إستعمالات (البيجمنت) و جواب لكل من سأل عنه

شخباركم ؟؟

ألوان ودرجات الـ pigments من ماك روووعه وعجيبه

وفي هالموضوع بنتكلم عن الـ pigments بشكل مفصل وشرح لكل شي ممكن نسويه فيه ..

لأنه كثير بنات سألوني عنه وعن إستخداماته لمن حطيت هالموضوع

http://www.alfrasha.com/showthread.php?t=181211

وفي النهايه يكون عندج خيارات متعدده تختارين منها اللي يريحج ويناسبج ..

بسم الله نبدي ..

1/ماهو الـ pigments ؟

الـ pigments هو مثل الشادو الباودر لكنه غير مضغوط لا متناثر مثل اللوس باودر .. وممكن يستخدم لأغراض كثيره مو فقط كشادو ..

الصوره للـ pigments راح توضح لنا فكرته اكثر :

وألوانه ودرجاته طبعا كثيــــــــره هذا نموذج

وهذا مثال شوفو كيف على العيـــن

2/ لماذا ممكن استخدم الـ pigments؟

غالباً الـ pigments يستخدم للعيون كـ شادو او للشفايف ،، لكن الـ pigments لأي منطقه في الوجه ،، بلاشر ،، اضاءه ،و غيره من الاستخدامات ..

لكن في البدايه وقبل اي استخدام للـ pigments

تنبيه مهم :: لكل درجة من الـ pigments استخدام ،، يعني بعض الدرجات تنفع فقط للعين ،، وبعضها ممكن للشفايف وممكن تكون ضاره ،، بعضها ممكن تكون مثل الكحل وبعضها تكون ماتنفع ..

يعني افضل شي تسئلين خبير او خبيرة ماك بالمحل قبل لا تشترين اي درجة من الـ pigments عن حدود استخدامه ..

3/ شلون نستخدم الـ pigments كـ شادو للعين ؟

وهذي النقطه الكثير يحتار فيها ومستصعبها ..
ممكن تستخدمينه عادي بدون اي اضافه لكن اللون راح يكون باهت ،، مو ثابت ويتنثر على كامل العين ..

في منتجات ثانيه الى جانب الـ pigments راح تساعدج على تثبيته و بالتالي لونه راح يكون اقوى و اوضح ..

منها :

..1..
MAC Shadesticks

اللي يكون الشادو القلم تحطينه على منطقة الجفن بكمية بسيطة و تموهينه عشان ما يتكتل(وله عدة درجات وألوان) .. وتحطين فوقه الـ pigment .. ولازم تختارين الـ Shadesticks بلون قريب من الـ pigment ..
واذا كان عندج كمية كبيره من الـ pigments وصعب تاخذين كل درجات الـ Shadesticks
اكتفي بـ 2 من الـ Shadesticks واحد بلون بيج او نفس لون الجفن عشان يمشي مع اغلب ألوان الـ pigments الفاتحه ،، ولون غامق او اسود يمشي مع اغلب الوان الـ pigments الغامقه ..
وممكن تستخدمين اي شادو ستيك ومو اجباري الـ MAC Shadesticks

..2..
MAC Paints

وهذا حكايه ثانيه ،، شي خيالي وروعه ، درجات حلوه وايد وألوان قويه وثابته ومبهره ..
ممكن تحطينه بروحه ،، وميزته انه ما يتشقق او يسيح ..
وممكن تحطين فوقه الـ pigments بنفس الطريقة السابقه

..3..
MAC Cream Color Bases

وهو بيس ينحط على الجفن وينحط فوقه الـ pigment ،، بنفس الطريقه السابقه
في منه عدة درجات .. اذا ما انوجدت الدرجه المقاربه للـ pigments حطوا لون بيج او وردي فاتح بنفس لون الجفن ..
ولو عندج بيس الشادو من اي ماركة ثانيه راح يفي بالغرض

..4..
water-based mixing

وممكن تستغنون عنه وتستخدمون الماء العادي ،، تبلون طرف الفرشاه بالماء ،، وبعدها في الـ pigment و توزعونه على الجفن ..

..5..
Fluidline او الكحل الكريمي

توزعينه على الجفن ،، لكن استخدمي منه كمية بسيطة بطرف الفرشاه عشان ما يتكتل ويخرب ..
وانا احب هالطريقه ،، ومو بس مع الـ pigment ،، استخدمها مع اي باودر شادو ..

البعض يستخدمون الفازلين او مرطب الشفايف بأن ياخذون منه مسحه خفيفه على الجفن ويحطون فوقه الـ pigment وهالطريقه مافضلها لأن بتخلي الـ pigment متكتل :angry:

هالشغلات كلها اللي ذكرنها ما بتخلي فقط الـ pigment ثابت ولونه قوي ،، لكن بتخلي مكياج العين كله ثابت طول اليوم او السهره ..

تذكير قبل ما ننتقل للنقطه التاليه

وهو ان الـ pigment بطبيعته انه باودر راح يتنثر على الجفن السفلي ويبقع عندنا الفاونديشن ..
وفي حل من 2

اما تحطون ورقة كلينكس تحت العين وتتمكيجون وهالطريقه ماحبها ومب مضبوطه

او انكم توزعون من اللوس باودر ” البودره الحره ” تحت العين عشان تلقط اي شادو يتنثر وبعد ما تخلصون مكياج العين تنفضون البودره بدون مسح مجرد نفض .. وهالطريقه اغلبنا نعرفها ومهمه وايد لمكياج نظيف خصوصاً لو بنستخدم شادو بودره .. وأفضل فرشه لهذي الخطوه