عالم البنات النسائي كل ما يخص المرأة العربية من ازياء وجمال والحياة الزوجية والمطبخ
انا كتبت هالموضوع من كثر ماشفت مواضيع لبعض الاخوات يتحسرن على نفسهن انهن ماتزوجن ولا حتى انخطبن إلى الان…وانا ما ألومهن أنا كنت مثلهن بالضبط احلم بالزواج وميته عليه واشوفه حياه ورديه ماصارت ولااستوت خاصة اني ماشاء الله زي مايقولون ملتزمه وملكة جمال وحافظه اكثر من نصف القراءن بس هذا كله ماشفع لي عند زوجي لما شك فيني وكل شيء تغير بعد ماتزوجت وانصدمت..واقول لكل خواتي اللي شغل بالهن الزواج..وش انتن مستعجلات عليه … مستعجلات على الذل والظلم وربي انكن طيبات انا مثلكن قبل ما اتزوج كنت ميته على الزواج موت مو عشان شي إلا السكن النفسي والاستقرار والتحصين والعفة وجاني واحد ملتزم من عيال عمي مستقيم وجامعي وفاهم زي ما إحنا آخذين مقلب في كل من كان جامعي ومع انه متزوج رضيت فيه كله وربي عشان استقامته وقرابته لنا وعلمه بس ياليتني ما أخذته ولاعرفته وياليت قعدت عند امي وابوي بكرامتي وربي قهرني وظلمني وشك فيني وربي أعلم بي منه الغبي والسفله وياليته على كذا وبس إلا حطني في اختبارات وانا مدري وظن فيني ظن السوء وبيّت لي نية السوء والغدر والطلاق ولا عطاني فرصه أدافع عن نفسي ولا حتى عطى نفسه فرصة عشان يتثبت من شكوكه وياليته فارقني بإحترام إلا ذلني وقهرني واللي ذابحني زياده محد يعرف السبب الحقيقي إلا انا وهو وربي قبلنا ولاحبيت أسوي مشاكل وأدخل اهلي في مشاكل معه لها أول مالها تالي مع اني اكتشفت انه جبان وقوته بس علي أنا عشاني مرأة ضعيفه ….تصدقون أوهمني إنه عمل تحاليل بالمستشفى واشتبهوا في وجود مرض خطير عنده وإنه لازم يوديني عند اهلي لأنه مايتحمّل يشوفني قدامه بدون لايلمسني وقال لي لاتقولين لأهلك لين تطلع نتيجة التحليل ونشوف وش الله يكتب..وصدقته وحزنت عشانه وإلتجأت لربي وقعت اصلي وابكي وأدعي له واقول ياربي سلّمه لنا وارحمنا بضعفائنا أطفاله الصغار وخلّه لهم ولي واحترق قلبي عليه ومادريت انه يكذب اصلا وإنه ناوي يطلقني بس معطي نفسه فرصه لين يتأكد من شكوكه وفعلا جابني عند اهلي لأنه زي ماقال فعلا هو مايقدر يشوفني قدامه بدون يلمسني بس مو عشان المرض عشانه معتزلني يتطهر عني مايقدر يلمسني وأنا خاينه في نظره وحسب شكوكه ورماني عند اهلي وانا عروس ماكملت 6 او 7 ايام وسحب علي 3 اسابيع(تخيلوا درجة الاستغفال يستغفلني وناوي لي الطلاق والشر وانا ابكي عشانه واصلي لربي وادعيله)بالله مو قمة الهر والخبث منه.. لا وادق عليه ويزمر علي ويعصب اقسم بالله لو تسمعونه كيف يكلمني ويعاملني كان ماتقولون زوجته كان تقولون عني ساقطه تتحرش فيه…..حسبي الله عليه دخل فيما بيني وبين ربي وحكم على ديني… آآآآآآآآآآآآآآآه حسبي الله عليه استحل دمعتي وألبسني ثياب الحزن وانا في اول شبابي الله يلبسه ثياب المرض والاحزان وينتقم لي منه اشد انتقام….وربي اني اكتب لكن وانا دموعي تسابقني مع اني تقريبا خلصت عدتي بس شيء يحز في النفس ويقهر يوم تجين صادقه في نيتك مع ربي وصادقه في كل شيء ويجي من يخوّنك ويشوف نفسه أتقى عند ربي وأحب لربي وأولى بربي منك وربي أعلم بك منهم كلهم…بنات انا قبل اتزوج زوجي هذا تعلقت غصب عني في واحد حافظ للقراءن كان خاطبني من اهلي ورفضوه لأنه مو من قبيلتنا وجلس 3 سنين ينتظرهم يوفقون بس عيّوا وحزنت عليه وبكيته دم بدل الدمع ويشهد ريي ماشفت أعف منه احد ولا أطهر
ياليتني أخذته كان مافرّط فيني أبد لأنه كان شاري ديني وحفظي لنصف القراءن.. وربي جلست 3 سنين اترجى اهلي يوافقون عليه محد رحمني إلا واحد من اخواني اصغر مني خريج ثانوي حاول فيهم مافيهم فايده آخر شي صار اذا بكيت يبكي معي..ولما تقدم ولد عمي هذا قلت في نفسي يابنت العوض ولا القطيعه اهم شي تتزوجين مستقيم بس ماكنت ادري ان المستقيمين يختلفون وبعضهم مليان تكبر وجبروت وغرور وعُقد نفسيه زي ولد عمي اللي أخذته هذا وآخر شي ظلمني وقهرني واستحل دمعي ليل نهار وكرّهني في الرجاجيل كلهم وفي الزواج كله حسبي الله وكفى سمع الله لمن دعا ليس وراء الله مرمى ولامنتهى.. ربي اني مغلووووووووب فانتصر
