ابشركم ولدت وهذي قصة ولادتي

توني ولدت ولي 15 يوم وجبت بنوته زي القمر بـــــــــــــــــــس…. 😆

الولاده شي ماتوقعته كذا

انا رحت المستوصف اللي كنت اراجع فيه وكشفت علي الدكتوره تبي تشوف الرحم فاتح ولا لسى طبعا انا بكريه ومو عارفه شي لسى وكنت حاطه برنامج بعد ماطلع من موعدي عندالدكتوره امر السوق واغير جو بس ماكتب ربي ..
المهم قالت الدكتوره فاتح 1 سانتي
انا انفجعت 😉

على بالي راح احس بالام اذا فتح الرحم المهم حولتني على مستشفى وقالت لازم تروحي الحييييييييييين ضروووري

رحت على طول المستشفى ولما كشفت علي الدكتوره قالت تنويم انا بديت ارجف حسيت خلاص لا مفر من الموقف والمشكله ان زوجي مو معاي بديره وانا بديره ثانيه والحمل هذا زوجي ينتظره اكثر من 9 سنين لانه كان متزوج قبلي بس ربي ماكتبلها تحمل

بهالحظه وانا بالمستشفى اتصل زوجي كلمته طبيعي ماقلتله اني بالمستشفى مابيه يقلق

كانت معاي بس امي الله يخليها طلعوني غرفة الانتظار وجلست فيها لحد اليوم الثاني وبعد صلاة الظهر اتصل زوجي مره ثانيه وربي كانه حاس المهم انا قلتله اني منومه

هو كان راح يموت من الفرحه وقال اخيرا راح اشوف عيالي … انا في عالم اخر من الخوف وهو بعالم اخر

لما جا وقت العصر بدى الطلق يحمى علي كل خمس دقايق بعدها نزلوني كشك الولاده وولدت على الساعه 9 ونص بس فيه مشكله وشي

المستشفى اللي ولدت فيه مره خدماته روعه وعيبه اني لما دخلت كشك الولاده كان قدامي وحده توها والده بس مو مغطينها كانت قدامي وهم جالسين يخيطوها انا لما شفت المنظر هذا وربي عصبت وانقهرت المسكينه ماتقدر تغطي نفسها كل ما مر احد شافها

واللي يولدون شباب سعوديون وربي انحرجت وكرهت نفسي لدرجة ان ولادتي تعسرت مع ان كل شي كان طبيعي ووضع الجنين طبيعي بس من الاحراج ما قدرت اساعدهم بالولاده وبالاخر لبسوني لبس العمليات وقالوخلاص عمليه بس ربي رحمني باخر لحظه وولدت طبيعي ولله الحمد

لما عرف زوجي اني بغرفة الولاده ركب اول طياره وجاء على طول وربي مانسى فرحة زوجي بالبنوته نستني الالم والاحراج