عالم البنات النسائي كل ما يخص المرأة العربية من ازياء وجمال والحياة الزوجية والمطبخ
راح اكتب لكم عن ابره الظهر بالتفصيل اللي صار لي
-اخذتها ثلاث مرات
-الاولى قبل 7 سنوات نزلت المويه علي رحت المستشفى جلست 6 ساعات بدون اي طلوق بعدها عطوني تحميله وبعدها تحميله ثانيه وبعدين انفتح الرحم 4 سانتي وكان الام يروح ويجي محتمل قليلا جت طبيبه التخدير مصريه جلستني وقالت لما يروح الالم قولي وجلست وحاظنه المخده وغزتني بنج موضعي وبعدها الابره شبكتها من بعد الابره مافيه اي الم نمت شوي بعدها كشفو مرتين وقلت ولاده وسويت بوش 6 مرات السابعه الحمد لله ولدت اللي تسال مافيه الم ابد ابد ابد حتى وقت طوع الراس ماحسيت بشي الحمد لله
-الثانيه قبل 4 سنوات رحت لموعدي الاخير دخلوني قسم الولاده برضه تحميله وطلق صناعي بعد ماانفتح 4 سم جا دكتور عراقي اسمه انور عطاني الابره ونفس وضع الاولى جلست كم ساعه الدكتوره فتحت لي المويه وجلست برضه كم ساعه وولدت ونفس الشي بدون اي الم بتاتا
-الثالثه قبل 10 شهور رحت الموعد سوت لي تحريض مؤلم جدا توني اعرف الفرق بين الكشف والتحريض الكشف مافيه الم لكن التحريض جدا مؤلم وودوني قسم الولادهعطوني طلق صناعي في المغذي بدون تحميلات لان ذا المره الرحم مفتوح 4 سانتي وعلى طول ابره وكان ذا المره دكتور خالد عراقي بس ممتاز ومطمئن عطاني الابره ومتوقع اولد بدري لكن خلصت الابره وانا ماولدت فبديت احس بالم وجا مره ثانيه وشبك الثانيه هي تكون زي المغذي والحمد لله ولدت بعد بدون اي الم والحمد لله
اي سؤال انا حاضره
-اللي تقول اخاف ما احس بالدفع تحسين بشي يضغط على برا بس بدون الم يعني تدرين متى تدفعين وغير كذا جنبك جهاز يعلمك متى تكون الطلقه قويه عشان تدفعين
-اول مره اخذتها كنت اقدر احرك رجولي الثانيه وحده من الارجل ماقدرت احركها الثالثه قدرت احركها بس حسيت يثقل
-بعدها مافيه الم انا عن نفسي ماجاني صداع ولاشي ولله الحمد ماشاء الله
– واللي تقول جاني الم بعدها طبيعي ياحبيبتي بعد الولاده ظهرك يعورك سواء بابره او بدونها اي استفسار او سؤال انا حاضره
