راسي يصدع
و شترى لها
ورد البيت لاقاها تتابع فلم
خالد : اخذي أغراضچ
أنا بروح أنام
وبعد ساعة بروح للجامعة
إذا ما قمت قوميني
لو سمحتي
مفاز وهي تاكل بطاط مقلي : إن شاء الله
بس أنت حلفت تاخذني
يعني بروح معاك
خالد : انزين بس بنام الحين
مفاز : وين تنام عيل ليش شاري الـ أونو
خالد : ما بي ألعب معاچ بنام
خلاص ارتحتي
مفاز تعرف تمثل عدل سوت عمرها تبچي :
والله مليت تكفى ألعب معاي
مليت والله مليت
أبي أبوي
خالد : شـ دخل أبوچ
مفاز و مصرة تخليه يصدق إنها تبچي صچ :
أبوي الله يرحمه كان كلا يلعب معاي
الحين ما عندي أحد ألعب معاه
خالد يدري إنها تمثل : والسنتين إلي كنتي فيهم بألمانيا
بعد كنتي تتبچبچين عشان يعلبون معاچ
مفاز : كنت ألعب مع “خنقت العبرة ” نجود
بس الحين “بچت صچ” ما عندي لا نجود
ولا غيرها ..
خالد قعد وقال باستهزاء : خلاص لا تبچين
يا نونو بلعب معاچ
مفاز ولا چنها إلي قبل دقايق تبچي
نطت بفرح :
أحلف
خالد قاعد يوزع الورق : يعني مو مصدقة
مفاز ضحكت : بفووووز عليك
يالله أبدأ
خالد : أفف أحس اللعبة حددها قديمة
مفاز : ألعب و أنت ساكت
خالد : إن شاء الله طال عمرچ
و لعبوا لين الساعة 7ونص
مفاز تتثاوب : متى بتروح للمحاضرة
خالد وقف : محاضرتي الساعة 8ونص
بروح الحين على ما أوصل صارت الساعة 8
مفاز : بروح معاك
خالد : أدري من قرادة حظي
روحي بدلي لا تتأخرين ولا بروح بروحي
مفاز ركض : دقايق و بي
و بدلت ونزلت : طولت
خالد : لا بس بلوزتچ مقلوبة
مفاز : دقيقة و راجعه لا تروح
و دخلت المطبخ عدلتها وطلعت
خالد : بتروحين معاي چذي وين حجابچ
مفاز تضيع السالفة : بعد ما نرجع قطني على أمي
خالد : أوكي مشينا
و طلعوا وركبوا السيارة
خالد : شرايچ بسيارتي
مفاز : لا تقول لي أنت تروح الجامعة فيها
خالد : إيه ليش
مفاز : ههه ليش رايح تقز أنت
أحد يروح الجامعة بسيارة كشف
خالد : والله ما عندچ سالفة
دق مبايل خالد
خالد رد : هلا حياتي
شلونچ ؟؟ شخبارچ ؟؟
مفاز طلعت عيونها ..
خالد لف على مفاز وابتسم : إيه الحين ياي لكم
معاي بنت خالتي
مفاز ردت له الابتسامة ..
خالد : أوكي حبيبتي أخليچ الحين
دقايق وياي لچ ..
مفاز معصبة مو محترم وجودها حبيبتي
و حياتي ..
خالد : حتى آنا والله
سي يو ..
و صك الخط
خالد لف على مفاز واضح إنها معصبة لأنها شفافة ما تقدر
تنافق لو شنو صار : مفاز
مفاز لفت عليه : نعم
خالد : شفيچ معصبة ؟؟
مفاز : مو معصبة
خالد : چذابه ..
مفاز : إيه چذابه كيفي
خالد ضحك على عنادها : كيفچ بس بعرف
مفاز : أكيد كيفي ..
خالد : و الله إنچ مزاجية
توچ تضحكين والحين
معصبة
مفاز فتحت الدرج إلي جدامها تدور شريط
و شافت شريط مو مكتوب عليه شي :
شنو هذا ؟؟
خالد سحبه منها : ما لچ شغل
مفاز سحبته منه وشغلته
خالد يا بـ يطلعه بس سكت
يوم اشتغل
انا الغريب انا الغريب انا الذي دمعي سكيب
انا المولع بالغرام يا عزوتي منهو يجيب
اهيم و الذكرى عذاب و ضاع الامل و اصبح سراب
خذ مني وقت الشباب و شيبت انا قبل المشيب
وفيت خلي ماوفى صفيت و لكن ما صفى
ناس سعونا بالخفا و اصبح عالفرقا غصيب
شفته و عيني دمعت ونار الوفى ولعت
ودعوا روحي وودعت وقال الهوى قسمة و نصيب

خالد استوعب إن مفاز تسمع
طلعه بسرعة : مره ثانية لا قلت لچ مالچ شغل
يعني مالچ شغل فاهمة
مفاز : تصدق صوتك حلو ما شاء الله
خالد ابتسم : أنتي الأحلى
مفاز : أدري
وصلوا لكلية الطب
خالد : يالله نزلي
بـ نروح للشلة
مفاز : أوكي
قبل ما يصلون للشلة
خالد شاف بنت شكلها يديده و
مفاز ما انصدمت توقعت إنه مغازلچي
درجة أولى
وراحوا للشله 5 شباب
و بنتين
مفاز : شلتكم فيها بنات ؟؟
خالد : إيه عادي
مفاز : عادي ؟؟؟
في ناس بالكويت چذي تفكيرهم ..
وحده من البنات أشرت لهم : خلوود
تعال حبيبي
خالد ابتسم : عيوني أنتي
يايچ
مفاز علامة تعجب كبيره على راسها !
خالد مسك ايدها وسحبها : يالله بسرعة
مفاز بهمس : هد إيدي
خالد : لا تخافين مو ميت عليچ
ومشوا .
مفاز سحبت إيدها : روح لربعك و آنا بروح أتمشى
خالد : وين ؟؟
مفاز : مو شغلك
خالد سحبها وراحوا للشلة : هاي شباب
البنت الثانية : و احنا ملنا رب بس الشباب
مفاز منزله راسها ..
خالد : ولا يهمچ هاي بنوتات
البنتين : هاي
خالد : شلونكم ؟؟
البنت إلي أشرت له : بخير بشوفتك
واحد من الشباب اسمه جاسم : من هذي ؟؟
تذكرت هذي بنت خالتك إلي قالت عنها أمون
خالد : هذي مفاز بنت خالتي
مفو هذي حلا الشلة أمونتي
جاسم بنظرة مكر : اسمها أماني
خالد بنظرة تحدي : مو شغلك
و هذي وردة الشلة منى
و هذيلا أحمد وحمد توأم
وهذا ملقوف الشلة جسوم
وهذا عبقري الشلة طارق
وهذا ضحكة الشلة ياسر
مفاز منزله راسها ما تحب تكون كل الأنظار عليها
وقالت بابتسامة حياء : تشرفت
ياسر : حياتي مستحيه ؟؟
مفاز رفعت راسها و عطته نظرة شنو حياتي : نعم ؟؟
ياسر بهمس لخالد : بنت خالتك تخوف
خالد : ههههههههههههههه
أماني : شـ عندكم ؟؟؟
ياسر : مو شغلچ ؟؟
أماني : ما كلمتك ..
كلمت خلودي
حمد : أعصابچ
أحمد : ياختي تعلمي الحياء ” وأشر على مفاز”
طارق بابتسامة تريح : ترى بتبدأ المحاظرة
أنا رايح “وراح”
ياسر : ربي يحفظك أنا ما راح أدخل اليوم
منى : وليش إن شاء الله
خالد : حتى أنا ..
حمد : طروق انطرني
“وراح “
أحمد : بروح معاكم
وراح
جاسم : ميمي أمشي للكلاس
منى : أوكي
وراحوا
مفاز سحبت خالد من كمه
خالد : نعم
مفاز بهمس : تعال شوي
أماني مسك إيده : وين ؟؟
خالد نزل لمستوى مفاز : نعم
مفاز تشاوره : بروح أتمشى
ما ييت عشان أقعد هني
خالد : كيفچ حياتي
مفاز بعصبية : شنو حياتي ؟؟
ياسر : ههههههههههههههه
الحين طلع صوتچ
أماني بغيرة : چم عمرچ ؟؟
مفاز : خالد أنا رايحه
وراحت .
أماني : أفف تلوع الچبد
خالد بنظرة : نعم ؟؟
أماني : سوري أدري أنها بنت خالتك وما ترضى عليها
بس وجهة نظر ..
خالد : ما علينا
المهم شلونچ ؟؟
ياسر راح وراء مفاز
مفاز تتحلطم : وع أرف
ناس ما عندهم حياء
معقولة في بنات چذي ..
ياسر سمعها و ضحك
لفت عليه : خير ؟؟
ياسر : أمشي أمشيچ بالكلية
مفاز : لا عادي أدل
ياسر : قد يتي من قبل
مفاز : لا أصلا توني يايه من ألمانيا
ياسر بصدمة : كنتي بألمانيا ؟؟
مفاز : إيه
ياسر : و مو عاجبينچ البنات إلي بالكلية
مفاز : إيه
ياسر : ليش شـ الفرق بين إلي هني
وإلي هناك
مفاز : إلي هناك أتوقع منهم أي شي
لأنهم بلا رقيب وبدولة مو مسلمة
ولا عربية ولا فيها عادات و تقاليد
بس هني بدولة مسلمة عربية
و عاداتها وتقاليدها و مبادئها وايد
و غير چذي أهلهم معاهم
مدري وين أهلهم عنهم …
دخلوا لـ الكفتيريا و خذوا كوفي وطلعوا
قعدوا بكراسي
ياسر : تفضلي
مفاز تشوف الكرت إلي بايده : شنو هذا ؟؟
ياسر : رقمي ما يخالف نصير ربع
مفاز ضحكت و قامت :
ما تعرف تغازل
ياسر انصدم : شنو ؟؟
مفاز : قول لـ خالد يعلمك
ياسر : شـ معنى يعني خالد ؟؟
مفاز بـ غشمره : لأن أسلوبه أحلى بالمغازل
ياسر مو مصدق إن هذي إلي قبل شوي مستحيه :
هي لا تقولين ولد خالتچ يغازل جدامچ
مفاز بقهر : ههه إيه لأنه حـمـ..
اليوم و احنا داخلين للكلية
شاف بنت شكلها ضايعه المسكينة
قام و ودها لوين ما تبي وقال لها
إذا بغيتي شي أنا موجود وعاطها رقمه
وأنت بـ الويه نصير ربع
على العموم خذ كرتك أحسن لك
ياسر : متأكدة ؟؟
مفاز بعصبية : إيه خذه أحسن لك
ياسر سحب الكرت بسرعة : إن شاء الله
طال عمرچ
مفاز : بروح البيت
ياسر : أوصلچ
مفاز : وصلني لخالد
ياسر مسك إيدها : يالله
مفاز تتكلم و هي مصكرة أسنانها : هد ايدي
يا قليل الأدب
ياسر هد ايدها : سوري نسيت
و وداها لخالد بس بوقت غلط
بنسبه لمفاز فخالد و أماني طاحوا من عينها
مفاز وقفت مصدومة
ولفت تمسح دموعها
مات الحياء في قلوب الناس ولا شنو ؟؟
ياسر لا مو وقته خالد بنت خالتك معاي
و شكلها وايد تنقد
ياسر لف على مفاز لقاها مو موجودة
راح يدورها شافها قاعدة تمشي ومنزلة
راسها و منصدمه
ياسر : ما لومها أكيد انصدمت بولد خالتها
لأن توها ناقده على الناس ومو داريه عن ولد خالتها
مفااز
مفاز لفت عليه : ياسر
ممكن توصلني ؟؟
ياسر : أوكي
وركبوا السيارة
ياسر : دقي على خالد قولي له
مفاز بقهر : ياكل تراب ما دق عليه
لأنه مشغول حدده
“مسحت دموعها “
ياسر كسرت خاطرة : ما عليچ منه
المفروض ما تنزل دموعچ على أي شي
مفاز تحاول توقف دموعها : ما علي منه
بس مصدومة فيه
لا مو فيه آنا مصدومة
وين راح الحيا
ناس ما عندهم لا حياء ولا مستحى
حاط إيده على ﭼتفها جدام الله وخلقه
ﭼنها واحد من الشباب
ما بقى إلا يناديها بو فلان
وهي استغفر الله تضحك
إذا مو مستحين من ربكم
أعوذ بالله
استحوا من الناس شـ بتقول
عن أمكم وأبوكم المساكين إلي ربوكم
استغفر الله
ناس مخليه ربها أهون من يشوفها
“وردت تبچي”
ياسر ساكت هو عادي عنده يسوي أي شي
لأن ما يدري شـ بـ يقولون عن أهله الناس
بس الحين درى و حس بتأنيب الضمير
أمه ربته وهو يضيع تربيتها له بلحظة
مفاز لفت عليه : أنتو الشباب غريبين
في الخير والشر نفس بعض
كلكم نفس الشي ما فيكم صاحي
إلا قليل ..
ياسر ابتسم بإحراج و رقع السالفه :
وين بيتكم ؟؟
مفاز : تدل بيت خالد
ياسر : إيه
مفاز : ودني هناك
ياسر : بس أكيد ما فيه أحد
لأن خالتچ ولدت
مفاز ضحكت : مو خالتي أمي
ياسر : نعم ؟؟؟
مفاز : آنا بنت مرة أبو خالد فهمت ؟؟
ما توقع
ياسر : شـ قصدچ ؟؟
ما تتوقعين لا توقعي
لأني ما دخلت طب عبط
مفاز : واضح لأن توك طالع من المحاضرة
ياسر : ههههههههههههههه
يا حظك يا خالد عندك وحده برئيه
تونس بالبيت مو أختي ذيبه مو بنت
مفاز : ههه حرام عليك ..
ياسر : ههه
دق تلفون ياسر : ألو هلا بـ الغالين
إلي لنا ناسين
احنا عليهم ولهانين
وهم عن هوا دارنا مو دارين
: ههه هلا فيك
والله إنك على البال بس
الدنيا مشاغل
ياسر : أدري إني على البال
“لف على مفاز و ضحك على شكلها
ﭼنها تقول ناس ما تفهم “
المهم شلونك يا بو يوسف ؟؟ شلون هلك ؟؟
يعقوب : بخير الحمدلله ما نشكي باس
وأنت شلونك ؟؟
ياسر بعبط : آآهـ
يعقوب : سلامات
ياسر : بس هذا إلي قدرت عليه
غن لي و سلمتها أم حسن
من العين و الحسد
سلمتها سلمـتها
يعقوب : ههههههههههههههه
والله أنك مو صاحي
ياسر : لا تلومني
يعقوب : ليش من عندك ؟؟
ياسر وصل لبيت خالد : دقايق يعقوب
مفاز بهمس : مشكور ما قصرت
ياسر : حياچ الله كل يوم تعالي
إذا احتجتني “مد لها الكرت “
مفاز بنظرة عصبية : مادري ليش مصر
ياسر حطه بجنطتها : يمكن تحتاجيني
مفاز تأففت : باي
ياسر : باي
ورد يكلم يعقوب : ألو
يعقوب : لا زين تذكرت إني معاك عـ الخط
ياسر : خخخ يعني ما رد عليها
يعقوب : منو ؟؟
ياسر : آآهـ يا قلبي وحدة
بعد منو بتكون ؟؟
يعقوب : أنت وراك بلا
أقول تعال عندي آنا و يسوف
ياسر : ليش ما قلتو لي إنكم ما راح تحظرون اليوم
و مخليني بروحي
يعقوب : لا واضح بروحك ..
ياسر : دقايق و يايكم ..
يعقوب : حياك ..

)()()()()()()()()()()()(

ودعـــــــت جرحك للأبد
مالك غلا عندي ابد
مرة تجي ومرة تصد
حيرتني روح اتبعد
راح اعتبر حبك سراب
وارتاح من هذا العـــــذاب

نواره : فهوده
فهده لفت : لبيه كم النتيجة ؟؟؟
نواره : بـ نروح الحين نشوف
فهده : مع منو ؟؟
نواره : مدري شوفي ريوم إذا بـ تروح
نروح معاها
فهده دقت على ريم : ألو ريوم
حبيبتي بـ تروحين نطلع النتايج
إذا بتروحين مريني بروح معك
فيصل : فوفو ركزي و أنتي تدقين
أنتي داقه علي
مو ريم
فهده نصبغ ويها أحمررر : سـ سوري
ههه من التوتر ما لاحظت
فيصل : لا تخافين الأولى
فهده : ههههه ما توقع
باي
فيصل : الحين بتمر عليك
موفقة يـ الغالية
فهده : تسلم
وصكت الخط
فهده : واخزياه
نواره : من ؟؟
فهده : الريم
نواره : صدقت المهم
بـ تروح ولا ؟؟
فهده : يالله بنروح
و مرتهم ريم و فيصل و راحوا
يشوفون النتايج فيصل قطعهم وراح
يتمشى قال لهم لا خلصوا يدقون عليه
فهده شافت اسمها و طاحت على ركبتها و مو حاسه
باللي حولها
نواره : وااااااااااااااااااااااااو 88 والله 88
ريم لفت على فهده : أختك
نواره شافت اسم فهده وشهقت : فوووفووو
و طقتها طراق
فهده وعت : شنووو؟؟
نواره باستها حيل من الفرحة : مبروووووووووك
فهده تبچي : الأولى و قسم بالله الأولى
ريم تصارخ من الفرحه : إمتيااااااااز
فهده لمتها : آآهـ أخيرا بعد هـ التعب تخرجت بنسبة
ترفع الراس
ريم : مبروك نواره مبروك فهده
نواره : الله يبارك فيك .. مبروك
ريم : الله يبارك فيك ..
فهده مو مصدقة و ساكته بس تبچي
ريم دقت على فيصل وياهم ..
فيصل بعد ما ركبوا : هاه بشروا
ريم : خذيت امتياز و أطالبك بهدية
فيصل بفرحة : جد والله مبروك
و أنتي نواره ؟؟
نواره : ما صدق خذت 88
ترى أنا نفس أختك يعني
أطالبك بهدية
فيصل : ههههه مبروك
فهوده مبروك الأولى على دفعتك من قدك
هذي الناس إلي المفروض تطالب بهدايا
مو أنتو
نواره : يا سلام
ريم : شـ دراك إنها الأولى
فيصل : شفت نتيجتها اليوم بـ النت
نواره : ناس و ناس
ريم لفت على فهده : شفيك ؟؟
فهده بهمس و علامة استفهام في عيونها وصوتها
صوت الشخص إلي ما وده يقولون له
أنت تتحلم : مو مصدقة
الكل : هههههههههههههههههههههههههه
نواره حطت إيدها على چتف فهده : لا صدقي
أنتي ولا فخر الأولى علينا كلنا
حتى فيصل من شكله أدري أنه
كان متنح بالدراسة
فيصل : لا والله
نواره : لا تنكر أذكر كان ريان يدرسك
و بعدين إثنينك ترسبون بالاختبار
فيصل : بلا فضايح
نواره : هههههه و أذكر يوم
فيصل : خلاص يا بنت أدري
أنك تذكرين بس أسكتي
ريم : تذكـــرت توقعوا
منو اليوم بـ يجي لنا
نواره : ناس يخطبونك ؟؟
إذا خطبوك أرفضي
وش تبغين بالزواج
والتعب
فيصل : هههههه
ريم : مالت عليك
فهده : لا ما عليك منها وافقي
الزواج نعمة دلع و راحة ..
فيصل هني مات من ضحك شكلهم نسوا نفسهم
نواره : قلت لا توافقين
فهده بعناد : وافقي
نواره بنظرة تحدي : لا توافقين
فهده : وافقي
نواره : لا
فهده : بلى
نواره : لا
فهده : بلى
فيصل : بس أنتي وياها
لا أنزلكم بالشارع
نواره : أتحداك تنزل فهده
فيصل ضحك : شـ معنى ؟؟
نواره : لا بس كذا
تذكرت قبل ما كنت ترضى عليها
وكلا تغار من طلال
ههه يحليلكم كنتو إبداع
فيصل : كم مره قلت لك
تذكرين اسكتي
نواره : هههههه ليش أحرجتك ؟؟
ريم : ضيعتو سالفتي
فهده : إيه مين إلي بيجي ؟؟
ريم : توقعي ؟؟
فهده : أختك بتزوركم من البحرين “ريلها بحريني”
ريم : لا
فيصل : لا تطولينها وهي قصيرة
سامي بيجي
نواره : يحليله .. والله اشتقت
لأحد يستعبط معي ..
فيصل : ههههه شكلنا موب ماليين عينك
نواره : محد منكم يملا عيني
كثر ما يملاها سامي
فهده : يووه من جاب طاري سامي
الحين بتقعد تمدح فيه وتنسانا
نواره : كيفي أمدح أخوي
ريم : حتى أنا أخوي بس
ما امدحه كثرك
نواره : مشكلتك ..
>>||نواره و سامي أخوان بالرضاعة راضعين من مرة وحدة
يعني نواره أخت سامي بس مو أخت فيصل و ريم .. ||<<
وصلوا للبيت
ولا طلال عند الباب
أول ما نزلوا
فهده مسكت ريم : شـ يبغى ؟؟
ريم : كأنك ما شفتيه زين
فهده تمسح دموعها
كان فيه شخصين عيونهم عليها
و دمعتها عورت قلوبهم
طلال كانت عينه على فهده ويا صوبه : أوه أنتو هني
نواره : لا هناك
طلال : بشروا كيف النتايج ؟؟
فهده راحت داخل من غير ولا كلمة
لفوا عليها إثنينهم كل واحد
فيهم يحاتيها أكثر من الثاني
وليش قاعدة تبچي ..
فيصل لف على الريم : مشينا ؟؟
ريم بهدوء : يالله
فيصل فتح باب البيت : شفيها فوفو ؟؟
ريم : طلال “سكتت” ولا شي ..
ليش تسأل ؟؟
فيصل بقهر : و لا شي

&

دخلت للبيت
ركضت فوق لغرفتها
صكت الباب و بچت
بطلت درجها و طلعت مذكرتها وشقتها
: أمنتك الله يا زمان فات
أمنتك الله يا حبي إلي مات
أمنتك الله ربي يبعد عن دربك الآهات
أمنتك الله ربي يرسم على وجهك البسمات
ودعتك الله وودعت معك الدمعات
>>||بقلمي||<<
فهده مسحت دموعها : ودعتك الله يا طلال
لا ودعتك الله يا حبي المقتول
ربي يعوضني بغيرك
ولا يربط مصيري في مصيرك

)()()()()()()()()()()()()(

^^ابتسمت فوجدت دنياي قد ابتسمت ^^

فواز دخل البيت : شهووووود
عنووووووووووود
شهد و العنود ركضوا له : نعم
فواز : مبروك النسب إلي ترفع الراس
شهد لمت العنود : أخيرا
العنود : كم ؟؟
فواز : ماراح أقول
العنود : يالله عاد
قول
شهد : ما عليك منه المهم
أنها زينه خلاص
العنود : أبغى أعرف كم ؟؟
فواز : لا
يالله ألبسوا بطلعكم ..
شهد : جد والله
يالله ..
وسحبت العنود وبدلوا وطلعوا

)()()()()()()()()()(

^^أمانه لا تخليني إذا نفسك تبي فرقاي^^

سامي راح يسلم عليها لأن بعد دقايق بيسافر :
نجود أمنتك الله .. أنا الحين راجع للسعودية
نجود سوت إلي ما توقعت لا هي ولا سامي توقع
إنها تسويه
سامي : نجود !!