عالم البنات النسائي كل ما يخص المرأة العربية من ازياء وجمال والحياة الزوجية والمطبخ
هاي فروشات؟؟؟
أنا حبيت اجرب نفسي في مجال الكتابه او بالاصح الروايات , حبيت أعتبرها كمغامرة صغيره حبيت أخوضها واسبح في عالم القصص والروايات وأكتشفه أكثر…
ألفت قصة عن مغامرات بنات في أخر سنة من الثانوي وهي قصة ممتعة بمعنى الكلمة يختلط فيها الخيال بالواقع …
لأني لاحظت ان اغلب الروايات المكتوبه متشابهه من ناحية محور الرواية فحبيت إني اطرح رواية مختلفة شووووي عن البقية ولو كانت بقدر بسيط…
أوكيه مستعدين؟؟؟
بس قبل أي شئ .. اذا شفتوا كلام بين قوسين بجنبه نجمتين يعني كذا((** __________)) ..معناه ان هذا تعليقي على الموقف..اوكيه…
وبعد شئ ثاني:انا حطيت البارت الاول مكون من 23 صفحه…((**اذا حطيتوه بالوورد)).. وحطيت العدد كبير من الصفحات عشان تعرفون طريقتي بالكتابة .. وكيف اعبر عن الموقف ..
قراءة مسلية…
نبدأء:
أولاً بنتعرف مع بعض على الشخصيات..عشان تكوووون عندكم خلفية:
قصتنا تدور عن 6 بنات في أخر سنة في الثانوي , وهم صديقات واجد مع بعض وعلاقتهم مع بعض من الصف الثاني الابتدائي, جمعت بينهم الحب والصداقه اللي ممكن تقولون انها نادره بهالوقت , يشاركون بعض الهموم والافراح والاحزان وكل شئ, لدرجة انهم صاروا خوات بل اكثر من خوات.. علاقة لو كانت بين كل شخص واخر لاصبح العالم بخير .. علاقة تكون بأحلى وقت (( صداقة ببراءه)) لانهم تعرفوا على بعض في وقت الطفوله الوقت اللي ما يهمه الطفل المظهر ولا المصلحه ولا الفلوس أنما قلب هالانسان وصفاته ومظهره الداخلي …
أولا:
غاده: غاده دلعها دودو…
وعمرها :18 سنة – ثالث ثانوي –
غاده شخصية حبوبه وتدخل القلب بسرعه واول ما يجلس الواحد معها يحس إنه يعرفها من سنين من طيبتها وحنيتها لكنها متكبره بس مو لذيك الدرجة((مو بيدها)) لانها متعوده كذا بالبيت اكبر وحده ودلوعه.. وابوها غني واقل ما يقال عنه ملياردير ولو طلبت منه لبن العصفور جابه لعيونها , غاده طووويله وشعرها اسووود وعيونها تذبح الواحد من زينها… فيها شبه كبير من -اشلي سيمبسون- الممثله الاميركيه وهالممثله هي اللي تلقونها بتواقيع العضوات واجد ((**اللي ما يعوفون الممثلة هذي صورتها)):
هذي هي الممثلة اللي تشبهها غاده…
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _
سارة: ودلعها سوسو
وعمرها:18 سنة – ثالث ثانوي –
سارة وحدهـ عن 10000,000 رجال..مع ان اسمها مو لايق مع شخصيتها, وشلتها مسمينها ((الدووبا)) لانها دوبا بس مو ذيك السمنه اللي تذبح ((ملايانه))يعني , وهي مو زعلانه بالعكس عادي عندها لانهم صديقاتها ولو سبوها بكل سب العالم كله.. عاادي…لكن لو جتها وحده من بنات المدرسة وقالت لها ((دبا))!!!..هنا البنت اللي قالت عن سارة دبا يكون احسن لو تشهد لانها بتمووت من الضرب , وسارة وحده تحب الهوشات موووت, وراعية فزعات ونخوات يعني وحده شهمه , شلتها معتمدين عليها وقت الهوشات او اي شئ يحتاج للقوة, وإبعاد المعجبات عن صديقاتها وخاصة صديقتها((شوق))((**راح نتعرف على شوق بعد شوي)) ..سارة مو حلوه واجد بس مملوحه واللي مخرب عليها سمنتها وهي بطريقها لتنقيص وزنها لانه متعقده من السمنه بس مو واجد معقدتها…
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _
هند:هند دلعها هنوده..
وعمرها:18 سنة- ثالث ثانوي –
هند وحده إنطوائيه وهي اهدأ وحده في الشلة وما تحب تسولف واجد يعني بمعنى اصح ((غامضة)) , لكنها حبوبه وشلتها عارفة انها حبوبه , بس باقي بنات المدرسة يكروهونها لانهم ما يعرفون عنها ولا شئ كأنها جاية من المريخ!! وهند يوم كانت صغيرة تعذبت عذاب حتى الكبير ما يتحمله وشلون وهي يوم كانت صغيرهـ .. ابوها وأمها أحياء بس ما تعرف عنهم أي شئ ((** بعدين بتلتقيهم فتابعوا القصة عدل)) , وبعدها راحت وسكنت عند بيت عمها((وعمها هذا يعرف وين امها وبوها بس ما يبي يعلمها وبعدين بنعرف ليه؟؟)) اللي ما يهمه غير الفلوس ولو باع هند عشان الفلوس باعها , لانه ما يهتم لامرها ,.. شافت جريمة قتل لما كانت صغيرة في عمر الزهور قدام عيونها!!!((مذبح زوجة عمها على يد عمها))((**بعدين نعرف قصة مقتل زوجة عمها وليش العم ما انسجن)) محد كان واقف معها وقت طفولتها لان مثل ما قلنا العم لاهي من بنك لثاني حتى انه ما يشوف هند الا مرة بالشهر!!! ,و ما عنده وقت لها مع انها الوحيده من أخو عمها.. كانت تقوم بالصباح للمدرسة وهي صغيرة((بصف اول)) ترتبها الخادمه, اللي ما لها صلة قرابة نهائيا بهند .. هند ما تعرف معنى الاب ولا الام وتتمنى ان تعرف معنى هالكلام زين وودها تعرف عن هذي المراءه اللي يقولون عنها الام واللي الجنة تحت قدمها, هند كانت يوم كانت صغيره كانت إمراءه متنكره بقناع الطفوله علامات الطفوله وهي صغيره إنمسحت عن وجهها وذبلت ونبتت غيرها علامات عجوز بالستين من عمرها من شدة الالم والتعب اللي عانته بوقت طفولتها , هند مملوحه واجد ووجهها يقطر ملح.. وهي طولها عادي وشعرها قصير شوي ..
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _
نوف: نوف دلعها نونو
عمرها: 18 سنة – ثالث ثانوي –
نوف وحده رزينه و مثقفه حدها وعصبية شوي , تفكيرها عاقل جدا جدا , وهي وحده مقدرة معنى ان الوحده بأخر سنة بالثانويه فلازم تشد حيلها عكس باقي شلتها, هي كان ودها تدخل علمي بس صديقاتها كلهم بيدخلون الادبي فإنجبرت انها تدخل ادبي ومستحيل تترك صديقاتها , نوف ما تحب المزح نهائيا .. باقي الشلة ما خذين تحدي على نفسهم إنهم يغيرونها ويخلونها وحده مررررررحه .. هم مستانسين أن وحده منهم شاطره عشان لو ما فهموا شئ او اذا هربوا من الحصة تشرح لهم.. وهي طبعا مو كل وقت توافق..نوف مثل الباقي من شلتها حبوبه , نوف كشخه , مو شرط انها شاطرة معناها لازم ما تهتم باناقتها بالعكس هي وحده انيقه ,
نوف هي الام بالنسبة للشلة الفله… نوف وحده طولها عادي ((يعني طول وحده بثالث ثانوي)) وبياضها يذبح – سنو وايت – الا ابيض من- سنو وايت – ((بياض الثلج)) وشعرها طووووووووويل واجد , وعيونها كبيرة ووسيعه وشفايفها تجنن ((يعني كلها على بعضها تجنن))..
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _
شوق: شوق دلعها شوشو
عمرها: 17 سنة _ ثالث ثانوي –
شوق اصغر وحده بالشلة وهي دخلت المدرسة مقدمه وعمرها 5 سنوات, دلووووووووعه واجد , تجيب أخبار الفن أول بأول , وتتابع الماركات وما تشتري إلا منهم .. ((**وأكيد اذا هذي صفاتها لازم تكون خوافه)) وهي خوافه حدها..أمها فاتحه مشغل ناجح واجد .. وهي احيانا في ايام الاجازة تروح للمشغل ..تروح عن نفسها, المعجبات بالمدرسة ينكبوون عليها بالهبل.. كل يوم وحده .. وهي طبعا الله يخلي صديقتها سارة الشرانيه تأكل كل وحده جايه عند شوق أو باقي الشلة .. طبعا هذا بأمر من شوق وباقي الشلة لانهم يكرهون هالحركات.. شوق تشبه غاده شوووي ..طويله وشعرها طوله لحد نص ظهرها .. وعيونها حلوووه مع انهم صغار وهي تجنن وحلوه…
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _
مها: مها دلعها مهوووي
مها: 18 سنة – ثالث ثانوي –
مها شخصية رجه , هبله , خبله , كل شئ يضحك فيها .. وهي معطيه الشلة جوو حلو .. ومها فرفوشة تحب تفرفش واذا شافت وحده من صديقاتها متضايقة لازم تضحكها وترسم البسمة على وجه كل صديقاتها .. وهي تترأس الشلة بفكرتهم الجديده (( أنهم يخلون نوف مرحه وتحب تمزح وتترك عصبيتها)).. مها تخترع وتكتشف نكت جديده كل يوم .. وهي بعد معطيه جو بالبيت .. مواقفها تفطس من الضحك وهي عاشت 4 سنين في لندن .. راحت لها مع أمها وابوها وهي عمرها ((9 شهور)) ورجعت وعمرها 4 سنين و 9 شهور .. وهذا ولد عندها حب للأجانب وعطاها دافع للغة الانجليزيه .. وتحب تفكيرهم .. بس مو بكل شئ يعني الصح يعجبها فيهم اما الاشياء الغلط اللي يسونها فأكيد أنها ما تقلدها فيهم…
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _
الاحد: بكرى أول يوم بالمدرسة بالنسبة للثانويه في قطر
الساعة:2 الظهر
المكان: بيت شوق
كان الجو في الخارج ممطر .. وشوق ناويه تطلع للسوق عشان تشتري إكسسوارات للمدرسة وتطلع ملابس المدرسة من الخياط وتشتري جاكيتات كشخه للبرد…
أم شوق وهي تشتغل مع الخدامه تصلح الغداء في المطبخ: شوشو حبيبتي ما راح تروحين معي للمشغل اليوم؟؟
شوق كانت تشوف التلفزيون : يمه إنتي نسيتي… إنتي راح تروحين معي للسوق عشان اطلع ملابسي من الخياط واتقضى للمدرسة!!
أم شوق: أوووه !! نسيت يا عمري إنتي.. بس انا راح تجيني زبونه مهمة اليوم عشـ
شوق قطعت كلام أمها: لا..لا يمه عاادي روحي للمشغل اهم شئ رضاج يالغاليه.. كم ام شوق عندي انا؟؟؟…
أم شوق: يا قلب ام شوق إنتي …وإنتي شلون بتروحين للسوق؟؟؟
شوق: أمممم؟؟؟ ما ادري؟ الا يمه إنتي بتروحين مع ابوي؟
أم شوق: حبيبتي شوشو نسيتي أبوج مسافر للامارات عنده دوره من الشغل!!
شوق: متى ؟؟؟…. محد خبرني!!!
أم شوق: ما خبرج أخوج فهد؟؟ لاني قلت له يخبرج؟؟؟
شوق: لا … ايا النذل يا فهيدانوه ما خبرني… يشوف شغله معي بعدين…
شوق: طيب يمه إنتي شلون تروحين للمشغل؟؟ مع السواق؟؟
أم شوق: أيه … لحظة لقيتها لقيتها .. أنزلج بالسوق مع السواق وبعدها اروح للمشغل…
شوق: ايه والله فكره…متى تطلعين يمه؟؟
أم شوق: بعد شوي..
شوق: لا ..انا ما ابي اروح اللحين لاني متواعده مع غاده إن الساعة 5 نلتقي في الستي سنتر!!!
أم شوق: زين روحي مع السواق..
شوق: لا مستحيل اروح مع السواق لحالي… أقول يمه شرايج اروح مع غاده لانها بتروح مع السواق واروح انا معها فنكون ثنتين…
أم شوق: ايه… قولي كذا من زمان.. إنج بتروحين مع غاده …
شوق: هههههه شسوي كشفتيني…
أم شوق: ههه لاني اعرفج عدل وانا امج… اول عادي تروحين مع السواق لكن اللحين سبحان الله نزل عليج الوحي ههه
شوق وهي تناظر امها بعيون بريئه: هاه وش قلتي ؟؟ بليز وافقي يالغاليه بليز…
أم شوق: أوكيه… بس تنـ
شوق قطعت كلام أمها وهي تنط فرحانه ومتحمسه لان هذي اول مره امها تسمح لها تطلع مع وحده من صديقاتها: YES
أم شوق لفت بوجهها للجهة الثانية عن شوق وهي مبتسمة: لا خلاص ما فيه روحه…
شوق وقفت عن التنطيط وهي منصدمه:ليه يالغاليه؟؟؟
أم شوق: كم مره اقول لج لا تقطعين كلامي هاه؟؟!!!
شوق: يمه والله غصبن عني والله , يله كملي كلامج يالغاليه …
أم شوق: أوكيه…وين كنت؟؟؟ايه تذكرت ,, تروحين مع غاده بس بشرط هو إنج ما تروحين للمجمعات…
شوق وهي مصدومه وفاتحه عيونها على الاخر وتشوف امها: مامي إنتي تعرفين إني ما أشتري الا من الماركات .. والماركات في المجمعات … يعني وين تبيني اروح ..اروح لسوق شعبي ولا سوق واقف ((**واقف سوق شعبي معروف في قطر من زمان)) ولا بسطه على الشارع!!!
أم شوق: لا والله يعني تبين تروحين للمجمعات وهالاماكن اللي ما فيها الا الخراب…
شوق: يمه مو اول مره اروح لمجمع ..انا كل مره اروح لمجمع..!!!
أم شوق: ايوه حبيبتي .. مو اول مره .. انتي تروحين للمجمعات لما تكونين مع ابوج ولا معي ولا مع اخوج بس!!!
شوق: زين معاي دودو((غاده))…
أم شوق وهي متنرفزه: وغاده محرم لج ان شاء الله!! غاده لا حول لها ولا قوة مثلج…
شوق ما حبت تناقش امها واجد وقالت لها وهي مبين على صوتها الزعل: إن شاء الله مامي.. بروح على اقرب بسطه على الشارع ولا سوق واقف .. واشتري للمدرسة مناك إرتحتي…
أم شوق: ايه ..هذي شوووق بنيتي..
مشت ام شوق وقربت عند بنتها شوق ومسكتها من عند كتوفها وقالت لها: حبيبتي شوق الانسان لازم يقارن نفسه مع غيره..بس ما يقارن نفسه باللي هم أعلى منه مرتبة من ناحية الجمال والشكل …لا … لازم يقارن نفسه مع إخوانه المساكين اللي في فلسطين والعراق وغيرهم..يشوف هو يأكل وهو يشرب .. وغيره محرومين من نقطة الماي…حبيبتي انا اسوي كذا لمصلحتج…
شوق ومنزله راسها للارض: حاضر يالغاليه…
أم شوق باست جبهة بنتها وطلعت لغرفتها فوق…
شوق خذت جوالها تتصل على غاده…
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _
الساعة 3 العصر…
المكان:بيت غاده…
غاده نايمه بفراشها .. من امس سهرانه متعوده على اجازة الصيف المسكينه ما تدري ان الاجازه قربت تنتهي ولازم تتعود على المدرسة…
جوالها يدق: ((إنت منت انسان اكثر ..قلبي مو من قلبك اصغر..مثل ما تشعر تاكد اني اشعر.. فيني منك فيك مني غصب عنك غصب عني…الخ))لعبدالمجيد عبدالله
غاده مدت يدها على الكوميدينوا اللي بجنب سريرها وردت ومبين على صوتها النوم: الو…
شوق: ووجع نايمه للحين!!!
غاده: خلصينا .. ولو انه المفروض تقولين صباح الخير …
شوق: أي صباح الخير .. الا عصر الخير وانتي الصادقه…
غاده قالت بسرعه: اوووه!!! شوشو كم الساعة اللحين؟؟
شوق بإستعباط وعصبيه: لا لا نامي براحتج تو الناس الساعة 6 الصبح…
وسكرت الجوال بوجه غاده…
غاده وهي تشوف جوالها: افااا شواقي تسكر بوجهي!!!
غاده تصوت على مورجانا ((**مورجانا خدامة البيت ))
غاده تصرررخ: موووورجااااااناااا
مورجانا تفتح الباب بسرعه: نأام مدام شنو يبي((نعم مدام شنو تبين))
غاده: كم الساعه؟؟
مورجانا: اللهين السااه تلاته هوكوم((اللحين الساعه ثلاث حكم))
غاده:خلاص طسي عن وجهي…
وقامت تبدل ملابسها …
غاده بيتهم قصررر…
لان ابوها ملياردير…
وبعدها دقت على شوق:الو شواقي…
شوق ببرود: نعم … ليه ما كملتي نومتج؟؟؟((**شوق كذا لانها دلوعه))
غاده: هاه قلتي لامج تروحين معاي؟؟
شوق ببرود: ايه قلت لها و وافقت… وقالت نروح على سوق(( واقف)) ولا اقرب بسطه على البيت…
غاده: هههههههه حلوووه إمج صايره مثل مها تنكت يا حليلها
شوق بجديه:انا اتكلم جد..
غاده مصدومه: لا حبيبتي انا ما لي دخل رايحه لستي سنتر لاني أبي اشياء مهمة هناك..واغراض ما القها عند سوق واقف ولا البسطات..!!!
شوق بهدوء: دودو حبيبتي .. انا اسفه, مولازم اروح معاج…خلاص لاني بكرى بغيب وما راح اداوم للمدرسة .. وبكرى اروح مع امي اشتري للمدرسة…
وسكرت الجوال بوجه غاده
غاده وهي تفكر وتقول بنفسها{ ما راح اخليها… حرام}
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _
الساعه 3 وربع العصر
المكان : السوق((الحياة بلازا))
مها تستعبط على الهندي اللي هي عنده: اندرو بوكتمن تهنم اتن مون ((تخربط من كيفها))
ام مها وهي تشوف تنوره حلوه وماسكتها وعيونها على التنوره بس سمعها على مها: مهاوي ووجع…
مها: يمه طفشانه خليني استهبل عليه
ام مها: يا الخايسه .. استحي على وجهج…
الهندي المسكين جالس ما يعرف ربه وين حاطه وجالس يطالع هالخبله اللي قدامه ومستغرب…
مها: عااادي هذا هندي ما يعرف ربه وين حاطه .. أشك انه إنسان شووفيه مشوه كانه مثل اللي في فلم الرعب اللي شفناه امس ههههههههههههه…((**الهندي فيه تشوهاات شوي))
{ مها قالت هالكلام وهي متأكده ان الهندي ما يعرف عربي لانه ما كلمها بالعربي كلمها بالانجليزي}
ام مها: إنقلعي للسياره انا جايتج اللحين يالخايسه…
مها وهي تناظر امها نظرات شيطانيه ومبتسمه: أوووكيه .. بس قبل أي شيء عطيني مفتاح السياره…
ام مها: شنو قالوا لج .. مدمغه أعطيج مفتاح السياره عشان تسوقينها…تراني اعرف حركاتج عدل..
مها بخيبة امل: افففف اوووكيه رايحه للسياره…
ام مها: مهاووي إحترمي نفسج ولا تتأففين…
مها بإستهبال وهي ثانية نفسها كأنها أمير : حاضر يا طويلة العمر تامرين شئ…
ام مها: تلايطي ((**تلايطي=إنقلعي))
مها طلعت برى المحل…
ام مها عطت الهندي التنوره وهي تطلع بوكها من شنطتها من دون لتشوفه لانها تطلع البوك وقالت:HOW MACH THESE PLEAS???((كم سعر هذي)؟؟
الهندي ما صدق على الله وتكلم بالعربي عشان يثبت انه سمع كلام مها عنه : هذي بـ 356 ريال قطري…
ام مها طاح وجهها من الفشيلة وانصدمت .. الهندي طلع يمني من لهجته .. يعني سمع كلام مها عنه!!!
اليمني برد حرته عرف ان ام مها درت انه يمني عشان تخانق بنتها وتربيها: يا عمة فين رحتي؟؟
ام مها كانها توها تصحى: هه ..لا ..لا معك .. كم قلت لي؟؟؟
اليمني:بـ356 ريال…
ام مها عطته الفلوس وطلعت برى وعلى طول للسيارة بتذبح اللي اسمها مها هذي…
ركبت السيارة وعلى ما سكرت الباب صرخت: مهاوي…
مها مو موجوده بالسيارة..!!!
ام مها: اففف من هالبنت مو كأنها مراءه بثالث ثانوي … الا كانها بزر عمره 3 سنين الاحقه من مكان لثاني وطلعت من السيارة معصبه.. وسكرت الباب بقوووة..
{ للمعلومية ام مها مو كبيره عمرها بالثلاثينات لانها تزوجت وهي صغيره}
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _
داخل المجمع…
مها جالسة بكوفي شوب وتشرب قهوة ومستنانسه…
بس أول ما شافت امها جاية لها ومعصبة انحاشت بسرعه وهي تركض .. وكل الشباب اللي بالكوفي شوب إستغربوا منها وهم يشوفونها وهي تركض منحاشة كانها شايفة وحش.. وكل واحد يشوف الثاني ويضحك…
ام مها بعد ما شافت ان الناس اللي بالكوفي يطالعونها كأنها وحش جاية معصبه.. إبتسمت وطلعت من الكوفي,, وارسلت مسج لجوال بنتها مها:(( ماسكتج .. ماسكتج يا مهاوي وانا وراج والدنيا طوويله..انا انتظرج بالسياره امشي بسرررررعه انتظرج))
مها اول ما شافت المسج ارسلت لامها مسج وقالت:((عشان ما تفشليني ولا تطرديني من المحل مره ثانيه , واذا قلت ابي مفتاح السياره تعطيني ياه …وانا بررروح للبيت مشى!!!))
ام مها تنتظر بالسيارة((ام مها هي اللي تسوق)) الا جاها المسج من مها وفتحته وقرت المسج , انصدمت الخايسه مها تسويها والله تروح للبيت مشي يا ربي وش اسوي معها!!!
أم مها وهي مبتسمة بسمة شيطانيه : اها لقيتها والله لاوريج يا مهاوي
الحلقه((2))
أم مها إتصلت على أخو مها اللي بثاني ثانوي ومها تخاف منه مع انه اصغر منها لكنه عصبي واجد…
ام مها: عبدالله تعال شوف إختك المجنونه هاذي منحاشه داخل الحياة بلازا ولا تبي تطلع منها تعال بسرررعة…
عبدالله اخو مها: يمه .. ما عليج انا جاي .. انتي بالحياة بلازا؟؟؟
ام مها: ايه .. يله تراها قالت بروح للبيت مشي… وتراها تسويها…
عبدالله معصب: انا اوريها الشغل يله انا بالطريق يمه عاد من سوء حظها اني قريب من الحياة بلازا…
وبعد كم من دقيقه الا فيه سيارة همر تضرب هرن ورا سيارة ام مها…((أم مها هي اللي تسوق السيارة))
ام مها عرفت انه عبدالله نزلت له…
عبدالله: هلا .. هلا .. بأم عبدالله..
ام مها: خلصنا يله ..انت توك شايفني الصبح…
عبدالله: اوكيه اللحين تجيج هالمها اللي مطلعه قرون البيت…
………………………………………….. ………………………………………….. ……………….
عبدالله دخل داخل المجمع ودار فيه ما لقها!!!
خاف… تذكر كلام أمه: ايه .. يله تراها قالت بروح للبيت مشي وتراها تسويها…
وقال بقلبه: لا لا ما تسويها هي صح ملقوفه ..لكنها خوافه…((يطمن قلبه))
تذكر إنه ما دور داخل المخازن الكبرى((الجمعية اللي داخل الحياة بلازا))
ودخل يدور .. إلا شاف مها تتشرى الشيخه!!!((**ما الومها وحده ملقوفه كانها بزر))
عبدالله راح من ورا مها وضربها بضربة خفيفة على كتفها
مها لفت على ورا.. إنصدمت!!!كأنها شايفه وحش
مها بإبتسامة خوف: اوووه ..هلا هلا عبودي شلونك .. وش جابك هنا؟؟
عبدالله بادلها الابتسامه بس بإبتسامه شرانيه: قدامي على سيارة امي يله قدامي بسرعه لاتوطى في بطنج يا الخسيسه…
مها مشت قدامه خايفه … ووصلت عند السياره الا امها تنتظرها معصبه…
عبدالله: هاه يمه جبتها لج ورماها رمية خفيفه على امه…
مها: شفيكم كأني مجرمة تعاملوني كذا؟؟
ام مها: بسم الله على المجرمين منج…المجرمين يطلعون براءه عندج…
عبدالله ركب السياره وفتح دريشة السياره وقال: مع السلامه يمه .. وهاه اذبحيها ضرب ههههه وهو يطالع مها نظرات شرانيه وإبتسامه شرانيه…
مها: قسم بالله حرام ليه شنو شايفيني.. والله لو كنت انا اللي مفجره قنبلة هيروشيما ما عاملتوني كذا؟؟؟
وركبت السياره وبعدها ركبت امها…
وهم بالطريق للبيت…
مها: يمه بكرى المدرسة ولا إشتريت شئ بس طلعت ملابس المدرسة من الخياط..!!!
ام مها بجديه : لا إحلفي؟؟…. تنحاشين وتسوين كل هذا .. لو فيج خير كان ما انحشتي كذا واشتريتي اغراض المدرسة مو تنحاشين وتسوين مغامرات كأنج تصورين فلم أكشن امريكي!!!
مها بعصبيه:اوووه يمه خلاص قلت اسفه…
ام مها: ووجع لا ترفعين صوتج!!!
مها بحزن وهي منزلة راسها:اسفه…
ام مها: عقابج راح يكوون انـ
مها قاطعت امها:يمه شنو عقاب والله حرام…
ام مها: لا .. انا ما راح اخليج تفلتين من يدي كذا بسهوله…
مها يقلة حيلة:انزين شنو العقاب؟؟؟
ام مها: بكرى راح تروحين للمدرسة وإنتي ما جهزتي غير ملابس المدرسة!!!
مها: لا ..لا..لا أي شئ الا هذا..والله حرام…
ام مها: انا حلفت .. وانا ما راح اصوم ثلاث أيام عشانج…!!!
مها تجاري أمها كأنه شي عادي وقالت بحزن وضيقة: انزين مو مشكله عندي جاكيت نفس الوان المدرسة والاكسسوارات عندي…((**الاكسسوارات شئ مهم عندهم وخاصة ,,وهم بأخر سنة ثانوي))
ام مها بطيبة وحنية: يا حياتي ..مهاوي أنا اسوي هالشئ عشانج…
مها: ههههههههههههههههههههههههههههههههههههههههههههههه
أم مها خافت: مها بسم الله وش فيج؟؟؟
مها: هههههههههههههههههههههههه
مها:أتذكر وجه هذاك الهندي يضحك…صحيح فيه شبه من هذاك الشبح اللي طلع من قبر البطل بعد ما مـات الفــــلم اللي تبعناه انا وانتي وابوي امس…
ام مها إستغربت من بنتها تنسى كل شئ بسهووله ولا كأنها مسويه شئ هالحين تضحك ومن شوي زعلانه عشان العقاب؟؟؟
بس أم مها اعجبها هالشئ ببنتها لانها تعرف هالزمن .. ماينفع للي يشيل بقلبه…
في هذي الدنيا…
أم مها تذكرت شئ!!!
ام مها بعصبيه : مها تدرين ان اللي تسوينه حرام .. حرام تضحكين على الهندي لانها خلقة رب العالمين!!!
مها بضحكه خفيفه: اسفه…
ام مها داست على البنزين بقوووة وهي معصبه وتصارخ: مو كل ما سويتي خطأ تتاسفين لان الاسف ما ينفع في كل وقت… تدرين ليش؟؟ لان هذاك الهندي اللي سبيتيه ..طلع يمني يعني يفهم عربي.. وفهم كل كلمة قلتيها.. قولي لي اللحين شلون شعوره هالمسكين؟؟ نفعه اسفج؟؟؟
مها مصدومه ومو مصدقه وبصوت رايح شوي:يمني!! يعني سمع الكلام اللي قلته…
ام مها : ايه سمع كل شئ!!!
بعده سكتوا الثنتين لحد ما وصلوا للبيت…
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _
الساعة 5 العصر…
المكان: قدام بيت شوق
قدام بيت شوق كانت فيه سياره G.X سوداء واقفه .. وداخلها غاده والسواق…
غاده وهي تدق من جوالها على شوق..وقالت بينها وبين نفسها: اففف هذي ما ترد؟؟؟
غاده تدق وتدق على شوق .. تبي تقول لها تطلع برى…
غاده وهي تدق ردت شوق: نعم؟؟؟
غاده: شووواقتي يله انا عند الباب بسرررعه إطلعي…
شوق:لا حبيبتي دودو ما ابي اخرب عليج انا امي قالت لي ما فيه مجمعات وانتي تبين تروحين لمجمع أكيد!!!!
غاده: شوق انا فكرت وقلت خلينا نرووح لسوق شعبي حلو…نغير جو بدل المجمعات…
شوق بفرحه:يا حياتي يا دودو .. داريه والله إنج ما راح تخليني…
غاده: طيب يله أنا أنتظر…
شوق:5 دقائق بالكثير وانا عندج…
غاده: بسرعه عشان بنمر هنووده…
شوق بفرحه: الله هنوده معنا؟؟
غاده:اايه بسرررررعه خلصي…
بعد خمس دقائق تقريبا طلعت شوق من بيتهم…
وركبت السيارة…
شوق وهي تسكر الباب: السلام…
غاده: وعليكم السلام…
شوق: يله عشان ما نتأخر على هنودتي…
غاده: بابو.. حرك روح بيت بابا ((محمد))((**بابو هو السواق))((**بيت بابا محمد هم بيت عم هند))
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _
الساعة:5 وربع
المكان:غرفة هند…
هند جالسها بغرفتها وتكلم بالجوال صديقتها ساره
هند:هههههههه
ساره: ايه والله ما اكذب .. تصدقين قالت كذا…!!!
هند ماتت من الضحك:هالبنت هذي مجنونه …هههههههههههههههههههههه
ساره: هند ان شاء الله دوم هالضحكه((**ساره تحاول تنسي هند همومها الصعبه))
هند: تصدقين يا ساره ان همومي اللي كبر البحر والجبل .. ما انساها اللي معج انتي وغاده وشوق ونوف
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _
الساعة:5 وربع
المكان:قدام بيت هند
غاده: افففف هند جوالها مشغول…
شوق: اوكيه انا بنزل وناديها…
غاده: لا .. لا يا غبية عمها عصبي ويمكن يذبحج!!!
شوق: لا هي أصلا تقول ان عمها نادرا ما يجي البيت…
غاده:زين لو كان داخل اللحين!!!
شوق: لا ان شاء الله ما يكون داخل…
ونزلت شوق بسرعه..
ودقت الجرس فتحت لها الخدامه الفلبينيه:YES …WHAT DO YOU WANT???
((نعم… وش تبين؟؟))
شوق:I WANT HEND…PLEASE
((ابي هند.. لو سمحتي))
الخدامه:OK..COM EON….
((انزين تعالي))
شوق راحت ورا الخدامه وهي تتأمل البيت الكشخه .. هي صح بيتهم كشخه وبيت غاده كشخه بس بيت هند يشرح الصدر من وسعه وديكوراته…
وهي مو اول مره تدخل بيت صديقتها هند !!! … هي دخلته بس دخلته من زماااان
قطع حبل أفكارها صوت رجال غريب يقول للخدامه:WHO IS SHE???
شوق إرتبكت وماتت خوف قالت بقلبها وهي تبلع ريقها((أكيد هذا عم هند العصبي))
عم هند بعصبيه:نعم … أي مساعده؟؟ وليش جايه؟؟
شوق بخوف وارتباك : لو سمحت ممكن هند.. انا زميلتها…
عم هند عطاها ظهره وقال: شوفيها فوق ولا تتأخرين لج 5 دقائق بالكثير .. وبعدين ما ابيج تدخلين البيت مره ثانيه ..لاني بكل بساطه ما استقبل صديقات هند..وهالمره سماح لانها بتكون اخر مره فاهمه؟؟؟…
شوق بخوف: ممم … مشكور …ع ..ممي
وطلعت ركض على فوق .. وعلى طول فتحت الباب على هند اللي طاقتها سوالف…
شوق وهي تصرخ: هندوووووووووووووووه
هند فزت من الخوف: يمه ..يمه شوي شوي خوفتيني!!!
هند كملت المكالمه:اوووكي سارونه أخليج هاللحين ..
شوق:يالخايسه إلبسي عباتج وامشي خلصينا وحنا صار لنا ساعة ننتظرج تحت…
هند: اوووه… اسفه نسيتكم.. اوكيه انا اللحين جاية…
شوق: يله بسررررعه…
هند وهي فاتحه كبتها تدور عبايتها: انتي انزلي وانا اجيكم…
شوق: والله لو اموت ما انزل تحت.. عمج هذا مرررعب…
هند:ههههه يعني بتجلسين طول اليوم هنا؟؟؟
شوق: لا بس بنزل معاج…
هند وهي تلبس عبايتها:يله انا خلصت ..أمشي تحت…
هند كانت تمشي قدام شوق”لان شوق خوافه” وعند نهاية الدرج وقفت هند فجأة ..لان عمها وقف قدامها…
عم هند: على وين إن شاء الله؟؟
هند وهي تبلع ريقها: بروح اشتري حاجيات المدرسة عمي…
عم هند ببرود:مع من؟؟
هند:مع شوق وغاده..
عم هند: أنا قلت ما فيه طلعة من البيت اليوم..وانا عمج يعني لو قلت لج ما فيه طلعه يعني ما فيه طلعة..
هند وبصوت مرتفع وقريب للصراخ:عمي أرجوووك بكرى المدرسة…على الاقل اطلع ملابسي من الخياط..
عن
شاهد أيضاً
وش قصة ابوة…..؟؟؟
يقول صاحب القصة كان والدي من المسلمين المحافظين على صلاته ولكنه كان يفعل كثيراً من …