عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركآته
مساء / صبآح .. الخير
شلونكم شخباركم !
أنا أثق في حلولكم ، بقولكم مشكلتي اللي عكرت مزآجي 
أنا كنت دايم اسمع أمي تقول ياربي بيهبلّ بي مايقوم يصلي ومدري ايش
أقولها وش يهمك الذنب عليه اللي عليك سويتيه
وتمر الأيام ومازال على هالحال ( علماً إن عمرهـ 18 )
المهُم : نآداني أخوي اليوم الساعه 11 الظهر قال إجلسي عندي بالغرفه
قلت أوكي .. وجيت وجلست معه ، أذن الظهر
أنتظر ولد الحلال يقوم يصلي مآقام ..ماعلقت أنا
وجلست معه برضو وهو جالس ع الكمبيوتر ( الإكس بوكس ) ويلعب آون لاين ويسولف معُهم
فوق مآ هو مآيصلي كل لعبه معهم ( لعن – كلام موب زين ) المهم أذن العصر
والحبيب مآقام يصلي .. أذن المغرب ومآقام قلت يافلان ورى مآتقوم تصلي !
.. أذن المغرب ومآقام قلت يافلان ورى مآتقوم تصلي !
سفهني وماردّ وقعد يكلمهُم .. قلت يآولد مآتسمعه بالركعه الأولى ؟ قم 
وسفهني وعطآني ظهره وكمل لعَب .. شوي قعد يغني ، آنا هنا طلع دخآن مع أذني
قلت هيه آسمع ماقمت تصلي بقريح جعلك تكفر بس تغني وهُم يصلون لا عاد إلى هنا وخلاص
قآل : يؤ استغفر الله <~ يقاله نسى ، قلت متأكد آنك ماتعبد هالشريط اللي تلعب به آستغفر الله !
وبرضو يسفهني أخي العزيز ، وولا كأني أحكي ..
نزلت لأمي أحكي لهآ ، وأنا وربي مصدومـه حسيت بالمعاناة اللي تحسها هـي
وربي طقتني الهواجيس ضآق صدري ، وين الخوف من الله !
حرآم وربي حرآم .. شي يقشعر له البدن .. يعني يوم القيآمه قرّب وعلمه عند الله سبحآنه
متى بنتوب ! أمي تعبت .. تبي حل ، كل شي سوينآه
كل مآله وحالته بالصلاة تزود سوء .. واذا قالت له أمي قم صل ، يعصب عليها ويصارخ
( ولا تقل لهمآ افٍ ولا تنهرهمآ وقل لهمآ قولاً كريما ) للأسف ماطبقهآ
لا مع أمي وولا مع أبوي الله يرحمه ..
،
إخوي الثاني ( 23 سنه )
يصلي الحمد لله ، لكن صلآته كلها بالبيت ، تقول له أمي أنت حرمه يومك تصلي بالبيت !
قآل ايه آنا حرمه ( عشآن يسكر الموضوع ) .. وربي يمكن مآطبّ المسجد من سنه
وتوّه تاعب قبل يومين ، وللأسف ماتاب وولا شي أسمع صوت الأغاني تردح بغرفته
طبعاً طول وقته طالع برى البيت .. من أول مايقوم لين مآينوم
وإحنا هو رجآلنا يعني صاير وربي السوآق أخونا و أبونا موب أخوي ذآ
ويقول ليه تتصكر بوجيهنآ وماتنفرج ، ياااصبر ربي على عبآدهـ بس
، ياااصبر ربي على عبآدهـ بس
بيتنآ مافيه ترآبط بيننآ ، ما أحس بالأمان .. أحس مغضوب علينآ والعياذ بالله
مدري .. كلن لآهي بدنيآهـ .. أنا ما أقول لكم أني ما أغلط و أذنب إلا والله
بس موب مثلهُم ، انا لأني تعبانه .. فأخاف من الله ، وأتضايق لا أذنبت
وودي أكون ملتزمه أكثر ، وأبعد عن الأغاني وعدم الإلتزام بالصلاة . . . إلخ
بيتنآ مافيه حيآة .. ميت دآيم ملل ، شي لايطاق
سآعدوني تكفون ، وربي معاد فيني أصبر أكثر ، وكل وآحد نفسه بخشمه بعد
آنقذوني ! كل مآللحآلة تسوء أكثر
الله يعطيكم العافيه ويجزآكم خير ، فمآن الله أنتظركم 
