عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم جميعا
بنااااااااااااااااااات انا محتاره مررررررره وابيكم تساعدوني داخله على الله ثم عليكم
وانا كتبت الموضوع هنا لاني ابي راي المتزوجات والمجربات
السالفه وباختصار
اني بنت عمري 29 انخطبت كثير كثير بس ربي ماكتب لاسباب مختلفه
والحين خاطبني ولد خالي بس المشكله انه اصغر مني بكثير يمكن عمره 22 او 23 والله ما ادري كم بالضبط
وهو موظف ويصلي ومايشرب دخان وماعليه عاقل
هذي معلومات عني وعنه والحين ابقولكم السالفه كلها
قبل شهر اتصلت علي اخته وقالت لي ياسوسو محمد يبيك ويبي يخطبك
المهم وقتها ضحكت وماحطيت شيء في بالي ومافكرت بالموضوع نهائي لانه اصغر مني ومستحيل اوافق
بعد اسبوع او اسبوعين كذا مره اخته تلمح لي بس عمري ماحطيت الموضوع براسي لين قبل امس كلمتني وقالت ترا الولد ذبحنااااااااااا وغثنا ويقول مابي غيرها
هنا انصدمت وماعرفت ارد عالبنت
وقالت لي والله يبيك ورافض كذا بنت اخترناها له ويقول غير سوسو مابي احد
وامه تبي تخطب له بنت خالته ورفض واصرت عليه وتهاوش مع امه وقال والله لاتهاوش مع خالتي لو تخطبين منها
انا رافضته عشان فرق العمر بس بما انه هو اللي مختار قلت افكر وش خسرانه ومثل مايقولون خوذي اللي يحبك ولا تاخذين اللي تحبينه
وللمعلوميه ابوي يرفض يزوجنا من برا الجماعه وكذا واحد ردهم لانهم مو من معارفنا
هذا السبب اللي خلاني افكر بالموضوع لان اخاف يفوتني القطار ومايجي مناسب او مايتقدم لي غير متزوج وانا مابي متزوج
بنات هل تتوقعون في يوم راح اندم
وابيكم تقولون لي رايكم من خلال تجاربكم او ما سمعتوا
لاتبخلون علي باي كلمه تطري عليكم
